香蕉蛋糕(附食譜)

🤔好耐無整蛋糕，星期一我兩個小朋友放假我又唔洗返工，見好得閒，亦見屋企條香蕉🍌熟到就快爛又無人食，所以我拎佢黎用🥚全蛋方法整香蕉蛋糕食😉今次呢個蛋糕唔洗加泡打粉落去整架~♡製成品好靚仔👍 蛋糕質地亦好鬆軟👍 味道仲好好添👍真系好正加😅我唔系講笑架!!!我整好當日阿女自已一個人食佐4片呀，我呢兩日早餐都系食佢，每朝兩片香蕉蛋糕再加杯奶茶，真系好正!  早餐錢都慳返唔少🤣

今日有些少攰，食譜天日先打出黎 !

香蕉蛋糕

(不添加泡打粉)

( 份量 : 2個長方型磅蛋糕模 )

材料:

雞蛋4隻，砂糖100克，低筋粉200克，

粟米油100克，大香蕉1條(約200克)

做法:

(1)，香蕉用叉壓成蓉

(2)，低筋粉過篩2次

(3)，將4隻雞蛋打散，加入砂糖用電動打蛋器以高速打至淡黄色以及有蓬鬆狀態，成為蛋糊，(高速打蛋須時約1O分鐘 ，拿起打蛋器時蛋糊流下時呈摺疊狀態，又或者能夠能清楚寫到8字嘅蛋糊為之最理想)

(4)，將香蕉蓉倒落步驟(3)，用電動打蛋器以高速打1分鐘至完全混合

(5)，將已篩的低筋粉分3~4次和步驟(4)以切拌方法輕輕手混合好，成為麵糊

⑹，在步驟(5)先拿三份一麵糊出黎與粟米油完全混合好，再將它倒落剩餘麵糊裹，再次混合好 (要以切拌方法混合，動作不能太大力，否則會消減了麵糊裏的細小泡泡)

(7)，以160度預熱焗爐，在焗模加上牛油紙，再將步驟(6)的麵糊倒落模，入爐前登2吓，放入焗爐再以18O度焗30~40分鐘即可  (倒8成滿即可，焗途中會漲起)

(8)，焗完脱模，等完全放涼便可切片食用!

溫馨小貼士 : 

(1)此食譜不添加泡打粉的，所以在打蛋步驟好重要，一定要打好，將低粉與蛋糊混合時要以切拌方法和輕手將兩者混合，過度用力混合會另蛋糊裏的氣泡消烕掉，另蛋糕不能漲起，而令到蛋糕實啲啲!

(2)做香蕉蛋糕要揀d熟透以及起梅花點嘅香蕉黎整蛋糕，香蕉越熟做出黎嘅蛋糕蕉味就越香!

(3)喜歡食甜d嘅朋友，砂糖份量可自行加多d

(4)想蛋糕更香更美味可口，可將粟米油改用已溶的牛油

(5)想知蛋糕是否焗熟，可用一枝牙籤插落蛋糕底部再拿起，沒有蛋糕桨痴牙籤即代表熟