忌廉雞肉菠菜白汁意粉

昨晚净系煮佐呢個意粉一家4口食就算，本身醃佐d牛仔骨我話煎埋黎吃，老公話呢個意粉已經有肉有菜足夠喇，唔洗煎，所以琴晚一個煎pan就搞掂，呢d天氣太熱系廚房煮飯煮餸真系熱到屎屎吓！真系煮完都無胃口吃…… 煮d簡單餸最好不過(^_-)

五香蛋黄咸肉糭@2016

自從我學識包糭之後我都無再系街買糭食了，呢幾年幾乎年年有包糭，其實我真系唔系好想包，包佐幾年，次次包親都系雞手鴨腳咁，包得好慢……所以唔想包就系因為咁，無奈的事老公同仔女都話想食，唉……免為期難咁包小小喇，每次包親都20隻左右啦，要分2次黎煲，有大有細，我仲要因應返我屋企嘅大細老闆口味去包，大老闆老公獨家要幾隻多咸肉原隻咸蛋黄及少綠豆多糯米嘅糭，而兩個小老闆就要小咸蛋多豬肉同多糯米要走綠豆及要細細條的糭，咁樣嘅要求我先可以滿足到佢地，哈哈……今年總數包佐28隻，用佐3斤半糯米，半斤多小小綠豆，半斤糭葉，15隻咸蛋，2磅腩肉，第一次煲佐16條，第2次煲12條，我包最後果8條想搞搞新意加佐小小黑糯米落去，又加佐小量馬拉盞落綠豆果度撈勻，等綠豆有多d味道，今次包糭味道比上一年好，上年咸佐d，今年調味果方面唔敢落咁重手，哈哈……昨日我地已經試食過d糭，整體黎講我覺得味道幾好，唔太咸，味道適中……包好拎佐d糭俾家人，8條奶奶，4條姑奶，阿媽6條，自己實際得12條，感覺上少佐d……睇黎下年要加碼買5斤糯米1斤綠豆黎包先夠(^_-)

西瓜煉奶涼粉

真系無諗過涼粉系可以自己做,涼粉草同梘水亦系第一次接觸咋，呢排d天氣真系熱到無朋友，就系因為熱老公成日叫我整滚湯同買西瓜俾佢吃，上星期系fb俾我見到有人自己系屋企制造涼粉，我覺得好得意，所以copy佐，眼見材料唔多，做法都算系簡單所以跟住人地食譜試下做，第一次整就成功佐，真系好開心！

梅菜扣肉蒸茄子，洋蔥豬扒

今晚繼續post我系百佳買嘅ECD方便餸，加熱就可以食用，真系好方便，因為一包真系得好小好小，所以自己要諗下用d咩蔬菜可以加埋落去吸下d味咁就更加好，我今次用佐另一款餸系梅菜扣肉，我加佐2條茄子放底蒸，就系咁簡單又可以做一個餸，味道唔差架，之但系茄子蒸完出黎有好多水，搞到個味淡佐好多，我個人認為太淡唔好味，所以將d汁倒出黎落鑊煮吓再加返小小鹽同生粉水煮匀再倒返落茄子上再撈匀食得，味道即刻唔同晒，撈飯食真系好正！10幾蚊一包真系抵，岩晒我……當我諗唔到買咩餸煮咩飯嘅時候買一包呢d方便餸即食或者加小小蔬菜咁又變成一個餸，真系快靚正！

紅洒牛腩炆薯仔，梅菜鯪魚

某日我行百佳見到有ECD系度做推廣，我從未買過呢d包裝餸的，今次亦系第一次買，10幾蚊一包見又唔系好貴，加上現場有得試食，我試佐小小覺得味道幾好，所以買佐2包返屋企試，一包牛腩，另外買佐一包梅菜扣肉，推廣姐姐話一包一人份量其實唔多架，如果你自己加d蔬菜落去再煮下就會好d，咁樣就足夠你做一個餸，唔喜歡加野落去煮可選擇將煮好佐嘅意粉放底，加熱包餸淋落意粉度撈黎吃一樣好味，聽佢咁講我自己就用佐薯仔粒同包牛腩一齊炆20分鐘，出黎效果好掂，真系好好味！我兩個小朋友話好正，d汁好好味，兩三下功夫同我清晒碟薯仔炆牛腩，阿囡叫我下次再買，仲話再煮的話要多汁喎，哈哈！10幾蚊一包又真系食得過，因為依家d牛肉又確系貴……