呢排好常食荔枝，食得多唔多唔少都會燥熱，系時候要煲返d清熱野飲下……等個身體降降温，清清熱毒…… 加上夏天天氣咁鬼死熱，成日都想飲凍野，煲呢個蔗水放雪櫃最岩……天熱我自己比較中意煲d凉茶放系雪櫃等两個小朋友自己拎黎飲，加上我自己都好中意飲蔗水，自己煲足料又好飲，俾出面買果d好飲好多！
 |
| 健康飲品 |
2014年6月29日星期日
馬拉盞爆炒鮮魷，薑葱焗韓國蠔，帆立貝鮮魷pizza，蓮子百合紅豆沙
昨日老爺奶奶參加佐內地食荔枝團，走時每人派到两盒大約10斤的桂味荔枝，奶奶拎佐其中一盒俾我地，d荔枝好新鮮粒粒細核好靚，我超中意食！夏天水果我最中意食芒果，榴槤，荔枝*^O^* 奶奶咁辛苦拎荔枝黎俾我食，我當然要整返d正野佢地食下喇！哈哈… 整佐簡單ge海鮮餐+紅豆沙糖水俾佢地食，老爺奶奶話好好味！
 |
| 馬拉盞爆炒鮮魷 |
2014年6月18日星期三
2014年6月16日星期一
盈盈謙送俾爸爸的父親節禮物，蕃茄薯仔粟米湯，凉拌雞絲粉皮
琴日系父親節，阿囡同阿仔親手整佐d小禮物俾爸爸，爸爸好開心…… 我無野送俾老公^e^，老公一個人咁辛苦去揾錢養起成頭家，我一於煲返一大煲超濃郁的蕃茄薯仔粟米豬骨湯等老工佢放工返黎孝敬下佢先得，以及整佐一大碟凉拌雞絲粉皮大家一齊食！老公昨晚大讚我煲ge湯好飲，佢話今次呢個湯好甜，超好飲，好正……
2014年6月14日星期六
煙三文魚沙律，大蝦煙肉燒雞pizza，什雜壽司，小食并盤(父親節晚餐)
两姊弟(盈盈，謙謙)提早同爸爸慶祝父親節
其實系屋企慶祝父親節經濟又實惠
昨晚我為老公整ge父親節晚餐……
两姐弟話d食物好好味，同埋好豐富 !
如果有埋個蛋糕就更加完美喇＼(^o^)／
 |
| 自製煙三文魚沙律 |
2014年6月13日星期五
阿仔幼稚園第二十一屆畢業典禮
6月2號系謙謙幼稚園第二十一屆畢業典禮，系屯門大會堂舉行，我同老公，盈盈，爺爺嫲嫲一齊出席，去睇謙謙表演，謙謙jel完頭著住套表演衫真系好靚仔，哈哈……謙謙出世到依家系第一次jel頭咋，所以有d唔中意^e^ 謙謙表演完畢我地全部人搭輕鐵返銀座客家好戔食晚飯！
# 謙謙未畢業架！佢下午先畢業呀……依家讀緊低班，黎緊9月就昇讀高班，盈盈就讀二年班喇 ^e^
2014年6月11日星期三
清蒸洋蔥，蒜頭冰糖雪梨茶
盈盈前幾日因咳搞到發燒，仲要一連三日都唔可以返學，煩死我！聽朋友講話蒸洋蔥飲d洋蔥水可以止咳，反正都系天然食材，我就試下佢ge功效，結果都系一般，兼且唔好飲-_-# 同朋友講返效果只是一般，佢話都系因人而已，有人一飲就見效，有些人飲好多次都無用^_^ 之後佢又介紹我煲另一種止咳飲品，就系蒜頭冰糖雪梨茶，我感覺盈盈飲好佐d無咁咳，同埋呢隻茶好飲過洋蔥水多多聲！ 呢两樣飲品都系由天然野製成，飲完唔會對身體有任何副作用，所以值得一試！
系咪真系有效？因人而異 (^ω^)
訂閱：
文章
(
Atom
)