2015年4月29日星期三

炸菜豬頸肉蒸滑豆腐,雜菌肥牛蔬煲

天熱唔想開鑊炒野,炒到成身汗,琴晚2樣餸都系蒸,煮,快靚正!炸菜豬頸肉蒸滑豆腐,簡單好味又有營養,d雜菌開頭諗住炒肥牛的,但因天氣熱懶得炒,全部雜菌及菜放晒落煲加水一鑊熟,最後加肥牛煮1分鐘加鹽調味就食得,有菜有肉又有湯,岩晒我呢個懶人……哈哈!

2015年4月28日星期二

豉汁蒸鱸魚,上湯灼菜蕊

昨晚d餸真系超簡單,净系魚同菜……哈哈,但佢两個竟然好開心!因為我平時好小買魚吃的,昨日我同阿仔d同學仔媽咪一齊去天瑞買餸,系街市行佐一大圈都唔知買咩餸,見同學仔媽咪買,我又跟佢買魚,實在諗唔到買咩餸……

2015年4月5日星期日

意式肉醬意粉,香草蒜味焗雞翼,蒜蓉牛油煎帶子,蒜蓉牛油帶子意粉

又繼續跟【明星愛廚房】學整菜式,今次系跟鄭俊弘提供的食譜去整,我平時整親的肉醬意粉多數系用肉,蕃茄,洋蔥,香草,但鄭呢個食譜系好得意會加埋紅蘿蔔和西芹,我見咁特別所以我跟佢食譜整一次,事實上味道真系唔錯,吃意粉時都可以食到小小蔬菜,唔錯唔錯……見仲有牛油帶子及意粉剩系度,所以两樣加埋撈一撈又食得,方便快捷!
(呢個post系個月的,依家先得閒出……哈哈~)