川貝陳皮燉檸檬

呢個燉檸檬一年四季都岩飲，可以一次過燉多d慢慢飲，有時喉嚨乾涸又或者有輕輕咳都可以做到舒緩作用嘅，呢個燉檸檬系超濃縮的，就咁不黎食都得，加水沖泡飲用，凍熱水都得，當然想功效好最好系用熱水沖喇！功效 ：止咳，化痰，潤肺，理氣，滋潤喉嚨 ，記住我今日介紹呢個燉檸檬并非藥物，純粹是保健飲品 !

梅子酵素

前排見到佳寶d青梅好抵買，20蚊有4磅咁多，嘻嘻…我又忍唔住手了，買佐8磅，拎佐4斤來做青梅酵素，其餘果d青梅就放落去浸酒，因上次浸梅酒買少佐青梅，哈哈~ 期侍我嘅青梅酵素製成品…

2021浸青梅酒

🍹又黎浸梅酒喇😁……今次青梅酒變黃梅酒~ 😅事關我早兩日放假已經買定d梅，今日再去買酒，天熱d青梅都變佐做黄梅，哈哈~ ~ 需然放多佐两日變黄佐，但多佐陣梅香味，幾正喎!

雪梨雪耳桔餅魚腥草茶

我又黎煲魚腥草茶喇……事關我住緊嘅大廈前排有1個人確疹新冠肺炎，我工作嘅地方一早已講明如果自己住緊的大廈有確診就要我哋停工3日如果再有確診就一定要俾個人檢測報告先可以返，停完3日咁岩第4日我本身系放假嘅，之後到我返工喇，返佐1日工，第二日返到去，就話個商場有人確診佐，即日要成個商場消毒同要暫停營業，當日我地就安排去佐第二間鋪返，但第2日就唔可以返，要去做有報告嘅$240檢測，唉……即系話我又要我放無薪假了，呢個月無啦啦放佐幾日無薪真攞命，為保自己及家人身體健康真系要煲多d清熱潤肺飲品及湯水飲吓先得~ 

南北杏魚腥草蘋果雪梨茶

今日放假得閒又黎煲吓魚腥草先…… 🥴魚腥草未煲嘅時候真系好鬼死腥🙈 但系煲好之後就完全無腥味架😍呢個茶功效好好架👍 間唔中煲呢d黎飲吓，😷病痛都小d，大家得閒都煲d黎飲吓喇…… 💢怕寒嘅就加片陳皮落去煲，煲好之後放d片糖落去調味，就可以飲 ! 我今次用佐冰糖😅事關我屋企d片糖用晒未我唔記補貨😆😆 🌱魚腥草功效好好架，圖片3，4都有得，想知更多有關魚腥草資料嘅話大家自己上網查😊 呢個茶有止咳消炎抗菌，增強抵抗力 ，清熱解毒嘅功效架!味道清甜幾好飲架，有之前都有煲過^^ ……

魚腥草蘋果雪梨茶

呢個疫情真系好得人驚，呢排確疹人數不停上升，唉！確令人煩惱~ 我地自己唯一可以做嘅就系無必要唔出街，同埋間唔中要煲d清熱潤肺嘅湯水飲吓，幫助增强抵抗力，我今日煲佐呢款都系清熱潤肺飲品，味道唔錯的!

魚腥草大家有無煲過呢？ 我印象中好似有介紹過，實際有無我真系唔記得了，哈哈~ 魚腥草一睇佢個名你都估到佢系咩味~ 就系一大陣魚腥味，唔系講笑佢真系好鬼腥，對於唔鐘意食魚嘅我，我覺得佢腥到爆，但佢又好奇怪的，未煲時真系好鬼腥，煲完一d腥味都無架，超奇怪的，佢嘅功效好好的，佢系天然的消炎抗菌食物，電視曾經介紹過佢係可以用來涼拌食用嘅，涼拌我一d興趣都無囉，涼拌我怕自己食完會嘔死……哈哈!

枸子菊花雪梨茶，首次淘寶

我的新水煲，煲水真系好快，除佐煲水之外仲可以煲糖水同燉野都可以，系多用途煲黎嘅，我見大嫂買佐佢話好好用，我試過，確系正，所以我就學人去淘寶買，我第一次學人用淘寶呀，哈哈，希望我唔會中毒喇 (*^ω^*)……

黑糯米雞酒，自家釀制黑糯米酒(附做法) , 氣炸小春雞

今日介紹吓補身野……佢就系雞酒喇，事原系我琴日系廚櫃揾檸檬醋裝d俾我同事試的時候我見到隔離放佐黑糯米酒，我又忍唔住裝佐d黑糯米酒同渣俾我同事試，哈哈，我喜歡同人分享我的製成品! 講返正題先，其實之前天凍果時我煮過好幾次雞酒飲，原來系我無系呢度記錄低同埋無同大家分享……

茅根馬蹄粟米牛蒡茶，一家大細過澳門

我放暑假放到就傻，點解咁講呢，就系我放親長假都唔會記今日系幾月幾號星期幾，老公問親我我都系答唔知……哈哈……呢排吃得熱氣野多，又系時候要煲返d清涼飲品幫助個身體清返毒素出黎，煲呢款牛蒡茶飲品清一清熱最岩……

暑假大多數系屋企玩，有時都會出去行吓街吃吓野，依家已經8月中了，放多2星期左右就要返學了……老公系6月尾同兩姐弟講如果佢地兩個最後一次考試成績達到爸爸要求就會同佢地過澳門玩，結果佢地兩個都達標，所有爸爸今日同佢地去澳門玩……

羅漢果夏桑菊涼茶，甜菊葉

細佬呢排吃得熱氣食物多，朝早起身見佢有小小眼膠，為免越黎越嚴重所以拿拿淋煲d清佐夏枯草涼茶俾佢飲，上次買胎菊時老闆介紹我用甜菊葉，佢話呢d葉好得意的，有自己嘅甜味，如果煲菊花茶想要甜味但唔想加太多冰糖或片糖，可以試下加呢款甜菊葉，煲一煲放小小已經有甜味，我開頭都系半信半疑啲，佢就呢d葉唔貴，可以買10蚊試下先，於是我就買佐10蚊試吓，結果又真系幾好喎！唔錯……

欖菜肉碎年糕炒四季豆，七味黑椒牛扒，土伏伶牛旁粟米茶

細佬上月底無啦啦身痕，開頭都唔覺有咩問題，之後過一星細佬話越黎越痕，痕咁耐我覺得唔對路所以同佢去睇醫生，醫生話佢系皮膚過敏同濕疹，俾佐一星期藥同d藥膏及冲涼沐浴油細佬，咁樣睇一睇醫生就要400蚊，唉……真系攞命(╯з╰)  為佐想细佬d皮膚快d好唔痕，煲佐土伏伶牛旁粟米水俾佢飲，飲佐2日又真系好佐好多，依家細佬無晒事，好番晒了！

田灌草涼茶，鮮茄蘑菇肉醬天使麵

今日終於得閒煲呢個涼茶，因為d田灌草同竹蔗上星期四奶奶俾的，系奶奶自己種的，所以果扎田灌草放佐咁耐都仲系咁新鮮，放佐系雪櫃幾日都唔願煲，哈哈…… 今日下午問佢两個今晚食飯定食麵，佢两個一齊揀食麵，見仲有包天使麵放佐系度好耐，所以今晚就煮佢！

蒜香黄金蝦，冬瓜粟米芫茜蛋白肉片湯，蒜茸豆豉蒸豬肉，自家釀梅洒(2O13年浸)

今晚的晚餐，清雪櫃是也，哈哈……呢盒蝦系新年買架，嘻嘻(^_-)…… d肉同埋蔬菜都系早幾日買的，所以今晚清一清個雪櫃！今日净系買佐2隻咸蛋咁大把，2隻咸蛋就可以整2款菜式，咸蛋黃就整蒜香黄金蝦，咸蛋白就滾冬瓜湯，呢d天氣我最鐘意滾瓜菜湯，有啖湯消下暑真系好鬼正架！老公今日放假，所以整返杯冰凍梅洒嘆下……hehe(^e^)

竹蔗茅根馬蹄紅蘿蔔水

好耐無煲蔗水飲，早幾日買齊d野返屋企煲返一煲蔗水當水飲下先，今次d蔗幾好，煲完出黎有小小甜，我完全唔洗加糖，咁樣更加健康好飲！

羅漢果夏桑菊涼茶

早两日煲佐呢個簡單凉茶，前幾日早上執廚房俾我執到一袋夏枯草，於是接阿仔放學果時買5蚊桑葉同埋2蚊甘草返屋企自己再加小小菊花同，金銀花同埋半個羅漢果就搞掂，煲3O分鐘就有凉茶飲，嘻嘻……我都好耐無煲凉茶了(^_-)

羅漢果菊花雪梨茶

我地d咳都好番喇，但都會煲返d潤喉止咳化痰當水飲，防止喉嚨再次唔舒，呢個茶味道唔苦大人細佬都岩飲！

竹蔗茅根馬蹄紅蘿蔔水，過大海(^o^)

打風果日奶奶俾佐d竹蔗我，昨日買佐d茅根馬蹄紅蘿蔔返黎即刻煲，昨日d馬蹄大大粒好靚可惜粒粒都唔甜(╯з╰)……

老公呢個星期放大假，今日湊完两姐弟返學，放學就叫奶奶幫手湊，两姊弟今晚就要系嫲嫲屋企訓一晚，我地就過澳門玩2日，叉叉電……哈哈……自從結婚後去完日本東京旅行，到小朋友出世後我两公婆都無再去玩，因小朋友細我地唔放心佢地，所以一直無去…早幾日我同两姊弟講：媽咪爸爸去澳門玩2日，佢两個即刻話唔得，盈盈話：你地去玩，夜晚邊個睇住我同細佬，我話嫲嫲，佢話唔得，一定要媽咪同佢訓！唉……要我同佢傾佐好耐先肯答應俾我去…… -_-#

韓醬焗雞脾，芝士白汁焗西蘭花，百花蛇舌草涼茶(附食譜)，朗豪坊

今日呢两個餸都系以焗為主，雞脾用一支韓醬加一茶匙鹽醃一晚焗熟就食得，好好味！西蘭花我本來用蒜蓉清炒的，但老公無啦啦走入廚房問我有無芝士，我問佢要芝士黎做麥？佢話如果有芝士不如用芝士焗，見佢話要用芝士焗，我就諗起早两日有一碗白汁用剩留系雪櫃，所以拎佢出黎加再加芝士焗，老公話今日d餸好正喎！

夏枯草黄豆羅漢果菊花茶(附食譜)

我覺得耐唔耐煲d凉茶俾小朋友飲系好ge，可以幫助佢地清下熱氣，病痛都少d，其實咁樣可以幫我慳錢架，

講真小朋友同去睇一次醫生真系唔平，衰極都要150蚊，

好ge醫生更加唔止呢個數喇！

今次呢個涼茶唔會話好涼，主要系清熱解肝燥，則是話平時食得熱氣野多，飲呢個涼茶系幾好 ^^

百花蛇舌草凉茶 ( 附食譜)

放暑假呢排好多時都焗下野食，焗得多野食唔多唔少都會熱氣，所以今日煲佐呢個凉茶黎飲，要清一清d熱氣先得……一系唔煲，一煲就要煲多d，即日飲唔晒就用樽裝好放雪櫃慢慢飲！