老豆生日

上年疫情嚴重無同老豆同媽媽慶祝生日，今年疫情好返d我地就約埋一齊去同老豆食飯慶祝，一家人坐埋一齊食飯有講有笑好開心好幸福！祝老豆生日快樂，身體健康，日日都開開心心，希望疫情快d結束!

升中派位大日子

阿仔6年嘅小學生活即將結束了， 早前進行嘅中學自行收生階段細佬無被取錄，所以要參加教育局舉辦嘅統一派位，今日就系公佈升派位嘅大日子，幸好細佬派到第一志願，未收到結果前果-刻我個心情真系緊張，好怕派得唔好，要去叩門，我亦知叩門嘅機會好細，但如果派得唔好都會去叩門試吓，托賴可以派到第一，果心即刻輕一口氣，細佬嘅同學仔大部分都派第一志願，真替佢地開心 ! 

初七人日＆初六昂平360行大運

 今日系大年初七🎊我系呢度恭祝大家初七人日 🎂人人生日快樂~ 身體健康~萬事如意…… 😊早幾日初三大嫂問我有無咩節目，我答佢無呀，初三我要返工喎，初六先再放假，你系咪想搵我去玩，佢話我想你帶我去玩😅我話新年無咩地方好玩喎，最多去行吓大運上大佛果度吸吓靈氣咁囉，哈哈大笑~ 大嫂佢竟然話好喎，佢哋從未去過叫我帶隊，無問題~ 咁一於同佢哋去行吓大運……上到去買360票果度先知大佛維修，唉~ 真失策! 

年三十晚的團年飯

年三十晚的團年飯系奶奶屋企食~ 食飽就拿拿淋返屋企执埋d野，迎接新一年，要過新年喇 ! 

結婚14週年快樂，海港盆菜，章魚蓮藕湯

 時間過得真系好快，眨眼間謙盈媽結婚14年喇，祝我哋結婚14週年快樂💏 ，👨‍👩‍👧‍👦一家四口繼續互相體諒，互相支持，互相包容，合作無間地🤝一齊手拖手咁幸福走下去……🥰

鍋心粥底火鍋(外賣自取)，打邊爐專用鍋

天寒地冬打邊爐最正，上星期老公問我佢話不如你放孖哋果日叫爺爺嫲嫲過黎打邊爐好唔好呀，我話好喎，反正我哋系淘寶買佐個專系打邊用嘅鍋，好似百幾蚊架咋，好抵用，用電嘅，之但系……天~氣~咁~凍，我唔想去買野同埋洗好多野喎，哈哈~ 跟住老公話不如外賣粥底火鍋唔洗洗咁多野，之後自己買小小菜再加1至2個海鮮好唔好，我即答好無問題，嘻嘻……最終自己買佐1斤蝦+2隻奄仔蟹，加d菜同一口牛，就系咁多……講真鍋心的配料真系好新鮮，我已經幫襯了好幾次了!

長洲一日遊(行山樂)

 琴日放假我哋一家四口同老公同事兩公婆約埋一齊去長洲行山同食吓野，即日來回，夜晚就book佐上環酒店住一晚輕鬆吓~ 因疫情成年無得外出旅行，唯有自己簡簡單單計畫去長洲玩吓住返一晚酒店就當去佐旅行了，哈哈~ ~ 長洲d境色真系好靚，間唔中入去離島呼吸吓清新空氣，真系人都精神d~  

2020聖誕快樂~

 

🎅祝大家聖誕快樂⛄🎄🎉  今年疫情嘅關係令到街上嘅聖誕氣氛好冷淡~ 完全唔覺系聖誕節 😌 睇怕新一年嘅氣氛都系咁上下…… 現時2人限聚令依然生效，無得一家四口出去食野，唯有簡簡單單買d野返屋企一齊就ok了~ 

 

2020冬至快樂，花膠螺頭燉烏雞

眨眼間又話做冬了~ 即系話好快過完呢一年，原本今日系過奶奶度食團圓飯的，因應疫情勁佐嘅關係而取消佐，咁為有我地就自己簡簡單單咁燉個湯再訂一個盆菜黎做節一齊食咁就OK了~ 

我又大一歲喇……

 生日簡單買d野返屋企食就算了，呢個疫情真系令人煩惱，我生日想一家四口出去食個飯都困難，希望呢個疫情快d完結 !

田園燒烤樂 , 親親大自然 !

原本上個月頭計劃好5~6號拎孖day同小朋友去長洲或者大澳玩吓嘅，點知個疫情又突然間勁佐好多，唯有取消，改同朋友去流孚山食海鮮，點知過佐幾日又突然個疫情又黎大爆發，佐政府又黎個2人限聚令，咁……即系叫我地唔好去酒樓食喇，咁朋友建議話不如去菜田果度燒烤，果度系自己地方又够大又空曠，燒完又可以去摘下菜，去菜田度輕鬆吓都唔錯架，咁唔洗諗，一於去菜田燒烤呼吸吓新鮮空氣人都精神d~ 我叫兩姐弟一齊去，佢哋竟然話無興趣，唔去，叫我哋自己同朋去，佢哋唔去，咁我地就幾個人去燒吓野食傾吓計，d時間過得好快~ 燒完烤走去摘佐小小菜，我見朋友種佐好多斑蘭葉，我摘佐d走，老公就摘佐d油麥菜，摘完眨吓眼太陽又要落山，  我哋嗱嗱林清理好現場，执埋d野咁就差唔多要走喇，因為一入夜菜田就會有好多蚊，唔走會俾蚊咬死，所以太陽落山我地就要準備定拎野走人~ 

中秋節快樂@2020

       🥮一年容易又中秋~

 ㊗️祝大家 : 中秋節快樂~

人月兩團圓~ 🎉

我新開嘅Facebook個人煮食專頁

 👇👇以下系我個人飲食專頁🥳 專系同大家分享吓我的自家製作😋家庭小菜，湯水，小食，甜品。。。。等等~ 對煮食有興趣嘅人可以搵我傾吓煮食心得🥰 或者有野要問我嘅，亦隨時歡迎提問，我識嘅一定解答你😊 我一有時間就會更新的，我得閒會拍吓短片放上去的，blog友們你哋可以去我Facebook個人專頁探我架 !  

我家小寶寶姐姐生日^^ ，燒烤板

🥳琴日我家🐷🐷生日~🎂 😌原本出街食飯同阿囡慶祝生日的😊 🦠🦠但……因近日疫情嚴重佐好多🤦‍♀️ 😑為免受感染~我哋唯有唔出街食🤫 最後決定👨‍👩‍👧‍👦一家四口在家食韓燒🥳正~ 👍在家食烤肉安心又舒服又好味又過引~🤗 依家真系要齊心抗疫，如無必要盡量少出街😌 希望香港疫情快d消失，祝大家身體健康百毒不侵!

我的小寶貝生日

🕰時間過得真快🧑細佬要拎兒童身份證了，即系11歲喇，家姐13歲🙈佢哋每大一歲即系代表我又老了，唉~真系歲月崔人老~ 我d白頭髮越生越多喇，唔到我唔認老又或者系我未老先衰，哈哈~ 細佬生日簡單系屋企食餐飯同買2個細細個嘅蛋糕一齊食慶祝吓咁就算了，疫情仲未停真系唔敢同佢哋出街食野，其實一家人齊齊整坐埋一齊食餐飯已經系好幸福嘅事了~ 🥰

🎉祝細佬 : 生日快樂~身體健康~學業進步~

2019 豬年快樂~

🎊恭喜發財 🎊恭喜發財 🎊恭喜發財🎊

😊2019🐷🐷豬年快樂🎊今日已經系初七人日了!
Hello~ 大家好 ! 好耐無系呢到同大家打招呼喇~ 

我謙盈媽系呢度㊗️大家在🐷年裡👉身體健康💪財源滾滾💰💰💰💗万事如意💖心想事成💞 👨‍👩‍👧‍👦家庭幸福美满💃💃💃

遊船河

放假放埋今日呢個暑假就完滿結束了，時間過得真系快，眨吓眼兩姐弟天日又話要返學囉，趁返學前一於要玩盡佢，老公早幾日帶我地同佢d朋友一齊去遊船河，遊船河當日(28號)天氣都一般，因颱風帕卡嘅影響，個日都落佐好耐雨，好在我地落海玩水果時停雨，落海玩都玩佐成2個鐘，玩完上返船隨即又落雨，哈哈! 個天對我地真系唔錯停雨俾我地落海盡情咁玩 ! 兩姐弟第一次遊船河超興奮，整個行程兩姐弟最開心就系落海玩水，哈哈~ 遊船河我地整佐鮮茄肉醬意粉，其他朋友整雞翼，豬扒，糖水，沙律，小食等等……最後d食物都食唔晒，要每人拎d返屋企😄

南韓之旅@何氏家族

自從返兼職後就少佐好多時間寫blog，我真系好耐無上黎寫野了，趁今日有d時間一於同大家分享吓近況!! 月頭我地何氏大家庭一家大細共13人一齊去南韓【釜山＆濟州】旅行，因老爺今年60歲大壽，佢同奶奶從末坐過飛機出國玩，所以老公同佢家姐阿哥商討一齊請老爺奶奶出國去玩，以全家總動員一齊起行，因有老人家同小朋友都多所以是次旅行系以觀光為主，今次南韓旅行行程相當唔錯，睇到好多好靚嘅大自然風景及食到好多當地美食，相當開心，老爺奶奶亦很滿意今次旅程!

棉花糖厚多士(附食譜)

 呢個復活節假真系成日整野食，特别系整焗嘅野食~ 好似玩緊增肥計劃咁…哈哈! 呢個棉花糖厚多士前幾日已經整過，今日又再整，但今日系用薄方包去整嘅，所以無影相，嘻嘻(*^ω^*)呢個棉花糖好玩又好味 ! 材料及做法都超級簡單~ 簡單到3歲小朋友都識整架 ! 整好記得趁微熱果時食，如果灘到塊多士完全凍晒咁就無咁好食架喇!

海鮮pizza(附食譜)

今朝見到fb回顧4年前嘅今日，兩姐弟食pizza，好得意呀！兩姐弟大個佐好多……今晚晚餐一於整返個同樣嘅pizza食吓先，可能太耐無整黎食，所以覺得特别好味! pizza yummy ~ yummy……