藍苺香蕉鬆餅，乳酪朱古力鬆餅

同一星期出現2個颱風🌀🌀⚡🌧🌩颱風【獅子山】完佐之後跟手又黎一個颱風【圓規】，勁呀～ 🤔幾時黎個榴槤颱風呢？ 哈哈……

打風唔好周圍去，最好留系屋企整吓野食睇下電視訓下覺，咁就最好喇，😁今次整鬆餅唔洗打蛋器好方便嘅，全部野撈匀就搞掟，就系咁簡單😆預熱焗爐先，再200度焗15~20分鐘(視乎焗爐溫度而定)💥撈粉時記得輕力撈到無乾粉即可以👩‍🍳過度用力撈d粉會起麵筋到時個鬆餅就唔鬆軟架👌，😅今次無特定份量，我憑感覺🤣 亂咁黎，我幾驚失敗…點知又成功佐😅😛份量一包熱香餅粉，2小匙羹泡打粉，2只蛋，小小粟米油，3條香蕉壓成蓉，3份1盒奶，小小黄糖，藍梅乾適量 (其實可以唔加黄糖都可以) 

香蔥芝士紫菜肉鬆咸蛋糕(附食譜)

💃今日放假我又整蛋糕喇👩‍🍳🍰今次整嘅系新口味😜亦系我第一次整嘅紫菜肉鬆，仲有芝士🧀🧀【香蔥芝士紫菜肉鬆咸蛋糕】好正，好香，好好食👍細佬同家姐都話加佐芝士好好味，食完一件又一件，食唔停口，咸咸地的確系好好食，唔似得其他芝士蛋糕甜同漏，呢款蛋糕用砂糖份量唔多，就算食多兩件都唔怕肥 ! 下午茶或早餐食呢款蛋糕再加杯鮮奶或者咖啡，嘩~ 正到爆😂😂😂

^ 0^食譜已經寫好了, 在最後面 !

伯爵茶戚風蛋糕(附食譜)

太耐無整蛋糕了，大大話話都有成年無整蛋糕了，原味同斑蘭味戚風蛋糕整過好幾次，但呢個伯爵茶戚風蛋糕則系我嘅第一次，好在無生疏同無失手姐，製成品依然系咁靚，嘻嘻～ 唉! 當我動手整蛋糕時先發覺屋企d奶飲晒，唔落鮮奶去整我硬系覺得爭dd，見雪櫃有練奶，於是加返小小練奶落去，哈哈! 見焗盤仲有小小位置，一於放幾條蕃薯落去一齊焗，正呀!

😁製成品味道唔錯，蛋糕組織好靚，甜度適中，好食，如果茶味再濃d會更加好，如有下次我要放3~4個茶包先得^^ 

 食譜系最後面 ! 

香蕉蛋糕(附食譜)

🤔好耐無整蛋糕，星期一我兩個小朋友放假我又唔洗返工，見好得閒，亦見屋企條香蕉🍌熟到就快爛又無人食，所以我拎佢黎用🥚全蛋方法整香蕉蛋糕食😉今次呢個蛋糕唔洗加泡打粉落去整架~♡製成品好靚仔👍 蛋糕質地亦好鬆軟👍 味道仲好好添👍真系好正加😅我唔系講笑架!!!我整好當日阿女自已一個人食佐4片呀，我呢兩日早餐都系食佢，每朝兩片香蕉蛋糕再加杯奶茶，真系好正!  早餐錢都慳返唔少🤣

今日有些少攰，食譜天日先打出黎 !

朱古力牛油蛋糕仔(附食譜)，菠蘿牛油蛋糕仔，原味牛油蛋糕仔

 呢個復活節假期真系長，我兩個小朋友放足2個星期咁制，由11號開始放假，放到24號先至返學，佢地放假我最開心，日日訓到自然醒真系好過引，閒時去行吓街玩吓完全無時間限制，爽……講返正題先，就系阿仔系放假前幾日問我可唔可以整蛋撻俾佢拎返學校請佢好朋友食，我就話蛋撻就唔系咁好，我驚你未返到學校已經整爛，不如我整蛋糕仔，細佬話都好，仲問我可唔可以整朱古力味，我話得，咁我就9號晚整好俾細佬10號拎返學校請同學仔食! 

٩(๑^o^๑)۶ 唔計今日仲有4日假放，過多4日又要朝朝6點起身了，諗起都覺攰，真系要好好享埋呢幾日……

百香果戚風蛋糕(附食譜)

琴日新玩具到手……即玩整蛋糕，廚房仲有3個已經巢晒皮嘅百香果放系度，一於整百香果戚風蛋糕，我覺得制成品好靚仔，點知……兩姐弟話唔好食……佢地話我放得太多百香果汁，佢唔喜歡果陣味喎，叫我自已食晒佢，唉…… 一睇兩姐弟食呢個蛋糕個張相嘅樣就知……佢兩個有幾咁唔鐘意食，哈哈 ! 佢兩個叫我以後唔好整呢個百香果戚風俾佢地食，要整百香果就只可以整返早幾日果款百香果牛油蛋糕仔! 我問佢地點解唔好食？佢兩個話個戚風蛋糕有d酸，唔好味，而百香果牛油蛋糕仔唔酸，有牛油味香d好味d喎 !

芝士英式鬆餅(附食譜)

果日整完百香果蛋糕仔之後我個電動打蛋器就壞佐(•́︿•̀)…… 琴晚細佬叫我今日再整蛋糕俾佢食，佢話清明節佢唔洗返學，你唔洗凑我返學不如整蛋糕俾我食……我話個電動打蛋器壞佐，要買返一個先可以整蛋糕，前日落商場買，點知無貨要訂，要5號先有貨俾我…… 

ಠ_ಠ 無得整蛋糕~ 唯有拎系圖書館借返屋企睇果d煮食嘅書睇吓，睇吓有無d唔洗用打蛋器都可以做嘅蛋糕，睇書途中俾我見到英式鬆餅，我覺得唔錯，於是試整，出黎效果好掂，正系我想要嘅質地，但系呢款質感同KFC果款唔同架，KFC果種入面系濕潤d嘅，我依家跟書做呢款系外皮脆內裹軟，無咁濕潤架 !我做佐幾次鬆餅今次系最滿意，嗯……終於俾我個食譜，系我一直想要嘅質地鬆餅，岩岩出爐無耐我就食佐2個喇，微熱果時特别好食 ! 我超級喜歡呢款英式鬆餅 ! 原本兩姐弟唔多鐘意鬆餅嘅，佢地見我放芝士落去整，所以佢地都話要試食 ! 

😉原食譜系用紅苺乾嘅，但我屋企無紅苺乾所以用50克巴馬臣芝士粉代替，我個人認為用芝士粉整俾用紅莓乾整更加好食! 因為我一家四口都鐘意食芝士，嘻嘻 !

                 

百香果牛油蛋糕仔 (附食譜)

前日整俾2個小朋友食嘅百香果蛋糕仔， 第一次用百香果黎整蛋糕仔真系好好食，岩岩焗好攤凍食果時蛋糕仔個表皮仲系好脆內部組織好軟熟，好正 !

但系百香果味唔够濃郁，下次再整要加多d果汁落去先得，呢d百香果超酸，酸到呢……同檸檬有得揮呀！我將果核冲水飲，嘩~超酸，我要加好多蜜糖先至飲到，如果唔加蜜糖中和吓，我應該唔會飲，太酸我真系飲唔到，d果核系可以食架，對身體好好架 !

班蘭蛋糕

太耐無整班蘭蛋糕食，想食最好就系自己整，自己整健康d無防腐劑同埋可以放少d糖唔洗咁甜，呢款蛋糕好處系唔用牛油，健康好多，今次外形就好靓，厄得下人，哈哈……點解咁講？原因就系我脫模後就…唔靚仔，可能打蛋白打得夠好，不過整黎自己無所謂喇，自我安慰自已中.....哈哈 ! 對於我黎講外形系其次，最緊要味道好，我同倆個小朋友都好喜歡吃，爸爸對蛋糕興趣不大，但都會食小小嘅(^_-)兩姐弟見我整得多，佢地叫我帶d蛋糕去接佢地放學，等佢放學可以食，見到佢地食開心做我自已就會好興奮好開心^0^   

雙重芝士棉花蛋糕(附食譜)

好耐無整蛋糕喇，今朝系冰霜揾野揾到一舊仔忌廉芝士……見下午得閒就拎佢黎整棉花蛋糕…… 呢款蛋糕質感好好， 呢款蛋糕內部組織好靚，拎上手就感覺到好濕潤，好軟，好香， 食落口好軟棉棉，好正!……可惜太小芝士，哈哈~ 所以芝士味唔夠濃~

Tiramisu蛋糕@媽媽生日

呢個月中12月17日系阿媽舊曆正日生日，原本我唔打算整蛋糕的因為前排好忙，但收到家姐信息問我阿媽生日整唔整蛋糕，我話呢排都忙有野做，佢話你忙到蛋糕都整唔到呀？我話咁又唔系，哈哈……佢話如果你整到你就整一個焗紐約芝士蛋糕喇，我好想食你整嘅蛋糕，你整得好好食，系出面買果d無咁好食呀！我話你開到聲想食我一定整，難得你喜歡食^O^……隔佐一日我問家姐我整另一款蛋糕好唔好，佢話總之系你整就咩都好，無所謂你整親咩蛋糕都好食，我對你整嘅野有信心……我話唔系架，我今次試整Tiramisu系我3年前整過一次味道幾好，今次再整唔知成唔成功架，家姐就話oK喇多數成功無問題！哈哈…俾家姐笑死，佢對我整嘅真系好有信心……佢越對我有信心我反而更擔心做得唔好，我唔理咁多随心去做……好彩最後都成功見得下人！我自己就覺得一般，因為面頭d忌廉吱到大細不一有d丑樣，同埋個蛋糕高度好似矮佐小小，另外其中一粒忌廉仲俾我壓爛佐添……嘻嘻～ 總體黎講都ok😛個個試食完Tiramisu都話好滑好好味，只系手指餅果度甜佐小小，如果淡返小小會更加完美！另外芒果蛋糕系大嫂買的^o^……我屋企人都好鐘意吃芒果！

聖誕快樂@2016

聖誕節終於到了……☃平安夜之聖誕大餐☃系嫲嫲屋企過……😙多謝👨👩伯伯，伯娘送俾小朋友嘅聖誕禮物🎁🎁………仲有爸爸送俾我地嘅零食🍭🍫🍬🍪🍩……做小朋友👫真開心❤有聖誕假放之餘又有禮物收，真系爽……另外今日見有時間仲整佐一個細細個6吋Tiramisu蛋糕一齊食 仲叫佐d外賣返屋企食，等大家開心吓……嘻嘻！

我在此祝大家：聖誕快樂，身體健康！

香蕉蛋糕(附食譜)

屋企有2條熟到起晒梅花黑點嘅香蕉🍌🍌🍌無人食😑
🤔掉佐佢好浪費 😊……拎黎整蛋糕消滅佢😜😜😜
衰仔謙謙🙎將舊蛋糕壓到扁一扁佢先食😒頂佢唔順……😏頂佢唔順……😏

朱古力紙杯蛋糕(附食譜) ，紫薯鮮奶紙杯蛋糕

呢個月頭9號就系兩姐弟學校秋季旅行日子，家姐同細佬去嘅地方都唔同，家姐高年級去北潭涌度假營玩而細佬系低年級組就去大埔海濱公園玩，呢2姐弟一個叫我整麵包而另一個就叫我整蛋糕仔，我同佢地講一系2個一齊帶迷你麵包或者2個一齊帶蛋糕仔，結果佢2個話要蛋糕仔，仲要指定要朱古力味同紫薯味！我個人覺得朱古味好食d，紫薯蛋糕d色唔夠特出，完全無顏色，吃落口無只系有輕微蕃薯味·……

鮮橙汁戚風蛋糕，香芋鮮奶戚風蛋糕

又黎戚風蛋糕，今次我試整新口味，首次試整橙味戚風，家人好喜歡仲話橙味比香芋味更加好食，其實我自己都好喜歡橙戚風，我加佐d橙皮碎落去蛋糕入面一齊焗令到個味道更清新！

香芋戚風蛋糕(附食譜)，日本紫皮黄肉蕃薯

前日老公叫我焗蕃薯俾佢食，我見净系焗小小蕃薯個焗爐仲有好多空位空佐出黎，我唔想浪費d空位，見廚櫃有一包香芋粉放佐系度好耐仲未用，包粉我系二德惠買的，一於動手整返個香芋戚風蛋糕放埋落爐一齊焗黎食，D日本蕃薯焗出黎好好食，好甜，但今次水份唔多比較粉同有小小乾，至於個香芋蛋糕個質感就好軟好濕潤好香椰汁味，之但系……無香芋味，有d失望，整體稗講都唔錯嘅，佢嘅外貌外形同顏色真系好靚，我好鐘意！

新年快樂 @ 2016猴年(大年初一)

(^＆^)恭喜發財，我在此恭祝大家系新一年裏身體健康，萬事如意，步步高昇，財源廣進，豐衣足食，笑口常開！

椰汁班蘭瑞士卷

真系唔明點解我整親瑞士卷總是整得唔靚，其實好多朋友都話我整得好靚，但系我自己心目中真系一般般，唔系咁靚，硬系争小小争小小，卷親多數都系某些位置爛小小又或者有小小小爆裂，唉……真系好難控制！今次呢條瑞士卷個底部明顯系爛佐小小，岩岩焗完出黎果下好鬼靚仔㗎，俾我反轉蛋糕時唔小心整到表面爛佐小小，唯有反轉黎卷，點知卷嘅時候又爛佐小小，真系美中不足，激死……(>_<)

芋丸香芋西米露，班蘭天使蛋糕配香脆杏仁碎糖

2016~新年快樂，我系呢度祝大家系新嘅一年裏面身體健康，開心快樂過每一天！

新一年嘅第一日我就嘗試整一樣我之前一直想整但無心機去整嘅野，佢就系芋丸喇，整落又唔覺得難整，但系要花好多時間去整，呢個芋丸我系跟高Ling食譜去的，個人認為呢款芋丸配香芋西米糖水系好匹配，味道好正，但系凍食無咁好食(^_-) 

紐約芝士蛋糕，雜果天使蛋糕

今次對我黎講真系一項幾大嘅挑戰，要一次過整2個生日蛋糕，講真真系有小小驚，因為整黎同阿媽慶祝生日時食的，同平時就咁食好唔同，所以今次要認真小小去整，話晒系阿媽生日，我唔想整到個蛋糕好丑樣，裝飾果度真系花好多時間去整，望落須則簡單，但對我黎講已經好難，嘻嘻(^_-)最後……好在個個都話我嘅製成品賣相好好，至於味道呢，紐約蛋糕同之前整嘅一樣味道好好，芝士味好香濃，而天使蛋糕今次就反而做得無咁好，無平時咁鬆軟濕潤，可能我轉佐用新嘅低筋粉(水手牌超級蛋糕粉)，所以出事，原來佢嘅低粉入面加入山藥粉，我整蛋糕時加低粉落去攪拌粉都覺得奇怪，比起平時用嘅日本低粉系難攪拌小小，我覺得系d粉嘅問題，但製成品系好食嘅，之不過無用日本粉做出黎咁鬆軟！整體黎講大家都好滿意今次呢兩個蛋糕，我見個個食d咁開心，我自己亦好開心，好有成功感同滿足感！