猴頭菇响螺片豬骨滑，甜酸茄汁蝦，豆豉鯪魚炆冬瓜，咖哩洋蔥薯仔燴肥牛

暑假呢排成日掛住整野食，有成2個星期無煲湯，最終俾人投訴，(^ω^)哈哈…… 所以即刻煲返個清潤靚湯俾投訴人潤一潤，跟住再整多2碟佢地鐘意食ge餸，等佢地唔好再投訴我，3餸1湯白飯任裝，嘻嘻…… ^^

呢個湯真系估佢唔到咁甜，我完全無放鹽去調味，已經好够味，好甜好潤……正！

今日老公返夜下午2點幾就要出門，所以要好早就要煲好湯同埋煮好午餐俾佢食，我仲特登煮多小小留返d我地今晚食，今晚又可以偷懶唔洗煮喇……哈哈(^ω^)

醉雞翼與醉雞(附食譜)

今次系第二次整醉雞翼..... 如無記錯上一次整系一年前ge事 ^O^ 哈哈……點解整？因為系同學仔媽咪暑假前整佐好多俾佐一d我試，試完之後自己心思又想再食咪自己動手整囉……嘻嘻！見冰箱有半邊雞我都唔放過，哈哈… 當我ge雞翼就快食完時我又買佐d牛放埋落去……呢d咁熱天氣吃冷盤真系透心凉！爽晒＼(^o^)／

不得不提我系百佳换呢d焗爐玻璃盒真系超好用，亦可以入微波爐的，好彩我换佐2個，hehe……(^o^)

醉雞翼

中式包～炸菜牛肉包，芝士肠子卷，原味卷 ( 附食譜 )

今朝晨咁早6點俾老公嘈醒佐，想再訓又訓唔著，唯有走去廚房搞搞震，哈哈哈……

今次大膽試整中式包，製成品又幾好喎，味道都唔錯，

唯一唔好就系包表面唔皮光肉滑 (╯▽╰)  

我最中意炸菜牛肉包，辣辣地好好味 ^^ 

炸菜牛肉包，芝士肠子卷

鮮茄芝士肉醬焗菠蘿炒飯

昨日盈盈問我夜晚食乜野，我話睇下雪櫃有咩餸就食咩喇，佢話媽咪我想食豬扒焗飯，我就答佢：豬扒就無，食肉醬焗飯oK無？盈盈就話：都好，肉醬焗飯都好味！

呢個焗飯我都系第一次焗架咋，两姐弟同老公都話好味！

迷你牛角酥

用一塊現成急凍酥皮就可以整到12隻迷你牛角酥，好味，又香，又脆，名副其實ge快……靚……正……第一次整牛角酥亂咁卷，一d都唔似牛角哈哈……樣貌唔好唔緊要，最緊要系好味！

百花蛇舌草凉茶 ( 附食譜)

放暑假呢排好多時都焗下野食，焗得多野食唔多唔少都會熱氣，所以今日煲佐呢個凉茶黎飲，要清一清d熱氣先得……一系唔煲，一煲就要煲多d，即日飲唔晒就用樽裝好放雪櫃慢慢飲！

迷你果仁曲奇

前排盈盈表姐打電話俾我話放暑假想過我度跟我學整曲奇，我話oK無問題，跟住我上星期19號過我媽媽屋企吃飯的，果朝晨咁早醒佐又訓唔著，所以又入廚房揾野做，結果做佐呢個簡單曲奇，過媽媽度果時順便拎俾表姐佢地食！呢款曲奇我都系第一次整，做法都算簡單，外型都幾的色，製成品够晒鬆化，但系我同表哥，大嫂都覺得一般，呢款曲奇吃完個口好似有好多粉咁，我估系粟粉多ge關係，但系表姐同盈盈，謙謙同大表哥佢地又話好好食喎，唔覺食完個嘴無粉喎，哈哈……個個人口味唔同，有人好鐘意食，又有人覺得一般！

酥皮杏仁條(附食譜)

原來自己整杏仁條系咁易，之前想食多數去美心或者餅店買，但系佢地越賣越貴，所以我都好耐無買黎吃，之前謙謙同學媽都整過請我食，但我覺得佢整得唔脆，我唔知佢點整亦無叫佢教我整，早2個星期我買佐一盒酥皮打算暑假期間用黎整酥皮蛋撻，咁岩盈盈放暑假前要去屯門做牙科保健，之前記得我朋友話新噓個度有間叫錦記糧油店賣的野好便，我去果度行完一輪就揀佐杏仁片，佢半磅30蚊咋，相比烘焙店平好多，所以買佐1包杏仁片，酥皮杏仁條做法簡單又好味！

芝士焗青口，鹽燒三文魚頭，椒鹽焗三文魚骨，蒜蓉粉絲蒸杋立貝，白灼胡椒豬肚，惹味家南乳炆鵝

星期六19號我同两個小朋友返外家吃飯，我整佐d酥皮杏仁條及曲奇餅拎佐去俾大家食，個個食完d杏仁條及曲奇都大讚好食，讚不絕口，仲叫我開鋪，整黎賣，一定大把生意，哈哈！想笑死我咩…咪玩我啦，我邊有銀両開鋪呀＼(^o^)／ 

果晚我同大嫂合力整ge晚餐，我就負責焗野，大嫂就負責煮，哈哈……婆婆負責煲木瓜湯，唔記幫媽媽老火湯影相添(¬_¬)，果晚我焗佐3樣餸，分別系：芝士焗青口，鹽燒三文魚頭，椒鹽焗三文鱼骨…… 大嫂就整佐蒜蓉粉絲蒸杋立貝，白灼胡椒豬肚，惹味家鄉南乳炆鵝，嘩……碟碟餸都大大碟，超好味，好味到我地個個净食餸，無麥人食飯，所以將所有餸清得一乾二净，哈哈……… 個個大讚我焗ge青口好味，真系好開心！吃完飯仲有大佬買ge榴槤呀，超正，香到暈，我食佐好多，嘻嘻……因為榴槤系我至愛！臨走時媽咪俾佐好多野我拎返屋企，哈哈……^^ 名副其實--->又食又拎，嘻嘻～

芝士焗青口

牛油練奶杏仁包，芝麻香葱火腿包(附食譜)

今日我整佐d自家製無添加包包俾两姐弟下午茶時吃，我一心諗住佢两個會好中意食練奶包，因為練奶包甜甜都幾香，我估佢地中意食，最終佢两個一人拎一個練奶包吃佐小小就放低唔食，叫我俾火腿包佢地食，食完一個仲話要食多一個，我話：練奶包唔好食咩？佢两個話：練奶包唔系咁好食，火腿包好食好多，好似葱油餅，好好味！

哈哈……好似葱油餅，唉……俾佢地激死！

講真我都系覺得火腿包好味好多^O^

馬拉糕 (附食譜)

呢款馬拉糕整出黎好香，好好味，甜度岩岩好，正正系我鐘意ge味道，下次想食唔洗特登出街買，太好喇……我能够整到咁好味的馬拉糕真系多的阿仔同學媽咪，真系好多謝謙謙同學仔媽咪提供俾我的食譜，嘻嘻 ^0^

韓醬燒豬寸骨配奇異果沙律

呢個配搭真系好正，好好味，超正！好味到謙謙一次過吃佐4件仲話要食，不過我唔俾佢食，嘻嘻……佢再食我地就無得食架喇，第一次買呢d寸骨整食，完全無諗過會咁好食，真系好掂，下次要買2盒黎整先至够吃，哈哈……我貪得意將其中2條寸骨架佐d香草和黑椒，我覺得好香好好味，但老公就話一般，佢話香草果陣味一般 。

XO蝦球炒青瓜，肉碎蝦仁燴豆腐，豉汁腩片蒸茄子

簡簡單單的一餐…… 天熱真系唔想飯食同埋唔想煮，我唔食姐～但两個小朋友都要食，唉…唯有求其系雪櫃揾d餸出黎煮，是但煮，咁就搞定，唔洗咁煩……╮(╯▽╰)╭

XO蝦球炒青瓜

肥牛粟米薯粉

薯粉我系街吃過無數次，但買返屋企自己煮就系第一次，我同盈盈都好中意食薯粉，我最中意ge系酸辣味，哈哈……今次系屋企煮真系整到好似街買一樣，d薯粉好滑，好煙un，真系好正…… 加埋泡菜肉燥落去一齊食真系超正！

黑糖檸檬醋

第一次浸檸檬醋，前排謙謙同學仔媽咪問我要唔要檸檬，佢買佐成箱檸檬成箱真系買平好多，之前我買佐3隻都要12蚊，但依家同學仔媽咪俾9個檸檬我竟然10蚊有找，哈哈……真系超平！聽講飲檸檬醋可以防癌同埋有好多功效，所以我又貪得意浸埋一份，我浸10個檸檬咋，純粹試下，功效系咪真系咁好，我真系唔知道架……^^ 浸3個月就可以飲架喇，唔知好唔好飲呢……期待中……

芝士煙肉蘑菇焗波波肠通粉

逢星期六日我好多時都系唔煮飯食的，多數煮下麵呀或者焗下pizza又或者整其他野食就算架喇，呢個通粉就系星期日整的，見仲有一大包長通粉系度，冰箱又有包煙肉，唔洗唸……一於整返個芝士焗通粉！謙謙同盈盈好鐘意呢個芝士忌廉蘑菇白汁，我自己都好中意，不過…怕肥…所以食佐小小咋  ^^

消暑湯～紅蘿蔔粟米冬瓜薏米豬骨湯

今日系小暑，今朝買佐舊冬瓜煲湯，今次簡單d唔煲咁濃味，用紅蘿蔔粟米黎煲，好好飲好清甜，我同两個小朋友都中意飲呢款湯，之前試過買現成一包包果d祛濕冬瓜料，煲出黎我覺得唔系咁好飲，今次呢款好飲好多，我地每人飲一碗，仲要系大大碗，哈哈……

得意可愛的豆腐狗狗

上個月尾6月26號同謙謙盈盈去朋友屋企玩……呢隻狗狗叫豆腐，佢系女仔黎架，佢好熱情不停錫我同埋好為食，見人食野就即刻走埋人身邊叫人俾佢食，同埋佢會呷醋架，我坐系度睇電視佢就坐系度睇，一有小朋友過黎同我玩，豆腐即刻跑過黎撞開d小朋友，哈哈…… 原來狗都會呷醋架，真系好得意！好搞笑……盈盈同謙謙都好鐘意同豆腐狗狗玩！(^ω^)

台式胡椒餅

前排睇電視見到都市行情ge上門教煮餸教人整胡椒餅，嘩……好岩我，我中意食，好耐之前買過一次黎食，一食便中意佐，街買一d都唔平，細細個就要10幾蚊，咁岩有人教我更系痴住部電視睇下點整喇，但系電話講得太快，我完全記唔到，過佐一日就去mytv睇返順便影低佢食譜，方便自己睇住d步驟黎整，昨日整佐出黎，唔錯唔錯……好味！

醬爆尖椒牛肉，大澳咸魚醬炒通菜，梅菜鯪魚

第一次用咸魚醬炒通菜，真系估佢唔到系咁好味，

原本系用腐乳黎炒的，咁岩d腐乳食晒唯有拎隔離果樽咸魚醬黎炒，哈哈……好好味！太耐無買尖椒炒黎食，今次用尖椒加蒜茸豆豉醬黎爆炒牛肉，辣辣地超惹味，好正哦！两個小朋唔食得辣唯有開一罐梅菜鯪魚蒸俾佢两個食。