上星期我系街見到有印尼斑蘭糕買，於是買佐一盒返屋企食，嘩，真系唔好食好粉質感好差，細細盒要10蚊一盒，早幾日系屯門新墟街市買佐d斑蘭葉，一大扎先7蚊咋，超抵! 趁今日得閒就拎d新鮮斑蘭葉打晒汁，整定晒d汁放雪櫃慢慢用，自家制就系零舍唔同，同街買果真系相差太遠，自已整真系超正♡又香♡又軟♡又滑♡又煙韌!
次 |
| 街買嘅10蚊一盒 唔好食 ! |
＃ 我琴日得閒又再整，整佐一盤，砌到長一長俾兩姐弟食，佢地玩得不知幾開心，哈哈! 真系好玩又好食，老公亦好鐘意食呢款千層糕 !
哈哈!
唔著衫好丑怪，哈哈!
 |
| 兩姐弟玩鬥長😂 |
見今日得閒寫埋個食譜出黎，諾言大家喜歡可以自已試吓整! 自已整真系好食好多架，功序系煩小小要續層蒸，但製成品真系特別好食架! 街買果d真系唔好食!
食譜如下:
印尼斑蘭椰汁千層糕
材料 :
木薯粉300克，粘米粉40克，椰汁400克，熱水200克，糖250克，新鮮斑蘭汁液30克
做法 :
1，熱水將糖溶解(放涼備用)
2，粉類混合加入椰汁及糖水拌勻至無粉粒
3，粉槳平分成2份，其中一份加入斑蘭汁液
4，燒熱滾水，先放一層綠色粉槳蒸4分鐘
5，待第一層蒸熟凝固後，再加白色粉槳蒸熟再放綠色粉槳，續層蒸如此類推，直至所有粉槳蒸完為止
6，製成品蒸好要等完全放涼才切件食用
我都鐘意自己整，好食好多，你買Ｄ葉好新鮮好抵喎，想請問你Ｄ汁是否要用飲得的水洗過才打，才能存放，要放在冰格嗎？，可存放幾耐？謝謝您。
回覆刪除自已整確實系好食好多! 我系放凍滾水落去攪拌的，將攪拌好嘅汁液隔渣，放保鮮格可保存一星期左右，(如果放冰格可以放成一個月，用時拎落黎解凍即可用!)
刪除唔該哂！
刪除😊唔洗客氣!
刪除超鍾意食呢個丶你整得好靚靚😍丶但我整過一次覺得續層蒸好麻煩、所以整一次之後冇再整😆
回覆刪除多謝讚賞! 我都覺續層蒸系好麻煩，要食好野一定要唔好怕煩，哈哈! 街買系方便快捷，但真系唔及自已整嘅好食😊
刪除你整得好靚！
回覆刪除😄謝謝讚賞，真系好睇好玩又好食!
刪除妳真係好心機！
回覆刪除😄要食好野就系要好心機先得，要續層續層蒸真系少d心機都唔掂!
刪除所以我整過一次之後就再無整過喇，哈哈！
刪除好靚呀~~睇見都想食~~
回覆刪除謝謝讚賞! 想食過黎我請你食😉又或者你自已動動手整黎食都可……😁
刪除好，過開屯門嚟搵你痴餐XDD
刪除👌無問題，隨時歡迎😉
刪除其實有次係屯門新墟街市見過你😆但怕太唐突冇所以冇同你打招呼
回覆刪除下次見到我唔洗怕唐突😃大大聲叫我都無問題架，我實應你😂…… 🤔你住屯門架？
刪除係呀，我住屯門也在屯門工作
刪除我成日去新墟街市買餸架😆
下次我一定會叫你🤣
😄我岩岩系屯門vc返兼職，所以近排都多去新墟買餸!
刪除