2013年9月30日星期一

香草海帶綠豆沙糖水

昨晚見到小千媽媽post的 芸香綠豆海帶糖水 我睇到芸香呢個

名覺得好好奇, 於是去佢個blog度睇清楚d先的 , 原來香即係

臭草咁我就明白喇 臭草我係街市見過 , 不過我無買過 , 昨晚

係櫥房搵材料 , 就係無海帶 , 於是今朝送完謙謙返學,我就去街

市買海帶同埋草 , 咁岩今日無臭草賣 , 咁我又同盈盈去另一

個街市買 , 點知又係無的賣 , 得個吉 , 唉.....激死 , 打電話問謙

謙同學媽咪佢話另一個街市可能有 , 我又打電話俾另一個同學

仔媽咪 , 問佢可唔可以幫我睇睇有無 , 最後同學仔媽咪話有 , 

我就叫佢幫我買佐 , 太好了......真係好多謝謙謙同學仔晴晴媽

咪 , 細細扎5蚊一扎 ,  我覺得臭草一d都唔臭 , 仲好香!!!! 點解

個名會叫做臭草呢 ??? 真係唔明白 , 今日d糖水煲到起晒沙,超

級正 , 老公今晚返黎就有愛心綠豆沙糖水吃 , 仲唔愛死我 , 哈

哈!!!!!! 如果我老公睇到呢篇野,肯定話我痴佐線 , 嘻嘻 ~~~






































2013年9月29日星期日

厚切餐肉麵包 <附食譜>

自從阿囡返小一開始 , 我就少佐時間整麵包 , 唔係唔想整 , 實在係分配唔到時間去整 , 整親麵包閒閒地用我2個鐘或以上 , 我真係無咁多時間 , 我依家有小小時間就去訓覺 , 哈哈......... 
因為兩個小朋友返學的日子我就要一日里要走6轉 , 
真係幾攰架~ ~ ~ 

昨晚早訓 , 今朝5點幾就醒佐 , 加上兩個小朋友今日唔洗返學 , 我又心思思走去櫥房整麵包 , 今次就係要整大人人中意的午餐肉包 , 好耐之前都話整ga喇.....不過我一直都拖 , 拖到依家先整 , 要大人人久等 , 真係唔好意思......嘻嘻....... 小灰灰你主人終於都等到我整餐肉包喇........大人人肯定等到條頸長佐好多喇........哈哈 !!! 


2013年9月27日星期五

火腿西芹炒年糕 , 家鄉南乳碌鵝

火腿西芹炒年糕

呢個餸菜其實我都好常整的 , 點解 ?
因為阿囡同阿仔中意食囉 , 有次我地一家同老爺奶奶去飲茶,爸爸叫佐碟上海年糕蒸排骨吃 , 阿囡就話要吃底果d ,
自從果次吃過年糕之後 , 佢次次去飲茶都要叫上海年糕蒸排骨,但係佢唔吃排骨架喎 , 叫碟野返黎就係為佐吃底果3片年糕 , 我見佢咁中意吃上海年糕 , 於是我倆係大昌買佐一大包韓國年糕返黎放係雪櫃  , 間唔中就拎佢黎炒下菜 , 或者蒸下排骨 , 家姐真係好中意吃 , 細佬見家姐話好吃佢當然唔执輸喇 , 又跟埋家姐一齊吃 , 次次放幾多年糕落去 ,佢兩個都同我清晒 . 

2013年9月26日星期四

鮮白果意米腐竹糖水 , 公益金便服日

老公今日放假 , 昨晚煲定d糖水 , 放涼放番落雪櫃 , 
今日就可以有凍冰冰的糖水食 ,  happy ~ (๑◕ˇωˇ◕๑)

今次用佐係樹記買返黎的碎腐竹黎煲 , 好勁呀!!!
d腐竹煲到唔見佐 , d腐竹真係新鮮得好緊要 ,
我用煲湯ge煲黎煲 , 煲佐一分鐘 , 真係一分鐘咋 ,
已經唔見晒d腐竹咁制 , 我平時係街市買果d腐竹 , 
煲2分鐘都唔爛 , 今次真係好勁........ 煲到好似豆漿咁喎 !

唔講真係以為係豆漿呢

2013年9月25日星期三

豉汁蒸黃立倉 , 豆豉魚硯肉炆冬瓜

上星期我同兩個小朋友去華潤 , 阿囡見到倉魚叫我俾佢食 ,
事關佢上次去姑媽屋企吃過呢種魚 , 佢話好食於是叫我買 ,
呢條倉魚系細佬同姐姐两個人吃晒 , 我同老公都無食 .
.




2013年9月23日星期一

涼拌素菜 , 蝦醬叉燒肉粒粟米蛋炒飯

多得個隻怪兔 , 我又可以休息多一日 , 真舒服 ~ 
唔經唔覺放佐4日假 , 時間過的真係快 .....=_="

天日又要開工 , 湊返學放學 , 呢份工真係唔易做 ,  
小d體力都死 , 我咁後生都攰到CC下 , 何況年紀大ge人?

如果叫我奶奶我估佢骨頭散都似.......哈哈......^0^
點解 ? 因為一日要搭6次車 , 你話C唔C先 ? 

何來搭6次車 ? 

2013年9月22日星期日

天兔襲港 & 樹記腐竹

天兔襲港:8號風球現正生效

強颱風「天兔」逼近香港,天文台剛在晚上6時40分,
將三號改發八號西北烈風或暴風訊號。
唔知天朝仲有無得挂8號呢? ? ? ? 有就好囉......
我可以休息多一日 , 哈哈~ ~ ~



2013年9月19日星期四

中秋節快樂 @ 幼稚園中秋晚會

今日係舊曆八月十五(中秋節) ~ 中秋節快樂  ~

我謙盈媽咪係呢度
祝大家中秋佳節 , 人月兩團圓 !!!! 

首先我多謝係我blog上留言俾我的朋友 , 我昨日真係好忙 , 未能繼一回覆大家俾我的留言 , 請大家見諒 , 你地的留言我全部都收到喇 , 我依家無唔開心喇 ,  我唔為呢d咁芝麻綠豆事唔開心咁耐的 , 今日係中秋節 , 今晚我地一家4口會同我家老爺奶奶&姑奶和其他屋企人開開心心咁一齊吃晚飯慶祝 , 之後會一齊玩燈籠吃月餅賞月 , 齊齊賀中秋 !!!!

2013年9月18日星期三

有人話我偷佢d相喎!

事關琴日我做的脆皮奶黃月餅 , 我post出黎的食譜相片 , 
有人留言話我知 , 我偷佢d相喎 , 佢仲話如果我唔刪掉,

佢會去 google 檢舉我喎 , 我睇到個留言 , 都覺得留言

俾我的人好有問題 ~ ~ ~  我隨時歡迎佢去google檢舉 !

我無做過 , 卻俾人話我偷佢野 , 個心真係唔舒服!!!!
我做任何野都係對得住個天對得住個地 , 絕不會騙人 , 
唔搞清楚件事就係度亂咁講 , 完全不分青紅皂白 ,  
就含血噴人 , d人超級無恥 , 超級無品 , 超級討厭 !!!! 

2013年9月17日星期二

脆皮奶黃月餅

唔整唔整還係整佐 , 講佐成個星期都無係得個講字 , 昨日終於都整佐 ,
今次係第二次整奶黃月餅,上年做過第一次 , 失敗佐 , 今次同樣都係失敗 ,
未焗之前明明好靚仔架 , 點知焗完之後..........嗚呼哀哉 ~ ~ ~ ~

無眼睇 , 無晒個 Hello kitty樣 , 同埋9成都有爆裂.........
唔知點解 , 可能我不是做餅的材料吧 !
謙謙同學仔媽咪叫我再做試下 ~ ~ ~
我話 : 唔喇 , 玩過就算 , 下年再努力過 .........嘻嘻

講真我都想再試 , 不過我實在無時間 , 心身都感到很累 ........
有時間我寧願休息!!!!!

清楚看見好多裂紋 , 唔靚!!!

2013年9月14日星期六

新鮮蓮子百合紅豆沙糖水

我好耐無煲糖水lu~  琴日見雪櫃仲有鮮百合 , 我又去買d野黎煲 , 
d百合係我大嫂返家鄉(湖南)拎出黎的 ,好新鮮 , 好靚 ,好厚肉&好粉 , 
我已經最後落 , 煲佐1分鐘咋 , 佢已經爛晒咁制 , 
鮮蓮子我係街市買的 , 仲有陳皮呀! 我唔記得放埋出黎映相添 , 
我個人認為煲紅豆沙唔放陳皮落去一齊煲係唔好食的 , 嘻嘻.......
紅豆沙凍食好正架 ~ ~ ~  ^o^


2013年9月13日星期五

呢個星期不停同老公.......撐枱腳

老公呢個星期放大假 , 佢日日都送盈盈同謙謙返學 , 接放學就一時時喇 !
送完佢兩個小朋友返學 , 跟住我同老公一齊去吃下早餐 , 傾下計咁囉 ......
我地兩個都好小撐枱腳架 ~ 結完婚到依家我無去過唱K  , 睇戲等等.......
講真有佐小朋友真係好忙 ~

想自己出下街都難 , 無的出街唯有自己係屋企搞搞震 , 
我係屋企最中意的兩個位置 , 一係電腦枱位 , 二係櫥房位~
哈哈...... 識我ge人都知我中意做麥 , 如果大家認真留意下就知道 , 

我呢個blog追蹤的人大多數都係中意煮野吃的人 , 同埋一d有小朋友ge媽咪!
係呢度可以做到我想要ge野-->(記錄d野俾小朋友大個可以自己睇返)
同埋我可以同大家分享下煮食心得真係好好 , 好開心~ 
同埋可以認識一班blog友們 , 一舉幾得 , happy ^^

我唯一唔中意就係呢度無表情公仔 , 死氣沉沉咁 , 有d悶囉 ~0~ 


我地叫的熱飲 (熱咖啡 &熱檸茶)

呢個係我ge魚柳早餐


2013年9月12日星期四

紫芯蕃薯麵包 (17小時中種) <附食譜>

我第一次做呢個17小時中種紫芯蕃薯麵包 , 
呢款麵包好好味 , 好軟熟 , 個麵團顏色好鬼死靚 , 
純天然紫色真係好靚 , 我好中意舊麵團 , 哈哈.....
我整佐2種麵包餡料 , 一款係忌廉蕃薯茸 , 
另一款係粟米咸牛肉 , 原來粟米咸牛肉餡料係最受歡迎 , 
其實我覺得忌廉蕃薯茸都好好味 , 唔明點解佢地唔中意 .



2013年9月10日星期二

薑蔥蒸紅鮪 , 蠔油支竹炆節瓜

我係一個唔多中意食魚ge人, 買呢條魚係因為奶奶 ,
老爺同姑奶ge仔囡黎前排黎我屋企吃飯 , 我先買佢咋 ,
因為姑奶ge仔囡餐餐都要吃魚的 , 上次去佢屋企吃飯 ,
姑奶話紅鮪都好岩小朋友吃 , 所以我係買返條紅鮪佢地食 ,
我第一次買呢隻紅鮪魚咋 , 30幾蚊一條 , 貴唔貴呢 ?
我唔知道呀 ,
因為我平時好小買魚吃的 ,
所以唔知道便定貴哦 , 哈哈......
呢條魚俾我想像中好吃 , 我試佐小小 ,
唔腥同埋唔係咁難吃 , 還可以 . 



個賣相都ok 呀 , 我怕佢腥所以放佐好多薑蔥係面 .

2013年9月9日星期一

醬燒鯖魚 , 咖哩魚旦腸仔豬皮蘿蔔

我呢幾日有d攰攰地 , 同埋有小小懶 , 唔想寫blog , 哈哈........ 
老公昨日開始放大假 , 昨日一家大細去 " 元綠 "  吃午餐 , 
我地都唔係叫佐好多野吃 , 埋單果時......嚇我一跳 , 
差唔多要300蚊 , 真係眼都大埋 ......... @_@ @_@ 
哎呀..........貴到死  , 下次唔幫親你 ~ ~ ~ 

吃完午餐之後同兩個小朋友去百佳入貨 , 因為盈盈學校
無小食部的 , 所以我每日都要俾d零食盈盈帶返學校吃 , 
其實咁樣仲好 , 我知道佢每日吃咩零吃 ......

咁岩俾我見到鯖魚做特價 $8.8一條 , 我一次過買佐6條 ,
昨晚整佐3條黎吃 , 見雪櫃有一包 "面豉湯醬" 我又搞搞
新意拎佢黎醃鯖魚 , 哈哈........燒出黎又幾好味喎 ! 























2013年9月7日星期六

試驗人手搬yahoo幫我做的備份

暑假即將完結....... 消暑冬瓜糖水 , 火腿魚條雜菜粒炒飯 , 涼拌香蒜青瓜

文章日期:08/30/2013 03:56 pm

天日係阿囡學校 "家長日"  同  "小一迎新日"
即是話我同阿囡都要返學校 , 休息埋呢幾日,
星期一盈盈謙謙就正式返學lu....我就有排忙....

好唔舍得我的悠長暑假 , 我的假期要結束了,
要開始又收拾心情.....帶佢兩個搭巴士返學囉 ,
黎緊一至五時間都係咁樣
 , 星期六 , 日先可以休息 ,
盈盈 --- 返8:15 放 3:50

2013年9月6日星期五

朱古力小餐包 , 朱古力芝士腸蟲蟲包 <附食譜>

我一係就唔玩 , 一玩就玩上隱 , 哈哈....真係好玩又好食~ 正 !

前日一次過做佐2份(17小時中種的麵團 ) , 昨晚係其中一份 ,

今日下午做埋另外一份麵團 , 今次我大膽嘗試將獨角仙麵包書

入面的野更改小小 , 試試做出黎得效果如何 , 哈哈.......死唔去 , 

2013年9月5日星期四

兩個小朋友開學喇 ! ! ! ! !

昨日落雨......煩死~  希望今日唔好落雨 !

小朋友要返學的日子里我最討厭就係...........落雨 =_= "

但於我兩個小朋友而言 , 佢地就最開心 , 我問佢點解中意落雨 ?

佢兩個答 : 落雨可以玩水 , 可以著雨衣 , 可以自己擔雨傘真係好開心.....

哎.........俾佢兩個激死 !!!!!

昨晚整的柚子蜜方包 , 好軟熟 , 好香 , 甜甜地好好味!
頭先4:30老公叫我起身切方包俾佢吃 , 吃完就去返工 , 
我醒佐之後訓唔著 , 唯有係度寫下blog......  ^3^

盈盈謙謙開學哩幾日映的相 ~ ~ ~ 

2013年9月4日星期三

炒韓式年糕

今日係炒年糕 , 係紅蘿蔔椰菜火腿扒炒年糕 ,
阿囡喜愛吃年糕的 , 
一碟就搞定 , 有肉有菜 , 
真係幾好....... 咁多蔬菜之中阿囡最中意吃西芹 , 
其次就係菜芯 , 其他菜都唔多中意吃!


紅蘿蔔椰菜火腿扒炒年糕

2013年9月3日星期二

芝士火腿湯通粉

今朝早餐-----------> 芝士火腿湯通粉 


下午茶小食... 焗芝士火腿多士 , 小紅梅杏仁簿脆曲奇 , 涼拌酸辣豬耳

昨日買佐條法包返黎, 吃佐一半 , 仲有一半放係雪櫃 ,
兩個小朋友問我有咩吃 , 我話中有法包未吃完喎 ,
阿囡提意叫我加片芝士焗多士俾佢食 , 果然好提意....
我見雪櫃有火腿 , 冰霜有雜菜 , 咁就加埋落去一齊焗 ,
焗出黎效果唔錯喎......
好正 , 外脆內軟 , 真係好好味 !



2013年9月2日星期一

全因為你

【全因為你】

常言道:人生像演戲,回看這生精彩:因有你,
人在世永恆何在?或如流星閃耀掠過,是你令我人生找到靠依。

死蔭幽谷中,你伴我過渡,歡欣裡,風光裡你共我同在;
當身處孤單傷痛,來擁我入懷,你是我神,是我奇妙救恩。

全因為你,令我一生都佳美,你令我生命從空虛,化做傳奇;
無論我壯如紅日,或如黃昏般漸漸老,是你令我如鷹般高飛。

全因為你,令我一生都佳美,你令我生命從空虛,化做傳奇;
唯獨你是我拯救,我總不至死,直到永遠,從心底讚美!




2013年9月1日星期日

洋蔥豬扒炒滑蛋

一排無買豬扒整黎食 , 突然又想食喇 ,
整返一個簡單洋蔥豬扒食下先得 ,
我煎緊豬扒ge時候阿囡走埋黎同我講,
媽咪一陣炒滑蛋俾我吃得唔得 ,
我話更係得喇 !




炒好滑蛋 , 吃得飯果時我見d洋蔥豬扒有d凍,
於是開鑊炒佢幾炒先 , 等洋蔥豬扒熱d好味d ,
跟住順手拎埋個炒滑蛋放埋落去一齊炒幾炒 ,炒完 , 
d蛋吸佐一d洋蔥豬扒ge汁 , 又幾好味喎~
阿囡話今日d炒蛋好味過平時果d喎 , 嘻......


要為我的yahooblog搬新家

昨日見到yahoo發出的重要公告之後就唔開心.....

重要公告:Yahoo! Blog將於2013年10月30日進入唯讀模式,2013年12月26日關閉服務

發覺自己寫blog都寫佐差唔多一年 , 難得我咁有心機寫 , 佢依家同我講話要終止喎!
真係激死我 ,  同埋係blog上認識到一d朋友 , 真係好難的 , 要我就咁結束係唔可以得 ,
我唯有搵過另一地方.............繼續寫落去 !!!!! 


我 yahoo blog 的地址如下 , 認識我ge人 , 請給我留言好嗎 ?

等我知道你係邊個 , 謝謝 ~ ~ ~

輕營媽媽 @ 自家菜 :  http://blog.yahoo.com/himyingmama