新會特產~ 陳皮

陳皮大家應該唔會陌生，我煲親湯多數會放一塊陳皮落去嘅，系我阿媽教的，佢話煲老火湯最好放塊陳皮落去，佢教我話陳皮會中和吓d湯嘅涼性同對身體好，有止咳化炎功效的，其實陳皮仲有好多功效嘅~   我之前買親陳皮大多數去藥材鋪買的，買d靚d嘅陳皮都幾貴吓架，前年我行街見到好多人買呢d陳皮，賣嘅人話年份不足一年嘅皮佢地唔會叫做陳皮叫做桔皮，叫得陳皮一定要3年以上，叫我買返去放陰涼同乾燥地方摆，耐唔耐就拎出黎晒下太陽就可以，我見好多人買應該唔差，我又貪得意買佐2斤返屋企摆，摆佐系雪櫃頂，一摆就系2年了，顏色都變深色了，開始有陳皮嘅香味，時間過得真系好快，上個月尾行街又見到佢地摆，今次我又買佐小小，净系買佐一斤3年嘅皮，賣嘅人話一般家庭用3年嘅陳皮已經可以了，3年陳皮已經好香，可以用黎煲湯焗水飲蒸魚等等~ 10年以上嘅陳皮味道更加香，10幾年嘅佢地都有賣，不過有d貴，哈哈~ 我呢d小家庭用d粗粗地嘅3年皮已足夠了，一斤有排用了! 

魚腥草蘋果雪梨茶

呢個疫情真系好得人驚，呢排確疹人數不停上升，唉！確令人煩惱~ 我地自己唯一可以做嘅就系無必要唔出街，同埋間唔中要煲d清熱潤肺嘅湯水飲吓，幫助增强抵抗力，我今日煲佐呢款都系清熱潤肺飲品，味道唔錯的!

魚腥草大家有無煲過呢？ 我印象中好似有介紹過，實際有無我真系唔記得了，哈哈~ 魚腥草一睇佢個名你都估到佢系咩味~ 就系一大陣魚腥味，唔系講笑佢真系好鬼腥，對於唔鐘意食魚嘅我，我覺得佢腥到爆，但佢又好奇怪的，未煲時真系好鬼腥，煲完一d腥味都無架，超奇怪的，佢嘅功效好好的，佢系天然的消炎抗菌食物，電視曾經介紹過佢係可以用來涼拌食用嘅，涼拌我一d興趣都無囉，涼拌我怕自己食完會嘔死……哈哈!

氣炸雲吞

第一次玩炸雲吞😅幾好味唔錯😋我岩岩炸完雞亦見個底有好多油，我貪方便用匙羹"不"起小小油揸返落雲吞表面之後拎去炸🤣 第一張相左邊雲吞有揸油，右手邊果粒無揸油，揸佐雞亦油去炸，系脆d同埋香口d👍比較正😍👩‍🍳👩‍🍳先180度炸8分鐘，反轉再炸多8分鐘，咁就食得😋雲吞我系元朗食雲吞麵嘅地方買嘅😊

我的小寶貝生日

🕰時間過得真快🧑細佬要拎兒童身份證了，即系11歲喇，家姐13歲🙈佢哋每大一歲即系代表我又老了，唉~真系歲月崔人老~ 我d白頭髮越生越多喇，唔到我唔認老又或者系我未老先衰，哈哈~ 細佬生日簡單系屋企食餐飯同買2個細細個嘅蛋糕一齊食慶祝吓咁就算了，疫情仲未停真系唔敢同佢哋出街食野，其實一家人齊齊整坐埋一齊食餐飯已經系好幸福嘅事了~ 🥰

🎉祝細佬 : 生日快樂~身體健康~學業進步~

枸子菊花雪梨茶，首次淘寶

我的新水煲，煲水真系好快，除佐煲水之外仲可以煲糖水同燉野都可以，系多用途煲黎嘅，我見大嫂買佐佢話好好用，我試過，確系正，所以我就學人去淘寶買，我第一次學人用淘寶呀，哈哈，希望我唔會中毒喇 (*^ω^*)……

黑糯米雞酒，自家釀制黑糯米酒(附做法) , 氣炸小春雞

今日介紹吓補身野……佢就系雞酒喇，事原系我琴日系廚櫃揾檸檬醋裝d俾我同事試的時候我見到隔離放佐黑糯米酒，我又忍唔住裝佐d黑糯米酒同渣俾我同事試，哈哈，我喜歡同人分享我的製成品! 講返正題先，其實之前天凍果時我煮過好幾次雞酒飲，原來系我無系呢度記錄低同埋無同大家分享……

豉椒爆炒雞，肉碎茄子

買親雞我平時多數會拎黎炆或者豉油煮，今日整返一碟惹味小小嘅餸菜，就系用蒜頭豆豉尖椒唐芹爆炒佢，我平時買親嘅尖椒大多數唔辣的，但今次出奇地辣喎，我食得辣就覺得好正，因為都幾辣吓所以兩姐弟就唔敢食咁多尖椒净系食雞多~ 至於茄子呢…我已有成大半年無買過黎食，今次買佐黎炒肉碎，我今次用豆板醬蒜頭肉碎黎炒，炒完出黎阿囡月阿仔都話唔好食喎😑俾佢哋激死，其實佢兩個系唔喜歡食茄子的🤭哈哈!!! 我話唔喜歡都要食，唔可以話唔喜歡就唔食，我要佢地每人至少食15條，阿囡一路食一路話我，話我咁多蔬菜唔揀系要揀茄子黎買， 哈哈，仲叫我下次唔好買😅

韭菜盒子

🤪今日玩呢個👉👉第一次整👉👩‍🍳韭菜盒子😋 🍳煎pan每次最多煎4個，剩佐一個俾我拎佐去氣炸😅但氣炸完之後嘅效果完全唔掂呀😎樣唔靚之餘又唔香口~😔無人幫襯...

甜酸排骨，元茜咸蛋肉片冬瓜湯，鮮菠蘿

疫情開始在到依家我地無出過街食飯，日日系屋企煮，一系我煮一系我老爺煮，我老公好小煮的，佢煮親多數系煮麵，嘻嘻… 如果我同老公都返工就系我老爺過我屋企幫手睇住我兩個小朋友同埋幫手煮餐飯咁樣，但我d仔囡由細到大都系我自己一手一腳湊大的，食慣我煮嘅餸菜，依家我要返工，變佐佢地要食爺爺焣嘅餸菜，兩姐弟同我講爺爺煮d餸有d唔岩佢地口味，因為咁樣，我依家好多時返工前都早d起身整定d餸放雪櫃，等爺爺拎出黎蒸一蒸，煮一煮，叮一叮返熱佢，叫爺爺净系灼d菜或者炒碟瓜再煲個百飯咁就可以食，咁樣做我需然系辛苦佐，但爺爺就舒服d唔洗做咁多野，同埋阿仔阿囡都開心d繼續可以食到我嘅餸!

今日整呢個系細佬最鐘意嘅餸叫甜酸排骨，我地出親街食飯，細佬多數會點甜酸排骨或咕嚕肉的，細佬系食肉獸來的，哈哈......今次整甜酸排骨我系買現成包裝醬汁的，我系第一次買呢款甜酸排骨醬，原來佢嘅味道都唔錯，下次可以再買!

芝士白汁雞扒意粉

持續受疫情影響，香港好多行業都大受打擊，我哋公司都唔例外，2月份仲講緊可自行申請放無薪假，申請條件系要先放佐一半年假才可以申請，我地已有同事申請佐放，但我完全無興趣申請，疫情一直有增無減生意一日不如一日，半個月唔够公司已轉佐決策了，我唔想實行的事情己確定了，公司出通告話為了共渡時艱我哋公司上下已決定實行放無薪假了，一見到個更表真系不得不嘆氣，呢排成日放假放到人都癲，希望呢個疫情快d完結!!! 

唉！講返正題先，成日煮飯食，食得多食到悶悶地，今日煮返個白汁意粉食吓先，一人一碟唔洗煩，煮呢個意粉好簡單，買罐頭白汁，自己加小小材料落去，煮吓佢咁就可以了，味道唔錯㗎!

咸湯丸(附食譜)

今朝早老公訓系床問我一陣煮咩食，我答佢唔知煮咩好，俾我訓多一陣，再諗吓煮咩先轉頭答，訓醒俾我諗起新年前整年糕用仲剩佐一包糯米粉，費事d粉放得耐有"焊'' 味，唔諗咁多今日一於用糯米粉煮咸湯丸食，^^好好食的~ 同埋做法其實都好簡單，湯丸配料亦好隨意，雪櫃有咩放咩就可以，無特定配料的，配料最緊要自己喜歡食! 阿囡一起身問我食嘜，我叫佢自己睇，佢一望就話大雜會呀嘻嘻，媽咪你今日又黎一次過早餐+午餐一齊食呀哈哈，我答佢系呀，我呢排懶呀嘛，唔想煮完早餐晏小小再煮午餐，所以一次過煮多d早餐食完晏d又可以食! 快~靚~正~呀~

鹽焗烏頭魚(附食譜) ，氣炸蝦丸， 腐乳通菜

😋今晚整鹽焗烏頭魚🐟🐟🐟簡單易整又鮮味，好正架 , 就算唔識煮飯嘅人都識整，真系毫無難道的，最緊要系買烏頭魚果時記得記得叫人🙅‍♀️唔好打魚鱗，魚鱗系焗果時的作用系隔住d鹽同鎖住d油分同水分流失的，所以一定唔好打鱗! 超級簡單咁焗條魚，真係快靚正, 用鹽黎焗熟d魚肉好鮮甜架，同埋呢款魚唔多細骨，岩我食，識我嘅人都知我細個試過哽骨，之後就怕佐食魚，同唔多喜歡食新鮮魚的，哈哈~  需則我唔食魚，但我都要間唔中會買魚整俾小朋友食嘅!

氣炸蕃薯

自從有佐個氣炸鍋之後，我就買多佐蕃薯放系屋企做後備，一想食就可以焗小小黎食，氣炸爐細細部焗蕃薯俾起用焗爐焗更加快同慳時間，如果我用焗爐焗4條蕃薯我覺得好浪費電同地埋唔化算，我今次一次過買佐3款蕃薯，價錢大家都一樣10蚊一磅，3款都甜嘅，但甜度同質感就3款都唔同，我自己比較鐘意越南種植日本蕃薯同一點紅多d，阿囡最喜歡食中間果款就系越南種植嘅日本蕃薯🍠呢款系特別香甜嘅👍其他果d佢唔食😑

最前: 中國七里香蕃薯
中間: 越南種植日本蕃薯
右邊: 中國一點紅蕃薯

香蔥芝士紫菜肉鬆咸蛋糕(附食譜)

💃今日放假我又整蛋糕喇👩‍🍳🍰今次整嘅系新口味😜亦系我第一次整嘅紫菜肉鬆，仲有芝士🧀🧀【香蔥芝士紫菜肉鬆咸蛋糕】好正，好香，好好食👍細佬同家姐都話加佐芝士好好味，食完一件又一件，食唔停口，咸咸地的確系好好食，唔似得其他芝士蛋糕甜同漏，呢款蛋糕用砂糖份量唔多，就算食多兩件都唔怕肥 ! 下午茶或早餐食呢款蛋糕再加杯鮮奶或者咖啡，嘩~ 正到爆😂😂😂

^ 0^食譜已經寫好了, 在最後面 !