豉椒爆炒雞，肉碎茄子

買親雞我平時多數會拎黎炆或者豉油煮，今日整返一碟惹味小小嘅餸菜，就系用蒜頭豆豉尖椒唐芹爆炒佢，我平時買親嘅尖椒大多數唔辣的，但今次出奇地辣喎，我食得辣就覺得好正，因為都幾辣吓所以兩姐弟就唔敢食咁多尖椒净系食雞多~ 至於茄子呢…我已有成大半年無買過黎食，今次買佐黎炒肉碎，我今次用豆板醬蒜頭肉碎黎炒，炒完出黎阿囡月阿仔都話唔好食喎😑俾佢哋激死，其實佢兩個系唔喜歡食茄子的🤭哈哈!!! 我話唔喜歡都要食，唔可以話唔喜歡就唔食，我要佢地每人至少食15條，阿囡一路食一路話我，話我咁多蔬菜唔揀系要揀茄子黎買， 哈哈，仲叫我下次唔好買😅