湖南臘肉炒蘿蔔乾

冬天我好自然會買臘腸臘肉黎食，冬天嘅臘腸臘肉特別好食，以前同我阿嫂一齊住嘅時候，冬天一到佢就會食佢阿媽寄俾佢湖南臘肉，我開頭聞到佢陣都唔喜，但自從試吃過之後又鐘意佐喎，聞真系唔好聞，因為佢哋嘅臘肉同廣東嘅臘肉好大分別好唔同架，佢哋果d臘肉有獨特嘅煙燻味，仲要系好勁果仲，唔系人人接受到，我開頭都唔喜歡吃，因為佢陣味真系好勁，以前唔喜愛架但依家我竟然愛上食佢，我老公唔鐘意架，佢話d煙燻味太濃，哈哈~ 

豉椒牛柳粒配煎米餅

 登登登登……老公嘅傑作，味道真係唔錯! 前晚我未收工時老公打電話問我肚唔肚餓，我話今日好晏先食飯唔肚餓，唔洗整野俾我，跟進我收工搭車時佢問我屋企有無豆鼓，我話有系廚櫃，我心諗佢唔知搞麥，我一收工返到屋企老公就話我整左野比你食，我第一次整呢個餸系上網學嘅，我話唔錯，整得好靚，至於味道都好好，系唔够汁，配煎米餅食真系要多汁先正，第一次跟網上學煮煮到咁已經好好 ! 我有時放工話肚餓，我老公佢都系煮個麵俾我食或者拎現成買返黎嘅餃子氣炸俾我食，簡單野，(佢肯整已經好好了，哈哈~ ) 

蒜香豆苗，七味三文魚扒，尖椒蓎芹炒四川臘味，西洋菜鴨腎湯

 放假又黎煲湯喇，今次煲西洋菜鴨腎湯，因為太耐太耐無煲西洋菜了，一於煲佢黎飲吓至得，呢個冬天我第一次買西洋菜咋，嘻嘻……同埋從未試過買呢款d豆苗黎食，佢嘅質感好似綠豆芽，但就多佐陣草青味，我地覺得一般，應該無下次～

糖不甩(附食譜)

 太耐無整糖不甩食，突然想食，加上屋企樣樣材料都有，一於動工，叫阿囡幫手搓湯圓仔，我就去炒花生煎蛋皮，2人合作半個鐘左右就食的了，糖不甩真系好好食 😋 甜甜地又煙煙韌韌，加埋蛋絲芝麻花生碎一齊食，特別香 👏👏👏 童年回憶返晒黎，因為我細細個果時阿媽好常整俾我哋食，哈哈~ 你睇細佬幾搞笑連個碟d糖都唔放過🤣見到佢食得咁樣我都好開心!

一家大細打邊爐

限聚令依然生效，上星期凍凍地我哋選擇系屋企打邊爐，冬天屋企打邊爐最舒同最正，一路烚一路食d食物熱辣辣真系好正，老公話我整得太多，哈哈~ 佢話再多2個人黎都食唔晒，我話確實系嘅，唔經唔覺我確系整佐好多野，我地好盡力食都食剩佐一D，我地一家四口食到好飽，已經食唔到了，最後我哋食剩佐小小牛肉，硯，鮑魚，菜，留返起第2日做餸，嘻嘻……

青紅蘿蔔粟米淮山栗子響螺頭豬骨湯

早兩日放假煲佐青紅蘿蔔粟米淮山栗子響螺頭豬骨湯，用乾響螺頭黎煲湯真系好香，呢個湯真系好正又香又鮮甜，真系好好飲， 響螺頭塊奄千奇唔好掉佐佢，功效好好架， 想知功效自己上綱查吓0K ，事先清洗乾淨個響螺頭同塊奄，之後拎去浸水，浸完響螺頭d水都唔好掉，用返佢黎煲湯 ，好鮮味架，我發覺近呢幾次用砂煲煲湯都特別好飲，我認為系個砂煲的功效，用砂煲煲湯時間長d要2小時，但系佢煲出黎嘅湯系特別香濃，而平時我常用嘅鵝姐煲Primada智能煲煲湯時間系短d，煲40分鐘等於明火3個鐘，而佢煲出黎嘅湯系特別清嘅，真系各有各好處 !

香辣咖哩雞

朋友介紹話我知有隻田師傅咖哩醬好食，我印象中有買過，不過系好耐之前嘅事，朋友拎佢黎炆薯仔牛肋條佢仲拎佐d制成品俾我試，確實系好正，於是我又去買返一包黎煮吓先，一包煮一餸岩岩好，煮好嘅咖哩好靚，咖哩味仲好香濃同埋辣辣地好鬼正👏 我喜歡濃味d😁所以我會加埋一細包椰汁煮多2分鐘……更香更惹味～超好味……突然諗起雪櫃仲有包雞脾未食，又拎埋佢出黎炒2炒加埋落去煮多陣即可以，製成品味道真系好好食😋

冬菇枝竹炆羊腩

超級怕凍嘅我見Fb嘅飲食群組d人成日post出d羊腩煲出黎，真系好吸引，過往我食羊腩一直都系返去外家食，因為我一家四得我同阿仔食，所以我好小自己系屋企整羊，我外家個個都食羊加上老豆又識炆羊腩，仲要系炆得好岩我口味，但因疫情嘅關係我媽12月生日飯都取消佐唔食，因為咁我都唔敢叫老豆炆羊腩俾我食，好多前年我貪得意炆過1次咁大把，因為味道唔好，所以之後一直無炆過羊，今次系我人生第二次炆羊腩，今次睇佐好多人嘅做法，俾我感覺唔系大難，所以決定買d炆黎食吓，味道唔錯，非常岩我食，我仲要買佐2次羊腩，第一次系百佳見佢有羊腩賣180幾蚊有2磅，望落都好正仲要系有得俾我慢慢揀，第二次去元朗合益街市買餸俾我見到d羊腩系成塊嘅，真系好靚我又買佐2斤幾(70幾一斤)，前前後後加埋差唔多4斤，反正炆開就一次過炆多d，食完第一餐就可以用密實袋袋好一包包放上冰箱，幾時要食就可以拎落黎解凍，加反熱就食得，快靚正，咁樣就可以分開幾餐黎食!  

鍋心粥底火鍋(外賣自取)，打邊爐專用鍋

天寒地冬打邊爐最正，上星期老公問我佢話不如你放孖哋果日叫爺爺嫲嫲過黎打邊爐好唔好呀，我話好喎，反正我哋系淘寶買佐個專系打邊用嘅鍋，好似百幾蚊架咋，好抵用，用電嘅，之但系……天~氣~咁~凍，我唔想去買野同埋洗好多野喎，哈哈~ 跟住老公話不如外賣粥底火鍋唔洗洗咁多野，之後自己買小小菜再加1至2個海鮮好唔好，我即答好無問題，嘻嘻……最終自己買佐1斤蝦+2隻奄仔蟹，加d菜同一口牛，就系咁多……講真鍋心的配料真系好新鮮，我已經幫襯了好幾次了!

氣炸栗子

 😆今晚氣炸栗子🌰又幾好食喎😋買佐1磅栗子自己去壳天日煲湯，剩返半磅就貪得意試吓用氣炸鍋炸佢，哈哈……出黎效果又唔錯喎，就系乾佐小小姐，下次唔好炸咁耐，炸得耐有d乾😅需則系咁但阿女同阿仔都話好好食，食落好香甜👍炸完d栗子完全唔痴壳非常好👏  👩‍🍳做法超級簡單.……👩‍🍳系個栗子頭位置用刀個細細嘅十字，放入熱水拖一拖水(2分鐘)，拎上黎加小小油加小小糖撈匀，氣炸15分鐘(其實10分鐘己足夠了)

2021新年快樂

😊2021新的一年忠心祝愿我的家人🕺💃🤸‍♀️朋友身体健康💪万事如意🥳心想事成🤗 也希望我自己在新的一年里健康快乐🤪过好余生的每一天🤓保持心情愉快凡事看开看淡😁盡自己能力做好每件事💯