蒜茸蒸蝦，肥牛炒芯菜

早幾日見元朗d 蝦好靚又唔貴，

48蚊一斤 , 於是買佐一斤，

用蒜茸黎蒸，

為佐方便两個小朋友食 , 

我去晒 d 蝦殼 !

聖誕快樂 , 我超忙碌的一天

我祝大家 

聖誕快樂 & 身體健康

各式各樣的聖誕樹
我中意傳統綠色

牛油曲奇 , 鮮雜果沙律

因為20號阿囡阿仔學校要舉行聖誕聯歡會，

要家長準備一款食物拎返去，

我見好多人都整燒賣,魚旦 , 腸仔 , 

我覺得整果d好悶 , 

見無人整曲奇 ,  

一於整曲奇俾謙謙拎返去 , 

我依家系度整緊謙謙d牛油曲奇，

一陣要同盈盈整雜果薯仔沙律…

唉………

依家做家長 , 少d精力同體力都死 !

龍利葉石黃皮雪蓮果脊骨湯

龍利葉石黃皮雪蓮果脊骨湯

魚皮餃湯米線

兩個小朋友放假 , 我肯定係懶得就懶 , 

攰攰地 , 唔想煮飯 , 早餐加午餐一次過 ,

我就煮 ==>魚皮餃湯米線再加d雜丸 , 

再黎多一碟菜 , 枝竹 

搞定.... 話咁快就食得 , 

真係好簡單 , 

哈哈.......

可以慳返好多時間 ^0^

做下自己野 , 或者休息都得 !

嘻嘻 ^&^

正宗韓國泡菜豬腩肉 , 蒜頭豆豉魚煮南瓜

呢包正宗韓國泡菜係老公同事去韓國旅行 , 

買返黎送俾地我地的手信 , 

其實仲有好多野 , 

有紫菜 , 米通 , 魷魚小食等等.....

仲有仲有....我的潤手霜 ^0^

呢個泡菜煮豬腩肉好鬼死正 , 

辣辣地好好味 , 哈哈............ 

我好中意食 , 好中意食 ,

不過唔敢食咁多 , 

嘻嘻......我驚肥 ^&^

海洋公園一日遊

昨日我地一家大细同去海洋公園玩……盈盈謙謙第一次去，行佐成日行到我腳仔軟……

台式滷肉澡 (已加食譜)

呢個台式滷肉澡好好味 , 係謙謙同學仔媽咪教我整的 , 真係好掂 , 用佢黎拌飯 , 湯粉麵 , 拌菜 等等.......... 真係好正 ! 我地一家都好中意呢個台式滷肉澡 , 真係好多謝同學仔媽咪 ^0^

阿囡甩牙仔 , 盈盈學校旅行

前晚我趁盈盈熟睡ge時候 , 
我整甩佢左邊果隻門牙，哈哈………
盈盈起身時都唔知道自己俾媽咪
整甩佐隻門牙 (^_-) 嘻嘻………
昨日仲周圍同人講佢前晚訓訓下覺
隻門牙自已甩佐出黎(^ω^)笑死我……
呢隻系盈盈第三隻甩的牙仔 ( ^o^ ) 

蠔汁鮑片燴菜芯 , 蒜茸雞扒 , 雪蓮果蘋果雪梨雪耳湯

謙謙同學仔媽咪(卡文)的好介紹 , 

鮑魚…片，味道好好，我中意食(^_-) 

謙謙學校親子旅行 @ 赤柱 , 淺水灣

今日要現真身了.......^o^

    

天水圍搭旅遊巴士向赤柱出發........

係赤柱玩完 , 再搭車向淺水灣沙灘出發.....

整個旅程完滿結束 , 搭車返天水圍.......

忌廉芝士方包 , 小餐包 , 洛神花茶

新鮮出爐……熱辣辣……

忌廉芝士方包和忌廉芝士小餐包…………

香噴噴，老公和两個小明友又有愛心飽食喇～ 

明天早餐有著落，又系吃愛心飽，哈哈……

＼(^o^)／有排食有排食……(^_-)

冬菇蝦米臘味糯米飯

前晚我整佐盈盈喜歡食的糯米飯，
阿囡話好好味喎，好味到要添2次飯，
老公話：好味都唔可以再俾阿囡再添食呀！
飽死佢呀………哈哈………
我自已都覺得好味，阿囡問我點解咁好味？
我答盈盈 : 媽咪用佐浸蝦米，冬菇的水用黎煲飯，梗系好味喇…… 係咪好正呢 ? 
盈盈話 : 係呀 , 好好味好好味....... 好正 , 
下次記得又要咁樣整喎 ^0^ 

香煎三文魚扒

差唔多有一個月無買魚食 , 
趁今朝得閒就出元朗就買返d三文魚黎吃下 ,

簡簡單單煎下佢 , 之後放落已煲好飯的電飯煲果度 , 
焗一焗再加豉油就吃得.........

麵包機煮.....洛神花果醬

早排見高Ling 整佐洛神花果醬  , 我又心思思想整 , 
咁岩同學仔媽咪話想買洛神花煲水 , 
於是我地一齊出佐去元朗吃早餐&買餸 , 

今年d洛神花貴佐好多 ,  上一兩年好便 , 
我地係元朗千色附近d婆仔檔果度買的 , 
我地一人買佐一袋 , 20蚊袋 , 有一磅幾重 , 
阿婆話係佢地自己種的 . 真係好新鮮 , 好靚 !

我首次用麵包機煮果醬 , 效果幾好 ,  真係唔錯 , 
可惜時間太長 , 要1小時20分鐘先煮好 , 我就唔中意喇~ 
20蚊的洛神花就可以整到一大樽果醬 , 放雪櫃可以有排食 , 

洛神花果醬用黎沖水飲 , 搽麵包 , 當小食就甘食都好好食 , 
味道係酸酸甜甜的 , 我都幾中意就咁拎黎食 , 哈哈.........

舊yahoo blog 有新地址喇 ~

我的舊yahoo blog 有佐新地址喇!!!!

原來點煮網都幫我搬好晒 d 舊bIog，
真系好開心，好多謝好多謝點煮網 ，
我暫時唔洗煩 , 等我有多 d 時間先
將佢搬黎呢度 。

大家想睇我之前所寫的食譜 , 
可以按入去睇 .......
我會係右手邊設定一個按鈕 , 
按一下就去到我個舊blog果度睇野架喇 !  


( 請按以下網址 , 便可以觀看我的舊blog )

http://www.dimcook.com/winglee20130901/blog

蟹柳雜菜蛋炒飯 , 香煎南乳豬腩肉 , 蒜茸菜芯仔

超級簡單的一餐........簡單得黎好好味! 

我好中意食煎南乳豬腩肉 , 好好味 , 係我媽媽教我做的 , 一年前我成日整黎食架 , 近年我著重佐自己和家人健康 , 所以依家好小整黎食 , 間唔中先整一餐食 , 吃得多真係會好肥架! 

我想肥話咁易 , 因為我好中意整野吃 , 哈哈~ ~ ~ 但係我肥佐想瘦返就........好........難 =_= "  近排我都整小佐好多野食 , 最多都係整下麵包 , 俾兩個小朋友做早餐 ^3^  

蟹柳雜菜蛋炒飯 

白方包

跟麵包書做的白方包 , 方包的外型都ok .

羅漢果菊花雪梨茶

早两日見d雪梨都幾靚，10蚊有5個，都幾平，两姐弟呢幾日食佐唔少麥記 d 野，我驚佢地咳，所以煲佐呢個羅漢果菊花雪梨茶俾佢地飲，呢排天氣咁亁燥，飲多d呢個雪梨茶最好不過……羅漢果雪梨本身有甜味 , 所以唔洗加咁多片糖~~  呢個雪梨茶甜甜地 , 我兩個小朋友都話好飲  (^ω^) 

桂花黑糖紅梅麵包

上星期6做的桂花黑糖紅梅包 , 味道幾好 , 覺得唔錯 , 可惜甜度淡佐小小 ,  有機會再整呢個得話 , 就要加多d黑糖 , 味道應該會更加好 !!!

紅棗雪梨雪耳蘆薈糖水 , 腐竹白果咸瘦肉紅蘿蔔粥

呢排天氣都幾乾燥下 , 我要煲返d清潤野黎飲飲先得.......乾燥天氣最好用雪梨黎煲湯或者煲糖水 , 功效好好架 , 同埋呢個時候d雪梨好甜 , 呢排早晚都有d涼 , 又係時候要搵返d冬天衫褲出黎 , 諗起要換季都煩 >_< "

早幾日煲佐紅棗雪梨雪耳蘆薈糖水 , 我覺得呢個糖水好潤好正 , 蘆薈係奶奶自己種植的 , 蘆薈ge功效真係有好多 , 想知就上網搵資料喇.......我唔係呢度多講 ! 嘻嘻 ~ ~ ~ 

迷你柚子茶麵包仔

上星期日本應約佐兩個中學同學同埋佢地ge小朋友一齊出旺角的飲茶 , 行街 , 因為謙謙有小小唔舒服 , 所以無去 , 唯有下次再約 ,  係屋企悶悶地我就玩下整麵包 , 今次係用佐上次柚子茶方包食譜黎做  ,  不過我唔想整方包形狀 ,  整佐迷你麵包仔 , 方便小朋友吃 , 同埋細細個一次吃一個幾好 , 唔錯 !   

腐竹蛋糖水

一排無煲糖水 , 特然間想飲下糖水 ,
懶人版腐竹蛋糖水^0^ 三樣野就搞掟晒 ,  

今次無加白果又無加意米的 ,  哈哈.....
真係好簡單 , 腐竹 , 雞蛋 , 冰糖
真係簡單到暈 , 可以稱得上為快 , 靚 , 正 ! 
呢個腐竹雞蛋糖水真係超級超級簡單 !

香蕉肉桂蛋糕仔

屋企有2條熟到起黑點 , 就黎爛 ge 笨奶奶無人吃 , 於是我上網搵香蕉蛋糕做法 , 咁岩俾我搵到 blog 友小高的 肉桂香蕉合桃蛋糕食譜 , 於是我就跟小高食譜試做下先 , 我屋企無合桃 , 所以無加.......  呢個蛋糕仔味道都唔錯得 , 我好中意陣肉桂味 , 好香 , 多謝小高同大家分享食譜 !  

煎蠔仔餅

唔好睇又唔好食ge蠔仔餅

我的新電話

跟佐我4年ge手機已經開始有小小問題了,
所謂舊ge唔去新ge唔黎，真系好多謝老公 , 
送我一部新款智能電話 Samsung Note 3 , 
真系好開心 *^O^* 有新電話用 , 嘻嘻 ... ^3^

呢幾日屋企部電腦壞壞地  , 搞到我想寫blog

都寫唔到 , 煩.....真係頂佢唔順囉 , 開佐部電

五草涼茶

中秋果時我係第一次煲過五草涼茶 , 因為我之前係無介紹五草ge名稱的 , 我昨日同兩個小朋友係公園玩完 , 佢兩個要飲水 , 我個袋得返半樽水 , 佢兩個飲完話唔夠要再飲水 .

於是我地行佐去天瑞街市買野飲 , 買完我醒起天瑞街市有新鮮草藥賣的 , 跟住行過去買佐3扎草 , 因為都幾貴 , 所以我今次只係買佐3扎就算 , (我上次係買佐5扎架) 跟住仲問店舖阿姐果d草叫咩名 ,  阿姐好好人 , 話晒d草名出黎俾我聽 , 我就記低佐 , 上次blog友 MayＨo 叫我介紹下 , 我當時唔記得d名所以無介紹 , 趁我依家仲記得我拿拿淋記錄低先 , 費事我轉個頭又唔記得就慘! 你問我我都唔識 , 哈哈..... 

上次我買ge五草 , d名稱係阿姐講ga ,
正唔正確?我係唔知道的,錯佐唔好鬧我呀!

香草海帶綠豆沙糖水

昨晚見到小千媽媽post的 芸香綠豆海帶糖水 我睇到芸香呢個

名覺得好好奇, 於是去佢個blog度睇清楚d先的 , 原來芸香即係

臭草, 咁我就明白喇 , 臭草我係街市見過 , 不過我無買過 , 昨晚

係櫥房搵材料 , 就係無海帶 , 於是今朝送完謙謙返學,我就去街

市買海帶同埋臭草 , 咁岩今日無臭草賣 , 咁我又同盈盈去另一

個街市買 , 點知又係無的賣 , 得個吉 , 唉.....激死 , 打電話問謙

謙同學媽咪佢話另一個街市可能有 , 我又打電話俾另一個同學

仔媽咪 , 問佢可唔可以幫我睇睇有無 , 最後同學仔媽咪話有 , 

我就叫佢幫我買佐 , 太好了......真係好多謝謙謙同學仔晴晴媽

咪 , 細細扎5蚊一扎 ,  我覺得臭草一d都唔臭 , 仲好香!!!! 點解

個名會叫做臭草呢 ??? 真係唔明白 , 今日d糖水煲到起晒沙,超

級正 , 老公今晚返黎就有愛心綠豆沙糖水吃 , 仲唔愛死我 , 哈

哈!!!!!! 如果我老公睇到呢篇野,肯定話我痴佐線 , 嘻嘻 ~~~

厚切餐肉麵包 <附食譜>

自從阿囡返小一開始 , 我就少佐時間整麵包 , 唔係唔想整 , 實在係分配唔到時間去整 , 整親麵包閒閒地用我2個鐘或以上 , 我真係無咁多時間 , 我依家有小小時間就去訓覺 , 哈哈......... 
因為兩個小朋友返學的日子我就要一日里要走6轉 , 
真係幾攰架~ ~ ~ 

昨晚早訓 , 今朝5點幾就醒佐 , 加上兩個小朋友今日唔洗返學 , 我又心思思走去櫥房整麵包 , 今次就係要整大人人中意的午餐肉包 , 好耐之前都話整ga喇.....不過我一直都拖 , 拖到依家先整 , 要大人人久等 , 真係唔好意思......嘻嘻....... 小灰灰你主人終於都等到我整個餐肉包喇........大人人肯定等到條頸長佐好多喇........哈哈 !!! 

火腿西芹炒年糕 , 家鄉南乳碌鵝

火腿西芹炒年糕

呢個餸菜其實我都好常整的 , 點解 ?
因為阿囡同阿仔中意食囉 , 有次我地一家同老爺奶奶去飲茶,爸爸叫佐碟上海年糕蒸排骨吃 , 阿囡就話要吃底果d ,自從果次吃過年糕之後 , 佢次次去飲茶都要叫上海年糕蒸排骨,但係佢唔吃排骨架喎 , 叫碟野返黎就係為佐吃底果3片年糕 , 我見佢咁中意吃上海年糕 , 於是我倆係大昌買佐一大包韓國年糕返黎放係雪櫃  , 間唔中就拎佢黎炒下菜 , 或者蒸下排骨 , 家姐真係好中意吃 , 細佬見家姐話好吃佢當然唔执輸喇 , 又跟埋家姐一齊吃 , 次次放幾多年糕落去 ,佢兩個都同我清晒 . 

鮮白果意米腐竹糖水 , 公益金便服日

老公今日放假 , 昨晚煲定d糖水 , 放涼放番落雪櫃 , 
今日就可以有凍冰冰的糖水食 ,  happy ~ (๑◕ˇωˇ◕๑)

今次用佐係樹記買返黎的碎腐竹黎煲 , 好勁呀!!!
d腐竹煲到唔見佐 , d腐竹真係新鮮得好緊要 ,
我用煲湯ge煲黎煲 , 煲佐一分鐘 , 真係一分鐘咋 ,
已經唔見晒d腐竹咁制 , 我平時係街市買果d腐竹 , 
煲2分鐘都唔爛 , 今次真係好勁........ 煲到好似豆漿咁喎 !

唔講真係以為係豆漿呢

豉汁蒸黃立倉 , 豆豉魚硯肉炆冬瓜

上星期我同兩個小朋友去華潤 , 阿囡見到倉魚叫我俾佢食 ,
事關佢上次去姑媽屋企吃過呢種魚 , 佢話好食於是叫我買 ,
呢條倉魚系細佬同姐姐两個人吃晒 , 我同老公都無食 ..

涼拌素菜 , 蝦醬叉燒肉粒粟米蛋炒飯

多得個隻怪兔 , 我又可以休息多一日 , 真舒服 ~ 
唔經唔覺放佐4日假 , 時間過的真係快 .....=_="

天日又要開工 , 湊返學放學 , 呢份工真係唔易做 ,  
小d體力都死 , 我咁後生都攰到CC下 , 何況年紀大ge人?

如果叫我奶奶我估佢骨頭散都似.......哈哈......^0^
點解 ? 因為一日要搭6次車 , 你話C唔C先 ? 

何來搭6次車 ? 

天兔襲港 & 樹記腐竹

天兔襲港：8號風球現正生效

強颱風「天兔」逼近香港，天文台剛在晚上6時40分，
將三號改發八號西北烈風或暴風訊號。
唔知天朝仲有無得挂8號呢? ? ? ? 有就好囉......
我可以休息多一日 , 哈哈~ ~ ~

中秋節快樂 @ 幼稚園中秋晚會

今日係舊曆八月十五(中秋節) ~ 中秋節快樂  ~

我謙盈媽咪係呢度
祝大家中秋佳節 , 人月兩團圓 !!!! 

首先我多謝係我blog上留言俾我的朋友 , 我昨日真係好忙 , 未能繼一回覆大家俾我的留言 , 請大家見諒 , 你地的留言我全部都收到喇 , 我依家無唔開心喇 ,  我唔為呢d咁芝麻綠豆事唔開心咁耐的 , 今日係中秋節 , 今晚我地一家4口會同我家老爺奶奶&姑奶和其他屋企人開開心心咁一齊吃晚飯慶祝 , 之後會一齊玩燈籠吃月餅賞月 , 齊齊賀中秋 !!!!

有人話我偷佢d相喎!

事關琴日我做的脆皮奶黃月餅 , 我post出黎的食譜相片 , 

有人留言話我知 , 我偷佢d相喎 , 佢仲話如果我唔刪掉，

佢會去 google 檢舉我喎 , 我睇到個留言 , 都覺得留言

俾我的人好有問題 ~ ~ ~  我隨時歡迎佢去google檢舉 !

我無做過 , 卻俾人話我偷佢野 , 個心真係唔舒服!!!!
我做任何野都係對得住個天對得住個地 , 絕不會騙人 , 
唔搞清楚件事就係度亂咁講 , 完全不分青紅皂白 ,  
就含血噴人 , d人超級無恥 , 超級無品 , 超級討厭 !!!! 

脆皮奶黃月餅

唔整唔整還係整佐 , 講佐成個星期都無係得個講字 , 昨日終於都整佐 ,
今次係第二次整奶黃月餅,上年做過第一次 , 失敗佐 , 今次同樣都係失敗 ,
未焗之前明明好靚仔架 , 點知焗完之後..........嗚呼哀哉 ~ ~ ~ ~

無眼睇 , 無晒個 Hello kitty樣 , 同埋9成都有爆裂.........
唔知點解 , 可能我不是做餅的材料吧 !
謙謙同學仔媽咪叫我再做試下 ~ ~ ~
我話 : 唔喇 , 玩過就算 , 下年再努力過 .........嘻嘻

講真我都想再試 , 不過我實在無時間 , 心身都感到很累 ........
有時間我寧願休息!!!!!

清楚看見好多裂紋 , 唔靚!!!

新鮮蓮子百合紅豆沙糖水

我好耐無煲糖水lu~  琴日見雪櫃仲有鮮百合 , 我又去買d野黎煲 , 

d百合係我大嫂返家鄉(湖南)拎出黎的 ,好新鮮 , 好靚 ,好厚肉&好粉 , 

我已經最後落 , 煲佐1分鐘咋 , 佢已經爛晒咁制 , 

鮮蓮子我係街市買的 , 仲有陳皮呀! 我唔記得放埋出黎映相添 , 

我個人認為煲紅豆沙唔放陳皮落去一齊煲係唔好食的 , 嘻嘻.......

紅豆沙凍食好正架 ~ ~ ~  ^o^

呢個星期不停同老公.......撐枱腳

老公呢個星期放大假 , 佢日日都送盈盈同謙謙返學 , 接放學就一時時喇 !

送完佢兩個小朋友返學 , 跟住我同老公一齊去吃下早餐 , 傾下計咁囉 ......

我地兩個都好小撐枱腳架 ~ 結完婚到依家我無去過唱K  , 睇戲等等.......

講真有佐小朋友真係好忙 ~

想自己出下街都難 , 無的出街唯有自己係屋企搞搞震 , 

我係屋企最中意的兩個位置 , 一係電腦枱位 , 二係櫥房位~

哈哈...... 識我ge人都知我中意做麥 , 如果大家認真留意下就知道 , 

我呢個blog追蹤的人大多數都係中意煮野吃的人 , 同埋一d有小朋友ge媽咪!

係呢度可以做到我想要ge野-->(記錄d野俾小朋友大個可以自己睇返)

同埋我可以同大家分享下煮食心得真係好好 , 好開心~ 

同埋可以認識一班blog友們 , 一舉幾得 , happy ^^

我唯一唔中意就係呢度無表情公仔 , 死氣沉沉咁 , 有d悶囉 ~0~ 

我地叫的熱飲 (熱咖啡 &熱檸茶)

呢個係我ge魚柳早餐

紫芯蕃薯麵包 (17小時中種) <附食譜>

我第一次做呢個17小時中種紫芯蕃薯麵包 , 

呢款麵包好好味 , 好軟熟 , 個麵團顏色好鬼死靚 , 

純天然紫色真係好靚 , 我好中意舊麵團 , 哈哈.....

我整佐2種麵包餡料 , 一款係忌廉蕃薯茸 , 

另一款係粟米咸牛肉 , 原來粟米咸牛肉餡料係最受歡迎 , 

其實我覺得忌廉蕃薯茸都好好味 , 唔明點解佢地唔中意 .

薑蔥蒸紅鮪 , 蠔油支竹炆節瓜

我係一個唔多中意食魚ge人, 買呢條魚係因為奶奶 ,
老爺同姑奶ge仔囡黎前排黎我屋企吃飯 , 我先買佢咋 ,
因為姑奶ge仔囡餐餐都要吃魚的 , 上次去佢屋企吃飯 ,
姑奶話紅鮪都好岩小朋友吃 , 所以我係買返條紅鮪佢地食 ,
我第一次買呢隻紅鮪魚咋 , 30幾蚊一條 , 貴唔貴呢 ?
我唔知道呀 , 因為我平時好小買魚吃的 ,
所以唔知道便定貴哦 , 哈哈......
呢條魚俾我想像中好吃 , 我試佐小小 ,
唔腥同埋唔係咁難吃 , 還可以 . 


個賣相都ok 呀 , 我怕佢腥所以放佐好多薑蔥係面 .

醬燒鯖魚 , 咖哩魚旦腸仔豬皮蘿蔔

我呢幾日有d攰攰地 , 同埋有小小懶 , 唔想寫blog , 哈哈........ 

老公昨日開始放大假 , 昨日一家大細去 " 元綠 "  吃午餐 , 

我地都唔係叫佐好多野吃 , 埋單果時......嚇我一跳 , 

差唔多要300蚊 , 真係眼都大埋 ......... @_@ @_@ 

哎呀..........貴到死  , 下次唔幫親你 ~ ~ ~ 

吃完午餐之後同兩個小朋友去百佳入貨 , 因為盈盈學校

無小食部的 , 所以我每日都要俾d零食盈盈帶返學校吃 , 

其實咁樣仲好 , 我知道佢每日吃咩零吃 ......

咁岩俾我見到鯖魚做特價 $8.8一條 , 我一次過買佐6條 ,

昨晚整佐3條黎吃 , 見雪櫃有一包 "面豉湯醬" 我又搞搞

新意拎佢黎醃鯖魚 , 哈哈........燒出黎又幾好味喎 ! 

試驗人手搬yahoo幫我做的備份

暑假即將完結....... 消暑冬瓜糖水 , 火腿魚條雜菜粒炒飯 , 涼拌香蒜青瓜

文章日期：08/30/2013 03:56 pm

天日係阿囡學校 "家長日"  同  "小一迎新日"
即是話我同阿囡都要返學校 , 休息埋呢幾日,
星期一盈盈謙謙就正式返學lu....我就有排忙....
好唔舍得我的悠長暑假 , 我的假期要結束了,
要開始又收拾心情.....帶佢兩個搭巴士返學囉 ,
黎緊一至五時間都係咁樣 , 星期六 , 日先可以休息 ,
盈盈 --- 返8:15 放 3:50

朱古力小餐包 , 朱古力芝士腸蟲蟲包 <附食譜>

我一係就唔玩 , 一玩就玩上隱 , 哈哈....真係好玩又好食~ 正 !

前日一次過做佐2份(17小時中種的麵團 ) , 昨晚係其中一份 ,

今日下午做埋另外一份麵團 , 今次我大膽嘗試將獨角仙麵包書

入面的野更改小小 , 試試做出黎得效果如何 , 哈哈.......死唔去 , 

兩個小朋友開學喇 ! ! ! ! !

昨日落雨......煩死~  希望今日唔好落雨 !

小朋友要返學的日子里我最討厭就係...........落雨 =_= "

但於我兩個小朋友而言 , 佢地就最開心 , 我問佢點解中意落雨 ?

佢兩個答 : 落雨可以玩水 , 可以著雨衣 , 可以自己擔雨傘真係好開心.....

哎.........俾佢兩個激死 !!!!!

昨晚整的柚子蜜方包 , 好軟熟 , 好香 , 甜甜地好好味!
頭先4:30老公叫我起身切方包俾佢吃 , 吃完就去返工 , 
我醒佐之後訓唔著 , 唯有係度寫下blog......  ^3^

盈盈謙謙開學哩幾日映的相 ~ ~ ~ 

炒韓式年糕

今日係炒年糕 , 係紅蘿蔔椰菜火腿扒炒年糕 ,
阿囡喜愛吃年糕的 , 一碟就搞定 , 有肉有菜 , 
真係幾好....... 咁多蔬菜之中阿囡最中意吃西芹 , 
其次就係菜芯 , 其他菜都唔多中意吃!


紅蘿蔔椰菜火腿扒炒年糕

芝士火腿湯通粉

今朝早餐-----------> 芝士火腿湯通粉