2015年11月30日星期一

黑椒牛仔骨,荷包蛋,蠔油菜蕊

市面上嘅牛仔骨越賣越貴,唉……今次系結婚後第二次自己買牛仔骨返屋企煮,出街我自己好鐘意叫牛扒,牛肉,牛仔骨食架,但真系越食越貴,好唔化算!都系自己買返屋企自由發揮,亂煮……亂煮……哈哈\(^o^)/

2015年11月28日星期六

鮮菌白汁煙肉意粉

阿囡上星期三夜晚無啦啦同我講媽咪我天日放學跳完舞返到屋企想食白汁意粉得唔得,我話好呀,反正之前買佐幾包意粉都未煮,加上我都好耐無煮意粉食,一於天晚吃意粉,唔洗煩,其實日日要我諗要煮咩餸俾佢地食真系幾煩架,仲要餐餐都唔可以同款,哩個唔食呢樣,果個又唔食個樣,唉……真系好傷腦筋!

2015年11月27日星期五

芝士火腿吐司,吞拿魚粟米包

昨日一次過焗佐2樣包,反正都系要吃,咁我就試下一次過整多d放系度,起碼可以吃4日,唔洗日日整,早餐我地主要系吃麵包多架,哈哈……簡單d一款麵團做2款包,一款系芝士火腿吐司而另一款就系吞拿魚栗米包,我發覺整包系會整上隱,其實我整包黎黎去去都系整果幾款包,花款唔多,加上我兩個小朋友指定系吃果幾款包,就算出街買都系買黎買去果幾款包,例如芝士火腿,吞拿魚,肠仔,蒜蓉包,芝士條……多數系呢幾款!有得揀嘅情況下甜包佢地系唔多鐘意架,嘻嘻……

2015年11月25日星期三

蘋果紅蘿蔔粟米椰子西施骨湯,金菇肥牛卷,煎豬扒,蠔油芥蘭

呢排懶佐……少佐煲湯飲,其實呢d天氣真系要飲多d清潤湯水,否則皮膚好易乾燥同痕癢,今次煲湯嘅蘋果唔系我買的,系阿仔阿女系學校吃飯時飯商公司派嘅,學校次次派親蘋果俾佢,佢地就拎返黎俾我,真系俾佢兩個激死……(╯з╰)

2015年11月23日星期一

火腿炒蛋,咸魚蒸肉餅,蠔油生菜

我發覺兩姐弟越黎越鐘意食炒蛋,蒸滑蛋,但烚蛋,咸蛋佢兩個又唔鐘意食喎,真系奇怪…… 小朋友d口味你真系估佢唔到架,哈哈!

2015年11月21日星期六

豉椒味菜肥牛,上湯灼菜芯,冬菇肉燥

肥牛我好喜歡用味菜同埋唐芹去炒,我覺得好好味,我自己好鐘意食,但老公就話唔鐘意我加唐芹落去炒,今次我又多手加佐2隻尖椒落去,咁岩今次買嘅尖椒好辣,辣到飛起……連我食得辣嘅人都覺得辣,哈哈……老公話辣得好過隱,d牛肉吸埋d辣味,越食越正喎!

串燒雞包,芝士腸仔包

前幾日用佐阿仔同阿女最愛嘅串燒雞去整包,兩姐弟每人吃佐2個串燒雞包,佢地話好好食佐,我試佐一啖,味道確實系唔錯!

2015年11月20日星期五

火腿蛋包 / 芝士火腿包(低温發酵)

大大話有成年無整麵包了,部麵包機買佐返黎放系屋企整佐無幾多次就收埋佐部機無整,老公上星期話我,你部麵包機買返黎用佐無耐就唔用,都唔知你買黎做乜,你成日都系街買麵包俾我同對仔女早餐食,其實街買嘅麵包一d都唔平,連簡單豬仔包都要5蚊一個,你自己識整包,不如每日整包俾我地吃喇,自己整點都會平d同健康d呀嘛,返正你買完餸都系返屋企無野做……就系咁俾老公話完之後,呢幾日下午都系屋企玩整麵包……

2015年11月11日星期三

天使焦糖脆脆蛋糕

琴日又去佐學做蛋糕了,今次呢個蛋糕味道同外表都好好,系唯獨蛋糕内部組織就差佐小小……我老公仲話我搽忌廉搽得唔够多,所以無咁好食喎……-_- #

2015年11月10日星期二

有禮物收Note5,南乳支竹豬肉炆藕片,冬菇炆雞

好開心老公上星期五11月6號夜晚送佐部電話俾我,系新出無耐嘅Note5……嘻嘻……有新電話用好開心!昨日朝早出元朗拎埋張迷你SIM卡,今日裝返好就可以用~爽……新電話用噜……哈哈……要再次多謝老公多謝老公……\(^o^)/

2015年11月8日星期日

有米豬@屯門藍地季季紅

上幾個月嘅事,老公同佢d同事約8月25號去季季紅酒樓食飯,老公話果度嘅有米豬好出名的,好好食,仲要系要提早訂先有得食喎,佢話我無食過,所以帶埋我地去食,我真系第一次食有米豬,超正,d皮脆卜卜……d飯香噴噴……真系另我一試難,好想再去食多一次,食過番尋然,嘻嘻……我覺得無10個人都唔好叫呢隻有米豬,切開晒真系好多,其實乳豬個肚入面系有好多飯架,果晚我地7個大人,加我2個小朋友再加2個1歲左右嘅BB都食剩好多乳豬同飯,食唔晒要拎走,大飯盒2盒咁多,我唔客氣喇我拎佐一盒走……哈哈!可想而知隻豬真系唔野少,其實呢隻豬足夠12個人份量,因為仲有其他餸食……另外佢果度嘅豬肺湯好好飲,無落味精的,有湯飲之餘仲有湯渣食,好正 !