2014年8月31日星期日

紫薯方包,珍寶肠仔包,芝士肠仔包

暑假最後一日我都唔放過,要整包包,天日早餐有著落……两姊弟天日早餐我就唔洗煩食咩早餐喇,一杯奶再加一個媽咪牌包,够晒飽,哈哈…… 老公話珍寶大肠仔包好好味,叫我唔好食晒,最少留返一個俾佢天朝早餐時食,嘻嘻!两姊弟好鐘意蝴蝶肠仔包,一出爐無耐就俾佢地食佐,我自己食佐一個珍寶大肠仔包,真系好好味!


2014年8月30日星期六

黑椒洋蔥煎牛柳粒,馬拉戔通菜,青皮哈蜜瓜

今日又黎吃牛,今次系吃牛柳粒,簡單d用黑椒洋蔥爆炒即可以吃……方便快捷有得食,再炒碟馬拉戔通菜,搞掂!咁又一餐喇……夜晚仲有平靚正水果吃添……正~ (=^‥^=)


2014年8月29日星期五

雜錦海鮮炒拉麵

 悠長暑假就快結束了……想再訓晏d起身都唔得,唉… 忙碌ge日子即將開始lu……諗起都煩…… 成日食飯食到悶悶地一於炒拉麵吃,依包拉麵系759做特價時買的,我覺得好食,但兩姊弟同老公都話一般,佢地食佐半碗就唔食了(╯з╰) 其餘果d就要我一個人食晒,唉~下次特價我都唔會再買呢隻拉麵了……(=^‥^=)



2014年8月28日星期四

韓式洋蔥豬頸肉,瑞士汁雞翼,蠔油生菜,元朗廣場

琴日下午同两姊弟出元朗行街順便去家政訪買材料整蛋糕同埋買高低粉,點知同學仔媽咪同我講佢朝早去買果時門寫住家政訪逢星期三休息,哈哈…好彩同學媽咪通知我,否則我又要摸門釘,本來今日整日式芝士蛋糕,因琴日買唔到野所以無得整^^今日又用韓醬醃豬頸肉,再用埋韓國洋蔥炒真系好惹味,今次d瑞士汁雞翼有d失色,因為我d蔥同埋乾蔥都岩岩用晒,無蔥頭和乾蔥起鑊d味道硬系争d争d,唔夠香唔夠好味(>_<) 我平時系用小小油爆香薑片蔥頭和乾蔥頭再加雞翼爆炒幾分鐘再加李錦記瑞士汁和小小水大火煮10分鐘就熄火唔開蓋焗佢,焗10幾分鐘就食得,d雞翼真系又滑又香又多汁,好正架!我两個小朋友超鐘意!


2014年8月26日星期二

鮮奶椰皇燉蛋白

昨日下午同两姊弟去街市時見到有椰皇賣,又唔系話好貴20蚊4個,加上我地一家四口都鐘意飲,一於買返4個返屋企,老公同两姊弟一人飲佐一個,净返我個一個未飲,突然諗起上次同奶奶去飲茶時老公叫佐幾個椰皇燉蛋白俾我地食,仲要唔平喎(>_<)如果我無記錯應該系成30蚊一個,佢都幾大個,系好味…但系唔夠滑,佢可能蒸得耐,d蛋白有好多窿窿!咁我見佢地3個飲晒我就留返我果一果d椰皇水試下整,因為系第一次整,唔識……所以上youtube睇下人地點整,跟住我就試整,最後都好成功,出黎效果好靚,又白又滑又香,好掂,可惜唔够甜,淡佐小小……嘻嘻……(^o^)但系我都好滿意我自己ge作品,真系好滑好香!


2014年8月25日星期一

台式胡椒餅<附食譜>

前排整ge……系我人生第二次整台式胡椒餅,感覺俾第一次好少少,今次唔用上次食譜,而改用另一食譜黎整,呢個食譜系<為食貓>果度揾ge,做出黎ge效果俾上次好d,但做法就比上次食譜複雜小小,做好之後送佐d俾謙謙同學仔媽咪食,佢地個個都話好好食,有d媽咪話胡椒味再勁d就更加好喎!其實我自己就覺得够晒辣 ……^0^


2014年8月24日星期日

鮮奶蛋撻

今日無聊之際又去試整蛋撻,是次整鮮奶蛋撻,正常ge鮮奶蛋撻應該系白雪雪的,但經我手焗完出黎好似去佐一轉非洲旅行咁樣,哈哈…… 我自己都覺得好笑\(^o^)/ 明明系鮮奶撻偏偏俾我搞到葡撻咁ge款,嘻嘻~真系笑死人!今次外貌一般但味道真系好好,撻皮好鬆脆,鮮奶蛋白就好香!




2014年8月22日星期五

鮮奶南瓜吐司<附食譜>

原本今日系整紫薯吐司的,但諗起之前整過紫薯包,所以今日試整第二樣,咁岩前日買佐舊韓國南瓜未吃,所以拎佢黎整包,我第一次買韓國南瓜吃,蒸熟之後我試佐2舊仔,真系好食過中國南瓜,蒸好無中國南瓜咁多水份!3條吐司之中其中一條我加佐d乾果落去,有合桃、紅梅、提子乾,我自己喜歡加佐乾果ge南瓜吐司,食吐司時有d乾果咬下香d同埋好味d,但两姊弟就唔中意有乾果ge吐司,提子乾和紅梅佢地平時都唔中意吃架!
食譜天日打出黎,因為依家好眼訓,我要去見周公 *^O^*


2014年8月21日星期四

冬菇粟米肉燥湯年糕,芝士白汁蘑菇烏冬

上星期四(14號)的午餐和晚餐,盈盈同謙謙两姊弟唔多中意我整的湯年糕,佢地話我放得太多肉碎,唔系咁好味,仲叫我下次唔好再煮,真系俾佢两個激死!夜晚果餐得我同两個小朋友吃,所以唔想煮飯,簡單d煮個白汁撈烏冬,两姊弟好鐘意呢個芝士白汁!


2014年8月20日星期三

韓式洋蔥豬扒,煎釀三寶,蒜香豬柳炒青瓜

今晚繼續用韓醬整餸,今次系用韓醬醃豬扒再煎熟,之後再用洋蔥炒一炒,味道真系好好,我地一家都鐘呢種味道!行百佳見佢d釀冬菇,茄子,豆卜都幾靚,於是買佐一盒,但一盒唔够食,我記得屋企雪櫃仲有之前用剩佐一個青椒同幾條尖椒,所以買多一盒净魚肉返去自己釀埋佢就够晒食喇^^
驚尖椒d辣味搞到其他野都辣,两姊弟食唔到所以炒多一碟青瓜俾佢地食!

2014年8月19日星期二

牛油曲奇,熱香餅味杯仔蛋糕 <附食譜>

今日下午盈盈同謙謙两姊弟一齊合作整ge曲奇,我負責整麵團同埋焗曲奇俾,佢地两個負責拎d印模來吸印,整曲奇本來用低粉整的,但系我整完杯仔蛋糕就唔够低粉,之後就用高粉代替,出黎效果一樣鬆脆,好掂!

下午無野做,我就整杯仔蛋糕,杯仔蛋糕我用麥記食熱香餅早餐的糖漿加牛油黎整的,食落味道就系已經搽佐牛油+糖漿的熱香餅味蛋糕仔,味道唔錯,真系幾得意!


2014年8月18日星期一

黑椒洋蔥牛扒 , 豬柳魚旦炒韭菜花

簡簡單單又一餐.........^_^ 我同老公,謙都鐘意食牛,盈盈則一般 (^_^;)  簡單用d生抽糖蠔油麻油黑椒醃下d牛扒,再將牛扒煎至7成熟加埋洋蔥炒幾下就食得,買佐韭菜花唔返到屋企求其系冰箱拎d野就咁炒埋一碟,用蠔油炒幾,簡單又好味……快靚正!
黑椒洋蔥牛扒

2014年8月17日星期日

韓醬焗雞脾,芝士白汁焗西蘭花,百花蛇舌草涼茶(附食譜),朗豪坊

今日呢两個餸都系以焗為主,雞脾用一支韓醬加一茶匙鹽醃一晚焗熟就食得,好好味!西蘭花我本來用蒜蓉清炒的,但老公無啦啦走入廚房問我有無芝士,我問佢要芝士黎做麥?佢話如果有芝士不如用芝士焗,見佢話要用芝士焗,我就諗起早两日有一碗白汁用剩留系雪櫃,所以拎佢出黎加再加芝士焗,老公話今日d餸好正喎!


2014年8月16日星期六

光波焗雙色蕃薯

今日同两個小朋友去婆婆屋企玩,搭車果時突然想食蕃薯,於是系西九落車行去街市買佐d蕃薯,呢度12條,黄肉紫肉各6條都系10蚊咋,我覺得抵喎!焗蕃薯毫無技巧,洗乾淨放落光波爐按制40分鐘就食得,我覺得焗ge蕃薯好味過蒸ge好多,最後我地個個都覺得紫色蕃薯好味d甜d,黄肉蕃薯唔甜(╯з╰)


2014年8月15日星期五

南北杏木瓜雪耳糖水(附食譜)

琴日買佐一份木瓜,原本當水果黎食的,無奈d木瓜唔系咁甜,唯有拎d木瓜黎煲糖水,當我整好晒所有材料放晒水入湯煲,開制煲的時候…果煲竟然唔著,唉~激死我!搞到我要用煤氣黎煲木瓜糖水,見個煲壞佐我今朝拿拿淋拎2張印花咭去萬寧换返個高速煲同吸塵機先,唉……最快都要8月26號先可以攞,仲要去到元朗拎添,煩! 去銀座拎就方便d,可惜要等到11月14號先有得拎,(¬_¬)要我等咁耐?我真系唔等得,唯有辛苦d去元朗拎算了(^ω^)


2014年8月13日星期三

椰汁班蘭蛋糕(附食譜)

今日系廚房执野执出一盒班蘭蛋糕粉出黎,打開原來得返1/4盒,費事再放咁耐於是整佐佢,呢個食譜系靠我以往整蛋糕的經驗自己亂咁整的,一路整一路記底d份量,如果成功就可以keep住個食譜,唔成功就無下次架喇~ 好彩最後都成功,哈哈……製成品樣子一般但味道唔錯,呢個蛋糕食落好似食緊日式輕芝士蛋糕,感覺濕潤軟熟,亂黎都做到咁ge效果真系唔錯!阿囡咬佐一啖就問我系咪芝士蛋糕,我話唔系,佢話食落真系好似芝士蛋糕,細佬都系話似芝士蛋糕,真系好奇怪我地3個人食完都話似芝士蛋糕,嘻嘻~


2014年8月12日星期二

土伏零粉葛豬骨湯,豬頸肉炒麵,XO醬獅子狗炒青瓜

夏天熱辣辣真系唔想食飯,飯可以唔食,但湯一定要煲多d黎飲,飲得多湯水身體都無咁易病,今日唔煮飯,整返個豬頸肉炒麵加多一碟XO醬獅子狗炒青瓜,再加埋個湯搞掂,簡簡單單就算喇……^^

土伏零粉葛豬骨湯

2014年8月11日星期一

芝士波波(附食譜)

終於都成功喇……頭两次都失敗佐,
今次系第三次整,呢次系跟高Ling食譜黎做,
我得芝士波波做得無高Lin咁靚,製成品系唔靚,
但都叫成功了......
咁樣我已經好開心了,下次再努力整靚d先得,
最後要多謝高Ling芝士波波食譜!


2014年8月10日星期日

炸菜豆卜蒸牛肉,蒸滑一滑水蛋

炸菜蒸牛肉好耐整黎食,昨日突然想食,所以今日就買d牛肉黎蒸,見雪櫃有幾粒豆卜用剩所以用佢鋪底吸汁簡直系一流…… 滑蛋系盈盈叫我整ge,她好中意食我蒸ge水蛋,她話好滑同好好食!


2014年8月9日星期六

勁薑蕃薯糖水 (附食譜)

琴日煲ge糖水,老公話我上次煲ge蕃薯糖水薑味同辣味都唔够,所以今次落勁多薑,今次佢話够晒薑够晒辣,好正喎! 拎呢個糖水俾老人家飲,用黎驅風一流,哈哈…


2014年8月8日星期五

夏枯草黄豆羅漢果菊花茶(附食譜)

我覺得耐唔耐煲d凉茶俾小朋友飲系好ge,可以幫助佢地清下熱氣,病痛都少d,其實咁樣可以幫我慳錢架,
講真小朋友同去睇一次醫生真系唔平,衰極都要150蚊,
好ge醫生更加唔止呢個數喇!
今次呢個涼茶唔會話好涼,主要系清熱解肝燥,則是話平時食得熱氣野多,飲呢個涼茶系幾好 ^^


2014年8月6日星期三

酥皮蛋撻

好耐之前我已經想整蛋撻,但系我對牛油皮蛋撻系一般,我自己好鐘意買酥皮蛋撻返屋企食,特別鐘意去KFC買葡撻食,哈哈…見冰箱仲有2塊酥皮,所以拎佐一塊黎試整酥皮蛋撻,結果整完出黎系嚇死我……失敗了……
味道系唔錯的,系個樣唔得囉,好核突,好樣衰……果底又唔脆……唉……(>﹏<)

2014年8月5日星期二

超級開心的 party

琴晚謙謙同成班同學仔一齊開party,個個小朋友都玩得好開心……盈盈同謙謙玩到唔舍得走……哈哈\(^o^)/嘩.....嘩..... 成枱都系食物呀,多到呢……再多10個人黎都够晒食,除佐paizza和飲品,其餘所有食物系我地咁多位媽咪親手整架………我地呢班媽咪好勁.......哈哈!


2014年8月3日星期日

桂花馬蹄糖水,鮮蝦雲吞水餃麵

淡淡桂花香再加爽脆馬蹄感覺好清爽,
再加d元肉落去一齊煲即刻覺得好滋潤,
呢個糖水雪凍黎食更加好味,更正架!

桂花馬蹄糖水

2014年8月2日星期六

吞拿魚包,迷你椰賓(附食譜)

琴日整ge包太好味,所以今日繼續整,其實整包系會整上隱架,哈哈…… 
今日唔整香蔥火腿轉整吞拿魚包,琴日整ge包唔够食,所以今次要整多d,整書入面的雙倍份量, 發酵完見舊麵團咁大,我一於cut小小出黎整我好鐘意食ge椰賓先,我自己好鐘意系街買椰賓黎食架,嘻嘻……… 嘩……
今次整咁多肯定够食,两姐弟話吞拿魚好好味!而我自己更系鐘意食椰賓喇,真系好正~

吞拿魚包  ,迷你椰賓

2014年8月1日星期五

香蔥火腿卷(附食譜)

吃過番尋味ge包包就系呢個香蔥火腿包,第二次整喇……真系好好味,今次其中四個加佐芝士,盈盈話加佐芝士更加好味喎,我地一家四口每人两個,但系我吃佐一個咋,我ge另一個俾盈盈吃佐(^_-) 佢話食2個唔够喎,所以我咪俾多一個佢食囉 ^^