今日系廚房执野执出一盒班蘭蛋糕粉出黎，打開原來得返1/4盒，費事再放咁耐於是整佐佢，呢個食譜系靠我以往整蛋糕的經驗自己亂咁整的，一路整一路記底d份量，如果成功就可以keep住個食譜，唔成功就無下次架喇～ 好彩最後都成功，哈哈……製成品樣子一般但味道唔錯，呢個蛋糕食落好似食緊日式輕芝士蛋糕，感覺濕潤軟熟，亂黎都做到咁ge效果真系唔錯！阿囡咬佐一啖就問我系咪芝士蛋糕，我話唔系，佢話食落真系好似芝士蛋糕，細佬都系話似芝士蛋糕，真系好奇怪我地3個人食完都話似芝士蛋糕，嘻嘻～
 |
| 所有材料+椰槳 |
 |
| 漏佐唔記得放埋一齊影 |
 |
| 琴日老公返夜班 呢件放雪櫃留俾老公夜晚返黎食的， 點知佢無食，今朝我系雪櫃拎出黎食， 原來凍食更加好味！ |
<8吋活動模>
材料A：班蘭預拌粉100g，椰子粉20g，糖粉20g，椰汁1盒200ml，粟米油10g，蛋黄5隻
材料B：蛋白5隻，砂糖10g，白醋小許
做法：將A材料全部放入大碗拌匀至没有粉粒
將B材料用打蛋器高速打到企身(返轉不會掉下果種狀態)，將1/3蛋白箱放進A拌匀，之後將其餘蛋白箱加入以切拌方法將两者拌匀即可，預熱焗爐200度，用180度焗30分鐘，焗完拎出黎倒扣，放涼即可食用
~嘩~好吸引呀 , 可以請我食嗎 ^^
回覆刪除難得袁太你咁欣賞我個蛋糕，當然可以請你食喇，送多件俾你拎俾袁生食都無問題～哈哈……(^_-)
刪除睇得出非常鬆軟!好都好想食呀!!!
回覆刪除想食就快d黎食喇，仲有一件系雪櫃冬眠，手快有手慢無～哈哈……(^o^)
刪除勁呀！睇落就覺好味^^ 哩排好多人整斑蘭味嘅嘢呢~~
回覆刪除鄭大小姐呢款蛋糕真系好好味，如果用埋新鮮班蘭葉汁黎整就更加香更加好味添呀！呢款蛋糕做法都超簡單！
刪除好鬼勁呀妳~
回覆刪除車媽媽我唔勁架……純粹貪玩架咋！
刪除你依家有焗爐有排玩，得閒去烘焙店入定d貨放系廚房，想玩隨時可以玩，哈哈……
係呀諗住揾日去烘焙店入定貨到時大玩特玩haha~
刪除元朗家政坊買整蛋糕麵包ge野都算平，如果你出開旺角，去旺角買仲平(^o^)
刪除雪芳蛋糕整到變咗芝士蛋糕, 真係好想試 :)
回覆刪除我都唔知點解會好似芝士蛋糕質地，唔知系咪果盒椰槳問題，果盒椰槳比較結身，好以軟雪糕狀態咁架，唔知關唔關事呢？
刪除整到似芝士蛋糕，一定好鬆軟
回覆刪除真系好鬆軟，好好味！
刪除