同一星期出現2個颱風🌀🌀⚡🌧🌩颱風【獅子山】完佐之後跟手又黎一個颱風【圓規】，勁呀～ 🤔幾時黎個榴槤颱風呢？ 哈哈……
打風唔好周圍去，最好留系屋企整吓野食睇下電視訓下覺，咁就最好喇，😁今次整鬆餅唔洗打蛋器好方便嘅，全部野撈匀就搞掟，就系咁簡單😆預熱焗爐先，再200度焗15~20分鐘(視乎焗爐溫度而定)💥撈粉時記得輕力撈到無乾粉即可以👩🍳過度用力撈d粉會起麵筋到時個鬆餅就唔鬆軟架👌，😅今次無特定份量，我憑感覺🤣 亂咁黎，我幾驚失敗…點知又成功佐😅😛份量一包熱香餅粉，2小匙羹泡打粉，2只蛋，小小粟米油，3條香蕉壓成蓉，3份1盒奶，小小黄糖，藍梅乾適量 (其實可以唔加黄糖都可以)
今日早餐，簡單豐富有營養之餘又美味，超正！竹炭黑芝麻法包我系尖沙咀Donki 買嘅 $15 一條 ，就咁食已經好好食，食落咸咸地之餘仲有陣芝麻香味，我建議買完返屋企200度烘佢3分鐘更加好食，烘完就會外脆肉軟，真系好好食😋
呢兩日真系忙到不得了，要执屋之餘又要買野又要整糕，真得好攰，忙到連我自己喜歡食嘅芋頭糕都未得閒整……今年同往年一樣都系自己整，今次系有史以黎整得最多嘅一次，買佐11斤蘿蔔，用佐1包半粘米粉整，製成品有10個，每個有1斤多d，我覺得始終自己整點都比街買的好，自製一定足料些，味道亦會好一點，所以老公每年都問我整唔整蘿蔔糕，我每次都回答佢，你想吃我肯定會去做，看到她們吃得很開心的樣子，就算幾辛苦都是值得的!
天氣一凍街頭一定會見到有炒栗子同鹽焗蛋賣，天凍食呢d熱辣辣嘅野真系特別正，突然間想食焗鵪鶉蛋，但又唔想出街買，哈哈…… 我從未試過自己整鹽焗蛋的，早幾日買餸時見到d鵪鶉蛋都抵，13蚊一盒，22蚊2盒，咁抵更系買2盒喇，買定放系屋企，等放假就自己試吓焗，上youtube打鹽焗鵪鶉蛋就有好多人分享影片出黎教人，最簡單就系純用鹽去焗，另外亦有些加佐香料落去的，我喜歡食濃味野當然加埋香料落去焗喇，因為花椒八角呢d野我屋企系長期有存貨的，做法亦超級簡單，就系用白鑊炒香d鹽同香料，炒到d食鹽變色就可以，煲底先加一層厚鹽放蛋之後又再放鹽盖住所有蛋加盖，用中火燒5~10分鐘，放涼就可以拎起d蛋黎食! 自己焗經濟又實惠又乾淨，真系正!
😋洋蔥木耳炒榨菜肉絲😍好香呀~ 🤤 前一日夜晚炒定第二日起身煮個麵就可以加d落去食😁 我自己鐘意一次過炒多d用玻璃盒裝住放雪櫃可以慢慢食 💯 朝早起身煮個米粉或者麵加小小落去好好味架，我兩個小朋友好喜歡，佢除佐配粉麵一齊食之外仲可以做餸，我間唔中都整嘅，但好似好小記錄低，呢個榨菜肉絲用黎送飯食超級正架，唔洗多小小就可以食到一大碗飯架!
🍂 秋冬系進補最好嘅季節~ 女人唔補好易老 ! 今日黎返煲【豬腳薑】🤩 滋補强身一吓先💪💪💪 🐷豬腳薑唔一定要生完坐月先食嘅😝 之前食豬腳薑全部都人地整俾我食嘅🤪我生完兩個小朋友坐月都系我奶奶整俾我食嘅😊上年我大嫂都有整，我都有份食，其實我系好鐘意食豬腳薑入面嘅豬腳同蛋，薑我一般架咋，好彩我老公同我唔一樣，佢好鐘意食薑同蛋，哈哈~ ~ 自己從未整過，今次自己試吓整先得，真系第一次咋😅對我黎講應該唔困難嘅……咁樣補一補，我今個秋冬唔知又要會重幾多磅，嘻嘻~ 為佐身體好唔理得咁多，一於補佐先算，我要儲定d能量過冬至得，因為我系一個好怕凍嘅人 (,,•́ . •̀,,)
🌞醒晨早餐🤪 🧂🧅🐟🥩🥚🌮 🌮黑椒洋蔥吞拿魚火腿蛋包🌮 👩🍳自己做簡單足料又好味，💯每一啖都系吞拿魚，可以一次過整多小小用玻璃盒裝好，放雪櫃，食一星期都無問題的😊 💟呢個吞拿魚醬可以整三文治 其實用途都廣泛 😋仲可以做自制麭包饀料，配多士食，配梳打餅食，或者做吞拿魚撻，酥皮吞拿魚卷等等…… 💥街買果d吞拿魚好小，醬就超多，唔好食🥴
