呢兩日真系忙到不得了，要执屋之餘又要買野又要整糕，真得好攰，忙到連我自己喜歡食嘅芋頭糕都未得閒整……今年同往年一樣都系自己整，今次系有史以黎整得最多嘅一次，買佐11斤蘿蔔，用佐1包半粘米粉整，製成品有10個，每個有1斤多d，我覺得始終自己整點都比街買的好，自製一定足料些，味道亦會好一點，所以老公每年都問我整唔整蘿蔔糕，我每次都回答佢，你想吃我肯定會去做，看到她們吃得很開心的樣子，就算幾辛苦都是值得的!
【鎐柱臘味蘿蔔糕】
👩🍳材料:
蘿蔔 (去皮刨絲)
鎐柱 (浸透搣絲)
臘腸 (蒸完切粒)
臘肉 (蒸完切粒)
冬菇 (浸軟切粒)
蝦米 (洗乾淨)
乾蔥 3粒切碎
薑 5片
片糖 小許
胡椒粉 適量
蠔油 適量
紹興酒 小許
‼️請注意👆👆👆以上所有材份量沒有特定的，請按自己個人喜好，加加減減，適量便可!
🤗我整蘿蔔糕份量每次都系⇒7斤去皮白蘿蔔配1斤粘米粉，加細半飯碗浸鎐柱嘅水!
💥蒸糕時間不一定1小時，要因應返自己底糕嘅大細和厚度而去預計返時間
👩🍳鎐柱臘味蘿蔔糕做法:
1，臘腸臘肉用白鑊炒到出小小油加乾蔥和薑片再炒香，讚小小紹興酒落去繼續炒，之後加埋蝦米，鎐柱絲，冬菇，再一齊炒到嗅到香味，即可剷起備用
2，拎所有蘿蔔絲放落去剛才炒臘腸嘅鑊入面，拎返起炒臘腸嘅薑片，加小小片糖放系蘿蔔上面，大火煮滾，加胡椒粉及蠔油調味，熄火!
3，留起小許已炒嘅臘味裝飾，將其餘臘味倒落去與已調味的蘿蔔絲拌勻，再續小續小篩入粘米粉，直至所有粘米粉與蘿蔔絲拌匀成粉漿即可!
4，將粉漿放落糕盤，中火隔水蒸1小時，用筷子插入已蒸好嘅糕中央，拎起筷子沒有粉漿黏住即代表完全熟透!
沒有留言 :
發佈留言