藍苺香蕉鬆餅，乳酪朱古力鬆餅

同一星期出現2個颱風🌀🌀⚡🌧🌩颱風【獅子山】完佐之後跟手又黎一個颱風【圓規】，勁呀～ 🤔幾時黎個榴槤颱風呢？ 哈哈……

打風唔好周圍去，最好留系屋企整吓野食睇下電視訓下覺，咁就最好喇，😁今次整鬆餅唔洗打蛋器好方便嘅，全部野撈匀就搞掟，就系咁簡單😆預熱焗爐先，再200度焗15~20分鐘(視乎焗爐溫度而定)💥撈粉時記得輕力撈到無乾粉即可以👩‍🍳過度用力撈d粉會起麵筋到時個鬆餅就唔鬆軟架👌，😅今次無特定份量，我憑感覺🤣 亂咁黎，我幾驚失敗…點知又成功佐😅😛份量一包熱香餅粉，2小匙羹泡打粉，2只蛋，小小粟米油，3條香蕉壓成蓉，3份1盒奶，小小黄糖，藍梅乾適量 (其實可以唔加黄糖都可以) 

2021鎐柱蛋黃咸肉粽

又到端午節了，大家食佐粽未呢？ 

今年包佐小小粽應吓節就算了~ 因為過往包得多就要食好耐好耐先至食完，小食多滋味，食得多就唔願食，哈哈~ 

糖不甩(附食譜)

 太耐無整糖不甩食，突然想食，加上屋企樣樣材料都有，一於動工，叫阿囡幫手搓湯圓仔，我就去炒花生煎蛋皮，2人合作半個鐘左右就食的了，糖不甩真系好好食 😋 甜甜地又煙煙韌韌，加埋蛋絲芝麻花生碎一齊食，特別香 👏👏👏 童年回憶返晒黎，因為我細細個果時阿媽好常整俾我哋食，哈哈~ 你睇細佬幾搞笑連個碟d糖都唔放過🤣見到佢食得咁樣我都好開心!

印尼斑蘭椰汁千層糕(附食譜)

上星期我系街見到有印尼斑蘭糕買，於是買佐一盒返屋企食，嘩，真系唔好食好粉質感好差，細細盒要10蚊一盒，早幾日系屯門新墟街市買佐d斑蘭葉，一大扎先7蚊咋，超抵!  趁今日得閒就拎d新鮮斑蘭葉打晒汁，整定晒d汁放雪櫃慢慢用，自家制就系零舍唔同，同街買果真系相差太遠，自已整真系超正♡又香♡又軟♡又滑♡又煙韌! 

鮮奶燉蛋白

呢個燉蛋白失敗得好緊要……唉……去轉廁所就出事，蒸過龍……老得制d蜂巢出晒黎，須則系咁，但味道還是很好！下次一定要set好時間制先去廁所……哈哈！

酥皮榴槤批

昨日下午整佐呢個甜品，超級好味！焗果時成屋榴槤味好鬼正，吃果時好脆好香真系好鬼死正……呢d榴槤茸系老公買返黎嘅，即系上次整糯米糍果用剩果d，呢塊酥皮就勁囉，系好耐好耐之前應該年半前又或者系2年前都唔奇，系我之前買黎整杏仁條果時用剩架，哈哈……用剩摆佐系冰箱度一直無用，早2日執冰箱先記得有佢嘅存在！

做法簡單到小朋友都識整，因為全部材料都系現成野，净系切開酥皮加上饀料，之後用鐵叉將四邊位置壓實，咁就可以拎去焗，焗20分鐘左右就食得！

西瓜煉奶涼粉

真系無諗過涼粉系可以自己做,涼粉草同梘水亦系第一次接觸咋，呢排d天氣真系熱到無朋友，就系因為熱老公成日叫我整滚湯同買西瓜俾佢吃，上星期系fb俾我見到有人自己系屋企制造涼粉，我覺得好得意，所以copy佐，眼見材料唔多，做法都算系簡單所以跟住人地食譜試下做，第一次整就成功佐，真系好開心！

鮮斑蘭葉椰汁千層糕

太耐無整呢款糕點，事情就是這樣的facebook顯示我2年前整過的野食post俾我回顧，所以我見到後又心思想食，本身昨日買好野整的，但我懶得整，拖到今日先整佐出黎……哈哈！每次整呢款千層糕我都堅持用新鮮班蘭葉黎整，整新鮮葉整陣味系好清香同埋好好味的，我個人覺得用班蘭精油整d色好唔自然同埋綠得好恐怖，味道都都較為差！整黎自己更系要用天然食材黎整喇，食落肚ge野健康d好……*^O^*

鮮奶椰皇燉蛋白

昨日下午同两姊弟去街市時見到有椰皇賣，又唔系話好貴20蚊4個，加上我地一家四口都鐘意飲，一於買返4個返屋企，老公同两姊弟一人飲佐一個，净返我個一個未飲，突然諗起上次同奶奶去飲茶時老公叫佐幾個椰皇燉蛋白俾我地食，仲要唔平喎(>_<)如果我無記錯應該系成30蚊一個，佢都幾大個，系好味…但系唔夠滑，佢可能蒸得耐，d蛋白有好多窿窿！咁我見佢地3個飲晒我就留返我果一果d椰皇水試下整，因為系第一次整，唔識……所以上youtube睇下人地點整，跟住我就試整，最後都好成功，出黎效果好靚，又白又滑又香，好掂，可惜唔够甜，淡佐小小……嘻嘻……(^o^)但系我都好滿意我自己ge作品，真系好滑好香！

椰汁粟米糕

前排好中意睇TVB肥媽節目【食平DD】我見呢個粟米糕做法簡單，一於跟肥媽的做法黎整～*^O^* 味道唔錯！

紅豆西米布甸，椰汁紫米露糖水

悠長復活節今日已經系最後一日了，
玩埋今日，天日又是回覆返正常生活了，無得夜一夜訓，晏一晏先起身……唉呀～ 惨惨……天日一定唔願起身^^……哈哈…… 
今日又去廚房搞搞搞……見有咩就整咩，結果揾到一袋西米同埋一小袋紫米，有紫米同西米一於煲返個紫米露糖水嘆下先…… 煲佐1碗西米，原來煲出黎系咁多，煲糖水唔需要咁多西米，有剩好多西米又唔知整咩好，於是上網揾西米食譜俾我見到西米布甸，布甸幾好唔錯……一於試下整先得，咁岩冰箱有2個吃剩中式豆蓉包，於是乎我拎佐包入面的紅豆蓉饀出黎……哈哈～其餘d包就要我自己食返，齊食無饀包唔好味，好似食饅頭咁(>﹏<)唔好食……

焗紅豆西米布甸

椰汁芝麻千層糕，日式芝士蛋糕

呢两樣甜品系我做黎俾爸爸媽媽大佬一家人吃的，因為上次整佐一個細細個日式芝士蛋糕俾表姐吃，佢話好食，差不多一個人食晒咁制，變佐其他人想試食都無，所以今次整一個8吋日式芝士，個個人都有得食，個個人都話今次d甜品好好食，好正！

椰汁芝麻千層糕

麵包機煮.....洛神花果醬

早排見高Ling 整佐洛神花果醬  , 我又心思思想整 , 
咁岩同學仔媽咪話想買洛神花煲水 , 
於是我地一齊出佐去元朗吃早餐&買餸 , 

今年d洛神花貴佐好多 ,  上一兩年好便 , 
我地係元朗千色附近d婆仔檔果度買的 , 
我地一人買佐一袋 , 20蚊袋 , 有一磅幾重 , 
阿婆話係佢地自己種的 . 真係好新鮮 , 好靚 !

我首次用麵包機煮果醬 , 效果幾好 ,  真係唔錯 , 
可惜時間太長 , 要1小時20分鐘先煮好 , 我就唔中意喇~ 
20蚊的洛神花就可以整到一大樽果醬 , 放雪櫃可以有排食 , 

洛神花果醬用黎沖水飲 , 搽麵包 , 當小食就甘食都好好食 , 
味道係酸酸甜甜的 , 我都幾中意就咁拎黎食 , 哈哈.........