蝦醬豆卜煎腩肉，咖哩薯仔炆雞翼

一排無買腩肉食，呢幾日突然想食又買黎吃，嘻嘻……我平時多數用南乳煎腩肉，但食得多都悶，今次轉用蝦醬黎煎，見冰箱吃剩小小豆卜我又掉埋落去，嘩……正到無朋友，d腩肉超惹味，d豆卜吸佐蝦醬已經好正，再俾我煎到脆卜卜，真系超正！我煎好碟腩肉再煮咖哩，系未開飯時老公已經入佐幾次廚房拎d腩肉食，我真系頂佢唔順，成個小朋友咁不停走去廚房拎腩肉食，佢話真系好正，忍唔到口喎，今次煮嘅咖哩好香，因為我加佐小小淡忌廉落去煮，阿囡話好似系街食果d咖哩……d汁用黎撈飯真系好好味！

涼拌豆乾木耳青瓜，豉汁蒸䱽魚，黑美人西瓜

真系熱到暈……原本想同2個小朋友去行吓街嘅，但系屋企窗邊望到d太陽已經無興趣去行了，又繼續留系屋企玩下電話玩下電視遊戲，睇下電視咁就算，哈哈……天氣熱整涼拌菜吃真系超級正……咁熱嘅天氣我最鐘意買西瓜吃，夜晚一路吃西瓜一路睇電視真系好爽~

鎮江骨，蕃茄鮮牛肉炒蛋，台灣手信

天熱有時真系無麥胃口吃野，現時呢d天氣日日都30幾度熱到人死死吓……煮餐飯真系好辛苦，但煮完出黎無人吃嘅話仲惨，所以我近排都喜歡煮d開胃餸黎食，鎮江骨酸酸甜甜好正，送飯一流……做法亦超簡單，將急凍金沙骨出水，(半碗鎮江醋+片糖適量+幾片薑)煮滾d醋放入已出水嘅金沙骨落去慢火煮1個鐘左右之後再焗30分鐘直至腍，即可以食，隔日食更加好味同入味！

蓮子百合紅豆沙

天熱我好喜歡煲d糖水放雪櫃雪凍黎食，我早幾日同老公講我想煲綠豆沙糖水，佢話唔好，佢想我煲紅豆……嗯……都無所謂，反正我紅豆綠豆糖水都喜歡的，所以最後就煲佐呢款紅豆沙糖水！

烏雞响片印度椰子豬骨湯，黑椒牛扒，麻辣皮蛋豆腐，菜蕊

我好似好耐無煲湯，呢款湯系老公指定叫我煲嘅……原因系上兩個月老爺身體不適(有尿石)，要留系醫住做小手術住2晚，老公就叫我幫手煲d湯俾佢拎去俾老豆飲，叫我做d我識做嘅野當然無問題喇，仲好樂意去做添，老爺做完手術休息佐一輪之後依家無晒事了……依家繼續返工，一切正常！

＃兩姐弟今日派成績表，整體來說2個都有進步，家姐進步得多d，仲拎埋進步獎和品行獎及獎學添，真系唔錯……放完暑假細佬升2年班而家姐則升4年班了，時間過得真系快……你地要繼續努力讀書呀！

中華冷麵

呢排天氣又熱又焗，前日午餐煮佐一包冷麵食同兩姐弟一齊食，天熱吃冷麵真系好正，包冷麵系759買嘅，麵嘅質地一般，但醬汁就唔錯嘅……

榴槤糯米糍，花生糯米糍，甜酸青瓜

自從6月中我兩個小朋友考完試，又唔洗我送飯，仲成日都系返半日學，返埋下星期五咁就正式放暑假了，又可以有多d時間訓下覺，整吓野食，出去玩下咁样，有時間真系要好好享受，否則9月份一開學又忙到自己姓咩都唔記得，哈哈……

千島海鮮pizza，雜菜沙律

潛佐水一排無上黎寫野，今日終於現身了……太耐無整pizza食，昨日突然想食所以買齊d材料琴晚整，一系唔整一整就整佐2個大大個嘅，一個10吋一個12吋，哈哈……2個咁大當然吃唔晒喇，有剩果幾塊就系我地今日嘅早餐喇，阿囡話媽咪你整嘅pizza好好食，好過系出面pizzahut買果d，我話我有無咁勁呀！阿囡佢話：有呀，因為出去吃果d有些材料我唔鐘食(特別系洋蔥)，但你整嘅pizza材料我全部都鐘意食，所以我覺得你好勁，仲整得越黎越靚添呀！而老公就話好正，仲話我整得越黎好，好有水準喎…

#上星期系陳枝記果度買佐一塊我好想買嘅搓麵粉墊，真系好好用，系墊上面搓粉系完全唔痴的，用完冲吓水就得……我系元朗天水圍見到呢d墊好貴，所以一直無買，上星期同大嫂去陳果度買野見到都咁大張都系60蚊，我覺得好抵，所以同大嫂一人買佐一張(^_-)