2016年1月13日星期三

口水雞/沙薑雞(一雞兩味),臘肉炒芥蘭

呢隻雞好好食,但唔系成日有得食,因為呢隻雞系我姐姐系大陸買出黎俾阿媽的,阿媽見我鐘意食俾佐一隻我拎返屋企吃,呢款雞本身系跟一支沙薑汁的,其實我自己好鐘意食辣,系譚仔買佐酸辣米線,同尖椒皮蛋返屋企吃,買外賣皮蛋果時仲要同人講皮蛋要多辣汁,返到屋企吃完皮蛋之後留返d汁用黎淋落d雞果度,超好味……我同老公就食辣辣口水雞,而我兩個小朋友就食沙薑雞,再簡單d用臘肉炒碟芥蘭,咁又一餐喇(^_-)

2016年1月11日星期一

椰汁班蘭瑞士卷

真系唔明點解我整親瑞士卷總是整得唔靚,其實好多朋友都話我整得好靚,但系我自己心目中真系一般般,唔系咁靚,硬系争小小争小小,卷親多數都系某些位置爛小小又或者有小小小爆裂,唉……真系好難控制!今次呢條瑞士卷個底部明顯系爛佐小小,岩岩焗完出黎果下好鬼靚仔㗎,俾我反轉蛋糕時唔小心整到表面爛佐小小,唯有反轉黎卷,點知卷嘅時候又爛佐小小,真系美中不足,激死……(>_<)

2016年1月3日星期日

鮮蝦豆苗餃,鮮蝦豆苗雲吞麵

餃子雲吞我間唔中都會包,但用豆苗黎包就系第一次,原來用豆苗同蝦黎做饀系咁好味的,用同一款饀料去包餃子同雲吞,食法好唔同,但兩者比較起上黎煎餃子系好食d香口d咁囉,老公同阿仔不停話好食好食,連唔鐘意食菜嘅阿女都話煎餃子好好食,但雲吞阿女就唔多鐘意,今次我仲首次試下煎雲吞,哈哈…… 效果一般,雲吞都系放湯好食d,試下無防,今次試佐唔好唯有下次唔用呢種方法,嘻嘻……每次見佢地食得咁開心,我就越有動力去嘗試整更多好野吃俾佢地食,當我見到家人同朋友都喜歡食我整嘅食物時,我就系最開心架喇……(^o^)只要家人喜歡食,我都好樂意去整,就算幾咁辛苦都好,我都覺得系值得嘅!

2016年1月2日星期六

芋丸香芋西米露,班蘭天使蛋糕配香脆杏仁碎糖

2016~新年快樂,我系呢度祝大家系新嘅一年裏面身體健康,開心快樂過每一天!

新一年嘅第一日我就嘗試整一樣我之前一直想整但無心機去整嘅野,佢就系芋丸喇,整落又唔覺得難整,但系要花好多時間去整,呢個芋丸我系跟高Ling食譜去的,個人認為呢款芋丸配香芋西米糖水系好匹配,味道好正,但系凍食無咁好食(^_-)