沙丁魚蛋沙律配竹炭黑芝麻法包👍

今日早餐，簡單豐富有營養之餘又美味，超正！竹炭黑芝麻法包我系尖沙咀Donki 買嘅 $15 一條 ，就咁食已經好好食，食落咸咸地之餘仲有陣芝麻香味，我建議買完返屋企200度烘佢3分鐘更加好食，烘完就會外脆肉軟，真系好好食😋

吞拿魚粟米碎蛋三文治，我嘅新玩具

呢個星期我好喜歡用我系淘寶買返黎嘅新玩具黎整早餐，呢排食多佐三文治，哈哈……呢部機細細部又唔阻地方，我好喜歡佢，佢烘包好快，好有效率，第日得閒再玩埋個格仔餅模同冬甩模，嘻嘻~ 

自家製韓國泡菜(附做法)

 早兩日放孖day，出佐元朗買餸，俾我見到d大白菜好大棵好靚，二不說買佐一棵，其實無諗住整泡菜的，突然醒起我之前整過泡白蘿蔔，酸辣的黎好爽脆我自己就鐘意食，但阿囡同阿仔就話泡白蘿蔔佢哋唔系咁鐘意，唔岩佢胃口，佢話無咁好食，不如你下次試整韓國泡菜，好喇反正我之前買佐d辣椒粉同魚露都仲有，雪櫃又有蘋果同南水梨，一於整個泡菜俾你倆姐弟食喇~ 我老公唔多好食泡菜的，哈哈，但我同對仔囡就好喜歡，我間唔中都有買「宗家府」泡莱返屋企食的，宗家府呢個牌子泡菜好味d，但佢買返屋企第一時間食系得個辣同咸味的，因為佢地包裝入面有脱氧劑阻止佢發酵，我地通常買返去開佐袋食小小先，之後放雪櫃等多2日再食會更好味，俾佢發酵多2日再食多佐陣酸味更加好食!

蔥油拌麵(刀削麵)，自制蔥油

💃 自家製作蔥油，用黎撈麵吃，做法超級簡單，但好好味，蔥油實在太香了 ! 除了撈麵或烏冬之外，亦可以淋上已蒸熟的海鮮，魚肉 ，雞肉上面伴食用 ! 真系超級香 ! 😋

新會特產~ 陳皮

陳皮大家應該唔會陌生，我煲親湯多數會放一塊陳皮落去嘅，系我阿媽教的，佢話煲老火湯最好放塊陳皮落去，佢教我話陳皮會中和吓d湯嘅涼性同對身體好，有止咳化炎功效的，其實陳皮仲有好多功效嘅~   我之前買親陳皮大多數去藥材鋪買的，買d靚d嘅陳皮都幾貴吓架，前年我行街見到好多人買呢d陳皮，賣嘅人話年份不足一年嘅皮佢地唔會叫做陳皮叫做桔皮，叫得陳皮一定要3年以上，叫我買返去放陰涼同乾燥地方摆，耐唔耐就拎出黎晒下太陽就可以，我見好多人買應該唔差，我又貪得意買佐2斤返屋企摆，摆佐系雪櫃頂，一摆就系2年了，顏色都變深色了，開始有陳皮嘅香味，時間過得真系好快，上個月尾行街又見到佢地摆，今次我又買佐小小，净系買佐一斤3年嘅皮，賣嘅人話一般家庭用3年嘅陳皮已經可以了，3年陳皮已經好香，可以用黎煲湯焗水飲蒸魚等等~ 10年以上嘅陳皮味道更加香，10幾年嘅佢地都有賣，不過有d貴，哈哈~ 我呢d小家庭用d粗粗地嘅3年皮已足夠了，一斤有排用了! 

自家制XO醬

我對上一次整X0醬已經系2年前嘅事，之前整果d一早已經食晒，我一路都話整一直都話整返d放系度煮麵食時加d落去特別香特別好食，之但系我講就講佐成半年，但無實際行動去整，呵呵～ 真系講就天下無敵做就有心無力，上星期我終於的起心肝整佐喇……嘻嘻，今次我額外買佐d金華火腿切粒加埋落去整，更香更惹味，仲用佐奶奶自家種嘅指天椒去整，正……我放佐咁多指天椒出黎效果都唔系太過辣，連阿仔阿囡都食到！今次呢兩樽大大樽有排食……想知點整按一按這裏＝＝＞ XO食譜  按完便可以參考我之的做法！份量是可加可减的隨意就可以，不一定要跟足，我自己都系隨意架咋！

香辣惹味菜脯(附食譜)，豬頸肉蒸粉絲

自從上次整過呢個辣菜脯食之後我就愛上佢，上次整得唔夠多，好快就俾我吃晒了，趁放暑假咁得閒我又再整……今次我要整多d整多d，放雪櫃慢慢食，用佢黎撈飯，撈麵食真系超正架！我同老公最喜歡用辣菜脯黎撈麵食，煮好個净麵加2匙羹辣菜脯再加小小甜豉油撈一撈即可以食得，咩餸都唔洗加已經好好味，簡單得黎好味又方便！阿囡見我話好正，佢自己都間唔中去雪櫃拎辣菜脯黎撈飯食……阿囡跟得我多越食越辣，今次呢個辣菜脯比上次嘅仲要辣，佢都食到，佢食完系不停飲水解辣架，哈哈……細佬對唔個辣菜脯喜歡程度則一般，因為佢唔系咁食得辣，小小辣佢就接受到，但我今次真系整得辣佐d嘅，我個人認為越辣越正！

黑椒洋蔥吞拿魚醬(附食譜)

呢個吞拿魚醬用黎夾麵包或者夾餅乾或者就咁食都系好好味！鐘意食可以一次整多d放雪櫃隨時食得，呢款醬整好佐之後放系雪櫃大約可放1星期左右，當然唔好放太耐喇！做法好簡單，喜歡就跟我方法去試下做喇 ! 

自家製辣椒油

辣椒油都可以自己整？我真系無諗過，前排謙謙同學仔媽咪整佐好多佢自家製的辣椒油，她俾佐一樽我試，試完真系好正，又香又唔太辣，好岩我，因為我食麵或餃子都喜歡加辣椒油，所以我叫謙謙同學仔媽咪教我，佢教完我之後我就試整，製成品好正！原來整辣椒油一d都唔簡單，要將所有材料攪碎同埋隔走d水份，炒辣椒油果時足足要炒一粒鐘，真系炒到手軟企都腳攰，少d體力都死，哈哈……

自家制XO醬，元貝小蝦米蒸滑蛋，XO醬松子肠仔小蝦米炒飯，XO醬冬菇肉碎小蝦米炒粉絲，XO醬煎腸粉，XO醬撈麵

呢两個星期整ge餸菜，

有關xo的餸我放晒系呢度！

首次自製XO醬，味道好香好香，可惜黑佐d同埋咸佐小小，重手得制放多佐鼓油同食鹽，哈哈……  開頭念住放辣椒的，但系老公話放佐两個小朋友就唔食的，所以最後無放辣椒，

用佢黎煮餸真系好香好香，大人細佬都鐘意！

自家製超足料XO醬