早兩日放孖day，出佐元朗買餸，俾我見到d大白菜好大棵好靚，二不說買佐一棵，其實無諗住整泡菜的，突然醒起我之前整過泡白蘿蔔，酸辣的黎好爽脆我自己就鐘意食，但阿囡同阿仔就話泡白蘿蔔佢哋唔系咁鐘意，唔岩佢胃口，佢話無咁好食，不如你下次試整韓國泡菜，好喇反正我之前買佐d辣椒粉同魚露都仲有，雪櫃又有蘋果同南水梨，一於整個泡菜俾你倆姐弟食喇~ 我老公唔多好食泡菜的，哈哈，但我同對仔囡就好喜歡，我間唔中都有買「宗家府」泡莱返屋企食的，宗家府呢個牌子泡菜好味d，但佢買返屋企第一時間食系得個辣同咸味的，因為佢地包裝入面有脱氧劑阻止佢發酵，我地通常買返去開佐袋食小小先，之後放雪櫃等多2日再食會更好味，俾佢發酵多2日再食多佐陣酸味更加好食!
🌶🥬今次我整呢個泡菜味道同佢極似，食落口好爽脆辣辣地酸酸地，好開胃，味道真系唔錯，好正，食完又可以再整，食泡菜好有益架，佢發酵過程中自己製造佐好多活性乳酸菌和益生菌，而呢d菌又系對身體系好好的，你睇韓國人日日都食就知喇，泡菜系佢哋嘅國寶黎架，韓國家家户户都識整同埋會整好多放系雪櫃架 ! 💥泡菜始終系醃菜，我唔系韓國人，我又唔會日日食，最多系隔日食咁囉，哈哈~
 |
| 新增說明文字 |
🎎 韓國泡菜🌶🥬材料 :
大白菜1棵，粗食鹽適量，蘋果半個切粒，韓國梨半個切粒，洋蔥半個切件，指天椒3條，蒜頭2粒，薑1粒，韭菜小許，蔥段小許，紅蘿蔔絲，白蘿蔔絲，辣椒粉適量，魚露5茶匙 ，(糯米粉，水 ⇒ 煮成漿狀)
👩🍳韓國泡菜做法 :
1: 大白菜切件，清洗完續塊葉撒上粗食鹽醃1小時 (半小時後佢自己會有好多水份走出來的) 將已醃好的大白菜拎乾及倒掉水份，用飲用水清洗2次，冲走d鹽分，拎乾乾水份備用。
2:將蘋果粒，梨粒，洋蔥，蒜頭，薑，指天椒用攪拌機打成爛直至成茸就可以
3:將辣椒粉魚露與果茸和糯米粉漿伴匀，加入紅蘿蔔絲，白蘿蔔絲，韭菜，蔥段拌勻
4:將拎乾水份的大白菜每1塊葉都擦上已拌勻的醬汁，放入玻璃盒壓實之後加盖，室溫放1日，俾佢自己發酵，發酵完放入雪櫃存放
⚠️ 室溫放至少12小時等佢自己發酵，發酵完即可以食用，發酵的越長時間泡菜越酸 🤗想味道更加好，我建議發酵完放雪櫃醃過夜或者醃多1~2天才食，會更加入味和爽口，更加好食，💥醃完會出好多水的，這是正常的 !
😁我仔囡好喜歡吃的😁
😊朋友們如果你地都喜歡食就快d動動手做喇😊
沒有留言 :
發佈留言