蠔油雙菇栗子炆清遠雞

現時栗子當造，街市好多菜檔都有賣栗子，價格亦很便宜，已去一半硬壳的栗子2磅只是20蚊，我喜歡買已去一半壳仲有衣包住嘅栗子返屋企自己去皮，我個人認為咁樣嘅栗子味道香d，已去全去壳的栗子我亦有買過，感覺無咁好食，唔知人地去壳時會唔會加佐化學野落去，買有半壳栗子返屋企自己去衣其實好簡單的，就系煲好一煲滾水熄火將d半壳栗子倒落去，等d水無咁熱時就拎起栗子，細細力一啐就可以去佐d栗子衣同去埋另外d硬壳，真系好簡單!

👩‍🍳栗子雞做法都好簡單， 雞剁件之後用2湯匙豉油蠔油醃一醃d雞，白鑊炒香薑片乾蔥頭，之後炒香雞脾菇同冬菇，放雞件同栗子一齊炒香，加一碗水大火煮滾之後轉細火炆20分鐘，煮到剩返小小汁就可以，熄火焗佢10分鐘，開盖加入蔥段炒匀即可以上碟 !  (我全程只是用蠔油同豉油調味，我沒有打欠汁， 如果大家想要欠汁的話，可以用生粉+水+小小豉油撈勻，倒落鑊再炒匀就可以了 )