今日呢两個餸都系以焗為主，雞脾用一支韓醬加一茶匙鹽醃一晚焗熟就食得，好好味！西蘭花我本來用蒜蓉清炒的，但老公無啦啦走入廚房問我有無芝士，我問佢要芝士黎做麥？佢話如果有芝士不如用芝士焗，見佢話要用芝士焗，我就諗起早两日有一碗白汁用剩留系雪櫃，所以拎佢出黎加再加芝士焗，老公話今日d餸好正喎！
我早两日咪話個湯煲壞佐ge，由於我今日要煲涼茶但又唔想用煤氣爐黎煲，所以好唔心熄咁走去搞搞個湯煲，不停拔電制再扠返電制，扠佐幾次終於著佐，哈哈……開心到暈………對住呢個煲真系唔知好嬲都好笑，唉～呢個煲真系另我又愛又恨！
涼茶食譜
材料:
白花蛇舌草 , 田灌草 , 狗肝菜 (各1扎)
材料:
白花蛇舌草 , 田灌草 , 狗肝菜 (各1扎)
蜜棗 5粒
片糖 2片
製法:
片糖 2片
製法:
1.把3扎草以清水浸一浸先 , 再洗3遍 , 去除泥土及其他雜質
2.草及蜜棗放入煲內 , 然後注滿清水
3.自設時間煲40分鐘
4.開蓋之後加2片片糖調味 , 即可 !
2.草及蜜棗放入煲內 , 然後注滿清水
3.自設時間煲40分鐘
4.開蓋之後加2片片糖調味 , 即可 !
上個星期日8月10號我同两姊弟去朗豪坊同d靚靚公仔影相，同埋行街吃野，行完街吃完野就搭車去婆婆屋企吃晚飯！嘻嘻……
個韓醬係咩味？
回覆刪除用明火煲有咩問題！？
呢隻韓醬系甜甜地有小小似BBQ味！
刪除用明火煲野要睇火之餘仲會搞到個廚房好熱，同埋煤氣費貴，所以我唔鐘意用煤氣爐黎煲野 ^^
哦，明白妳意思喇！我都係用真空煲煲湯，慳好多燃料費！
刪除用真空煲煲野又快又唔洗睇火，好好，年中慳埋慳埋真系唔少架……^_^
刪除雞肶好正呀！
回覆刪除電器如果時好時壞，安全計，要小心檢查清楚才好用呀！
小月我知道啦～
刪除兩位小朋友放暑假係咪好開心呢？但就快要返學啦...要收捨心情了！
回覆刪除雞脾燒得好靚，好吸引！呢支韓醬我家有兩支，要快d用至得，唔係便浪費。
小高佢地放假我真系好開心呀！
刪除諗起就快要返學我就……惨……(╯з╰)
一人一隻雞脾, 真開心 :)
回覆刪除系哦……見佢两個大大啖咁咬落去，我見到都好開心，哈哈…
刪除哈…我今日都煲左涼茶，係夏枯草，屋企有人唔like羅漢果既味，所以就甘煲黃豆。我都有半支韓式烤肉醬，都唔知要黎整乜好，你有無咩好介紹？
回覆刪除簡單d你可以用韓醬黎醃雞翼，排骨，雞之類ge野，之後用煎或焗都得，方便又好味，又或者用佢黎醃豬/牛肉拎黎炒瓜菜都可以架！
刪除焗嘢好方便,醃咗嘢放入焗爐就得!
回覆刪除個白汁芝士西蘭花好正呀！
系呀，我都好仲意焗野 ^^
刪除白汁芝士西蘭花我第一次整咋，真系唔錯，如果再多d白汁可能更加正！哈哈…