琴日買佐一份木瓜，原本當水果黎食的，無奈d木瓜唔系咁甜，唯有拎d木瓜黎煲糖水，當我整好晒所有材料放晒水入湯煲，開制煲的時候…果煲竟然唔著，唉～激死我！搞到我要用煤氣黎煲木瓜糖水，見個煲壞佐我今朝拿拿淋拎2張印花咭去萬寧换返個高速煲同吸塵機先，唉……最快都要8月26號先可以攞，仲要去到元朗拎添，煩！ 去銀座拎就方便d，可惜要等到11月14號先有得拎，(¬_¬)要我等咁耐？我真系唔等得，唯有辛苦d去元朗拎算了(^ω^)
南北杏木瓜雪耳糖水食譜：
材料：木瓜仔3個，南北杏小量，雪耳小量，冰糖適量
做法：木瓜去皮切成細細塊，南北杏雪耳浸水，除冰糖外，其餘凍水落明火煲30分意！
木瓜雪耳糖水係我至愛，見到都想食呢 ^^
回覆刪除我岩岩先食佐一碗雪凍佐ge木瓜雪耳糖水^^ 凍食特别……正！
刪除我都要整番碗吖，唔該，我以前唔鐘意食木瓜架，但試過之後就愛上左，依家超鐘意用木瓜煲湯或者糖水
回覆刪除隨便～唔洗客氣……木瓜糖水雪凍飲特別正！
刪除整定妳要換呀haha~
回覆刪除系呀………破產喇，一次過唔見佐一千蚊，攞命！(>_<)
刪除幾個木瓜望落都已經好熟喇喎，咁都唔甜！？
回覆刪除乜妳咁犀利，喺「萬寧」都可以買到咁多嘢！
d木瓜真系唔甜，純粹得個样(¬_¬)
刪除我好少去萬寧買野架，放暑假前同幾個同學仔媽咪一齊食早餐，我話想换個煲，但無印花，阿仔同學媽咪聽到之後就幫我叫佢朋友幫手儲俾我架咋，哈哈！
嘩，咁好彩妳開聲講咋！
刪除