香草海帶綠豆沙糖水

昨晚見到小千媽媽post的 芸香綠豆海帶糖水 我睇到芸香呢個

名覺得好好奇, 於是去佢個blog度睇清楚d先的 , 原來芸香即係

臭草, 咁我就明白喇 , 臭草我係街市見過 , 不過我無買過 , 昨晚

係櫥房搵材料 , 就係無海帶 , 於是今朝送完謙謙返學,我就去街

市買海帶同埋臭草 , 咁岩今日無臭草賣 , 咁我又同盈盈去另一

個街市買 , 點知又係無的賣 , 得個吉 , 唉.....激死 , 打電話問謙

謙同學媽咪佢話另一個街市可能有 , 我又打電話俾另一個同學

仔媽咪 , 問佢可唔可以幫我睇睇有無 , 最後同學仔媽咪話有 , 

我就叫佢幫我買佐 , 太好了......真係好多謝謙謙同學仔晴晴媽

咪 , 細細扎5蚊一扎 ,  我覺得臭草一d都唔臭 , 仲好香!!!! 點解

個名會叫做臭草呢 ??? 真係唔明白 , 今日d糖水煲到起晒沙,超

級正 , 老公今晚返黎就有愛心綠豆沙糖水吃 , 仲唔愛死我 , 哈

哈!!!!!! 如果我老公睇到呢篇野,肯定話我痴佐線 , 嘻嘻 ~~~

呢d就係臭草喇

香草海帶綠豆沙糖水

材料 : 

A 綠豆--- 200g    花生 --- 適量     陳皮 --- 一塊

B 臭草 --- 半扎   海帶 --- 一塊切條    冰糖 --- 適量


做法 :

1 : 材料A洗淨一齊浸水3小時 , 自設時間煲45分鐘(鵝姐煲)

2 : 等佢可以開蓋之後就放埋B材料再自設時間2分鐘 ,

3 : 煲完就搞掂晒 , 可以食得 . 



# 用鵝姐煲黎煲湯 , 煲糖水 , 煲粥 , 炆野真係好正 , 

唔洗睇火 , 又唔會煲小水份 , 真係好好用 ! 

盈盈話呢個鵝姐煲,煲出黎ge飯特別好食 , 我都認同!


盈盈今日唔洗返學 , 謙謙就要返學 , 
今朝盈盈跟我送謙謙返學之後去買餸 , 

盈盈返到屋企話 : 同媽咪去買真係好攰 , 
之後都唔跟我去接放謙謙放學 , 
自己同爸爸係屋企 , 哈哈........

昨日收到謙謙同學媽咪話我聽 , 萬寧積分今日到期 , 

咁我今日就用萬寧900分換佐d零食 ,唔洗加錢 , 

但係洗面果支野就要用100分+$38換的 , 岩岩好清晒d分.