豉油鵝，豬潤瘦肉枸杞湯，香煎牛扒

咁耐以黎第一次買冰鮮鵝黎煮，呢售鵝唔算大隻，但系好肥，肥得好緊要，驚唔系咁好食，所以先煮半隻試下先，煮完出黎味道好好，我覺得隻鵝系老佐d，因為我已特登煮耐一D架喇，但d肉都系好韌唔諗，枸杞亦系我第一次買黎滖湯，幾好飲，唔錯！

老豆生日

上年疫情嚴重無同老豆同媽媽慶祝生日，今年疫情好返d我地就約埋一齊去同老豆食飯慶祝，一家人坐埋一齊食飯有講有笑好開心好幸福！祝老豆生日快樂，身體健康，日日都開開心心，希望疫情快d結束!

老公生日

🥰老公生日~ 🎂祝老公生日快樂，身體健康！！！ 老公生日簡簡單單一家四口系屋企吃餐飯已經很開心很滿足了，因老公生日前一晚佢嘅老友已請佐老公同我一齊出街食放題慶祝生日了!

 

豉椒牛柳粒配煎米餅

 登登登登……老公嘅傑作，味道真係唔錯! 前晚我未收工時老公打電話問我肚唔肚餓，我話今日好晏先食飯唔肚餓，唔洗整野俾我，跟進我收工搭車時佢問我屋企有無豆鼓，我話有系廚櫃，我心諗佢唔知搞麥，我一收工返到屋企老公就話我整左野比你食，我第一次整呢個餸系上網學嘅，我話唔錯，整得好靚，至於味道都好好，系唔够汁，配煎米餅食真系要多汁先正，第一次跟網上學煮煮到咁已經好好 ! 我有時放工話肚餓，我老公佢都系煮個麵俾我食或者拎現成買返黎嘅餃子氣炸俾我食，簡單野，(佢肯整已經好好了，哈哈~ ) 

一家大細打邊爐

限聚令依然生效，上星期凍凍地我哋選擇系屋企打邊爐，冬天屋企打邊爐最舒同最正，一路烚一路食d食物熱辣辣真系好正，老公話我整得太多，哈哈~ 佢話再多2個人黎都食唔晒，我話確實系嘅，唔經唔覺我確系整佐好多野，我地好盡力食都食剩佐一D，我地一家四口食到好飽，已經食唔到了，最後我哋食剩佐小小牛肉，硯，鮑魚，菜，留返起第2日做餸，嘻嘻……

田園燒烤樂 , 親親大自然 !

原本上個月頭計劃好5~6號拎孖day同小朋友去長洲或者大澳玩吓嘅，點知個疫情又突然間勁佐好多，唯有取消，改同朋友去流孚山食海鮮，點知過佐幾日又突然個疫情又黎大爆發，佐政府又黎個2人限聚令，咁……即系叫我地唔好去酒樓食喇，咁朋友建議話不如去菜田果度燒烤，果度系自己地方又够大又空曠，燒完又可以去摘下菜，去菜田度輕鬆吓都唔錯架，咁唔洗諗，一於去菜田燒烤呼吸吓新鮮空氣人都精神d~ 我叫兩姐弟一齊去，佢哋竟然話無興趣，唔去，叫我哋自己同朋去，佢哋唔去，咁我地就幾個人去燒吓野食傾吓計，d時間過得好快~ 燒完烤走去摘佐小小菜，我見朋友種佐好多斑蘭葉，我摘佐d走，老公就摘佐d油麥菜，摘完眨吓眼太陽又要落山，  我哋嗱嗱林清理好現場，执埋d野咁就差唔多要走喇，因為一入夜菜田就會有好多蚊，唔走會俾蚊咬死，所以太陽落山我地就要準備定拎野走人~ 

家庭版海南雞飯，麻辣牛肉炒雜菌，上湯浸豆苗

 簡易家庭版海南雞飯 ，d黄薑飯超級正 ， 我哋一家四口都好喜歡呢個黄薑飯，佢真系好香好好食，跟住用麻辣紅油醃牛肉，拎黎炒雜菌 ，麻麻地辣辣地幾好味，兩姐弟好喜歡，再黎整多碟上湯浸豆苗，簡單便是最美味!

我家小寶寶姐姐生日^^ ，燒烤板

🥳琴日我家🐷🐷生日~🎂 😌原本出街食飯同阿囡慶祝生日的😊 🦠🦠但……因近日疫情嚴重佐好多🤦‍♀️ 😑為免受感染~我哋唯有唔出街食🤫 最後決定👨‍👩‍👧‍👦一家四口在家食韓燒🥳正~ 👍在家食烤肉安心又舒服又好味又過引~🤗 依家真系要齊心抗疫，如無必要盡量少出街😌 希望香港疫情快d消失，祝大家身體健康百毒不侵!

我的小寶貝生日

🕰時間過得真快🧑細佬要拎兒童身份證了，即系11歲喇，家姐13歲🙈佢哋每大一歲即系代表我又老了，唉~真系歲月崔人老~ 我d白頭髮越生越多喇，唔到我唔認老又或者系我未老先衰，哈哈~ 細佬生日簡單系屋企食餐飯同買2個細細個嘅蛋糕一齊食慶祝吓咁就算了，疫情仲未停真系唔敢同佢哋出街食野，其實一家人齊齊整坐埋一齊食餐飯已經系好幸福嘅事了~ 🥰

🎉祝細佬 : 生日快樂~身體健康~學業進步~

柱候蘿蔔牛腩，滷水雞翼，菜蕊，火腿炒蛋，上湯浸娃娃菜

老公早幾日無啦啦問我識唔識炆牛腩，我話之前炆過你話我炆得唔好食，所以我之後都無再整，老公話我好想食蘿蔔炆牛腩但出街食又貴又小……我想你整俾我食，嗯……咁好喇我買野返黎試下炆，其實我唔系好識，所以今次上youtube搜尋蘿蔔炆牛腩，果度有好多影片教你，我當然揀d簡單方便果d跟住黎整喇，哈哈………第一次用柱候醬炆野，我之前都有炆過牛腩之但系我唔系用柱候醬去炆，如無記錯我之前系用麵醬去炆，老公話唔好食，但我自己覺得用麵醬去炆都好食，原來今次跟youtube嘅人地用柱候醬去炆牛腩更加好味，連老公都話好好食，佢仲食佐好多……兩個小朋友仲不停"不"d汁用黎撈飯食添呀，佢地個個都話好正好好味！炆一次我地一次食唔晒，隔餐再食，點知隔餐食仲好食……好味到老公叫我過多一星期又用返今次方法再炆多一次，下次要買埋d牛筋落去一齊炆喎，哈哈……

木耳榨菜臘腸牛肉元貝飯

上兩個星期我諗唔到整咩餸加上天氣涼涼地，唔諗咁多一於整煲仔飯吃，快靚正，碟都洗少2隻，老公返早班中午得我同2個小朋友吃飯，我個認為冬天整有味飯(即系煲仔飯)特別正，特別好食，唔知有無人同我諗法系一樣嘅呢？兩姐弟知我煮煲仔飯第一時間叫我煮多d飯，佢地要多飯，仲話要留一大碗飯等爸爸放工返黎吃，上次我煮得太少飯我同兩個小朋友清晒，老公放工返到屋企兩姐弟不停同爸爸講媽咪煮d煲仔飯好好食，吃晒無留俾爸爸你食，搞到爸爸唔開心，净系得個聽字，無得食，哈哈！所以倆姐弟佢地今次叫我煮多d飯要留d俾爸爸放工返屋企食，哈哈！

紅蘿蔔椰子雪梨豬骨湯，香煎椒鹽三文魚，咖哩魚旦豬皮蘿蔔，金菇肥牛炒西芹

又煲清潤椰子雪梨湯……嘻嘻……昨日好似整多佐d餸，本身2個餸1個湯系夠晒食嘅，我見蘿蔔靚於是買佐d蘿蔔，同買佐小小豬皮，原本系第二日整的，但老公又話好想食咖哩魚蛋豬皮蘿蔔，我話第日煮，佢就話唔好喇不如依家煮埋佢喇，吃唔晒放雪櫃第二日食都得架，不停系咁講叫系咁叫我煮，煩死人……心諗返正豬皮蘿蔔隔餐再食都好好味，所以就煮埋佢，食剩放雪櫃！俾老公激死，煮好飯有飯佢唔食，又話想食生麵……叫我幫手煮……啍……我都費是理佢，最後佢自己煮佐~ 哈哈！

鎮江骨，蕃茄鮮牛肉炒蛋，台灣手信

天熱有時真系無麥胃口吃野，現時呢d天氣日日都30幾度熱到人死死吓……煮餐飯真系好辛苦，但煮完出黎無人吃嘅話仲惨，所以我近排都喜歡煮d開胃餸黎食，鎮江骨酸酸甜甜好正，送飯一流……做法亦超簡單，將急凍金沙骨出水，(半碗鎮江醋+片糖適量+幾片薑)煮滾d醋放入已出水嘅金沙骨落去慢火煮1個鐘左右之後再焗30分鐘直至腍，即可以食，隔日食更加好味同入味！

烏雞响片印度椰子豬骨湯，黑椒牛扒，麻辣皮蛋豆腐，菜蕊

我好似好耐無煲湯，呢款湯系老公指定叫我煲嘅……原因系上兩個月老爺身體不適(有尿石)，要留系醫住做小手術住2晚，老公就叫我幫手煲d湯俾佢拎去俾老豆飲，叫我做d我識做嘅野當然無問題喇，仲好樂意去做添，老爺做完手術休息佐一輪之後依家無晒事了……依家繼續返工，一切正常！

＃兩姐弟今日派成績表，整體來說2個都有進步，家姐進步得多d，仲拎埋進步獎和品行獎及獎學添，真系唔錯……放完暑假細佬升2年班而家姐則升4年班了，時間過得真系快……你地要繼續努力讀書呀！

紅洒牛腩炆薯仔，梅菜鯪魚

某日我行百佳見到有ECD系度做推廣，我從未買過呢d包裝餸的，今次亦系第一次買，10幾蚊一包見又唔系好貴，加上現場有得試食，我試佐小小覺得味道幾好，所以買佐2包返屋企試，一包牛腩，另外買佐一包梅菜扣肉，推廣姐姐話一包一人份量其實唔多架，如果你自己加d蔬菜落去再煮下就會好d，咁樣就足夠你做一個餸，唔喜歡加野落去煮可選擇將煮好佐嘅意粉放底，加熱包餸淋落意粉度撈黎吃一樣好味，聽佢咁講我自己就用佐薯仔粒同包牛腩一齊炆20分鐘，出黎效果好掂，真系好好味！我兩個小朋友話好正，d汁好好味，兩三下功夫同我清晒碟薯仔炆牛腩，阿囡叫我下次再買，仲話再煮的話要多汁喎，哈哈！10幾蚊一包又真系食得過，因為依家d牛肉又確系貴……

黑豆蓮藕章魚豬骨湯，辣豆板肥牛魚條炒韮菜花，煎荷包蛋

呢款湯我原本系要用綠豆黎煲嘅，之但系我買餸菜果時唔記得買綠豆，但系屋企俾我搵到一袋仔黑豆，所以就用黑豆代替綠豆喇，其實黑豆功效都好好架，好似系補腎架，實際功效我唔記得喇，要知就自己上網或睇書查下資料喇，嘻嘻……再簡單d就煎2隻蛋同炒碟韮菜花咁又一餐了！

欖菜肉碎年糕炒四季豆，七味黑椒牛扒，土伏伶牛旁粟米茶

細佬上月底無啦啦身痕，開頭都唔覺有咩問題，之後過一星細佬話越黎越痕，痕咁耐我覺得唔對路所以同佢去睇醫生，醫生話佢系皮膚過敏同濕疹，俾佐一星期藥同d藥膏及冲涼沐浴油細佬，咁樣睇一睇醫生就要400蚊，唉……真系攞命(╯з╰)  為佐想细佬d皮膚快d好唔痕，煲佐土伏伶牛旁粟米水俾佢飲，飲佐2日又真系好佐好多，依家細佬無晒事，好番晒了！

金菇炒肥牛，豉油皇雞翼/豆腐，玻璃生菜

日頭簡單炒碟金菇肥牛，煮小小豉油雞翼，之後夜晚就加幾舊炸豆腐落去再煮幾煮，加碟菜……咁就一日，放假盡量簡單(^_-)嘻嘻！

香辣肥牛年糕炒椰菜，金菇牛肉卷，瑞士汁雞翼，腐竹蛋糖水

早幾日阿女無啦啦同我講話想食年糕，我就買佐一包細嘅俾佢食，年糕本身系一d味都無嘅，系要靠d汁俾味佢的，我自己多數系蒸排骨果時用年糕墊底，咁d年糕就會吸佐d汁咁就會好好味，但今次試下放埋落菜入面一齊炒，比我想像中好食！

一家四口打邊爐

上兩星期我地一家大細系屋企打邊爐，自從同奶奶分開住之後我地都極小系屋企打邊爐，今次應該系第二次，我仲記得第一打邊爐系廚房用煮食煤氣爐黎打，因為當時無電磁爐，局住要系廚房所以好少打邊爐，今次呢個爐系奶奶俾的，有佐爐方便d囉！今次用麻辣湯打邊爐好正，辣辣地好惹味，真系估佢唔到，兩姐弟竟然食到辣，勁呀，哈哈……開頭我諗住烚佐小小丸同菜俾佢兩個先，但佢兩個竟然話我想試食麻辣湯，所以我净系落半包，如果落晒一包我驚太辣食唔到，但落半包已經好够味好正，呢包麻辣湯包系老公同事俾我地的(^_-)