2013年10月2日星期三

五草涼茶

中秋果時我係第一次煲過五草涼茶 , 因為我之前係無介紹五草ge名稱的 , 我昨日同兩個小朋友係公園玩完 , 佢兩個要飲水 , 我個袋得返半樽水 , 佢兩個飲完話唔夠要再飲水 .

於是我地行佐去天瑞街市買野飲 , 買完我醒起天瑞街市有新鮮草藥賣的 , 跟住行過去買佐3扎草 , 因為都幾貴 , 所以我今次只係買佐3扎就算 , (我上次係買佐5扎架) 跟住仲問店舖阿姐果d草叫咩名 ,  阿姐好好人 , 話晒d草名出黎俾我聽 , 我就記低佐 , 上次blog友 MayHo 叫我介紹下 , 我當時唔記得d名所以無介紹 , 趁我依家仲記得我拿拿淋記錄低先 , 費事我轉個頭又唔記得就慘! 你問我我都唔識 , 哈哈..... 


上次我買ge五草 , d名稱係阿姐講ga ,
正唔正確?我係唔知道的,錯佐唔好鬧我呀!


阿姐ge檔口 , 有好多野賣 ,
呢度只係一小部分咋!

我今次買佐呢3款草 , 細細扎 ,
呢3扎草要32蚊 , 好貴哦!
之前天水圍天光墟d婆仔賣的好便ga ,
依家唔俾人摆檔呀 , 新開的天秀墟我都無去.

我中意加幾粒蜜棗落去一齊煲,
感覺清潤d !

自己喜歡加幾多水就加幾多,
隨意的 .

煲45分鐘 , 我呢個係壓力煲黎ga ,
普通煲就煲1.5小時或以上.

煲好就加片糖落去 , 
咁大煲我落佐3片 .

煲完後的樣子

放涼之後就入樽 ,
再放去雪櫃保存 .
因有糖的關係要快d飲晒佢 ,
如果飲的唔快 , 

就將有樽裝住果d放去冰箱保存 .



三草涼茶

材料:

百花蛇舌草   半邊蓮   田灌草 (各1扎)
蜜棗 5粒
片糖 3片 

製法:


1.把3扎草以清水浸一浸先 , 再洗3遍 , 去除泥土及其他雜質

2.草及蜜棗放進魚湯袋里再放入煲內 , 然後注滿清水 
3.自設時間煲45分鐘
3.開蓋之後拎起魚湯袋 , 加3片片糖調味 , 即可 



網上搵到的資料 : 


白花蛇舌草: 清熱、解毒和消炎,有抗癌作用。中醫常用來清熱散瘀、消炎止痛。現代藥理發現白花蛇舌草對急性淋巴細胞型、粒細胞型、單細胞型及慢性細胞型的腫瘤細胞有不錯的抑制作用,同時也具有抗菌、消炎效用。


半邊蓮: 利尿消腫,清熱解毒。
中醫在傳統上常用之為治療蛇蟲咬傷等之清熱解毒消腫療藥。

田灌草: 又名「車前草」,性味甘、寒,是一種隨處可見的生草本植物,它的嫩葉及種子均可食用,車前草種子及根、葉均含有糖分及維生素A、C、K,車前草還可治氣喘、百日咳、怯痰、慢性腎炎、子宮炎、浮腫、膀恍炎、尿道炎、泌尿系結石、痛風、下痢、頭痛,全草煮汁飲服具利尿消腫、清肝洩熱等作用,是青草茶的最佳原料。 



狗肝菜: 又名豬肝菜、羊肝菜、青蛇仔、野青仔、小青、六角英、路邊青、土羚羊,爵床科狗肝菜屬植物狗肝菜,以全草入藥。全年可采,洗淨,曬乾或鮮用。性味:甘、淡,涼。功能主治:清熱解毒,涼血利尿。用於感冒高熱,斑疹發熱,流行性乙型腦炎,風濕性關節炎,眼結膜炎,小便不利;外用治帶狀皰疹,癤腫。

神仙草: 暫時找不到資料 






23 則留言 :

  1. 好羨慕有呢d檔, 我樓下街市得最基本檔口, 如果我想多d野睇/買, 要去到跑馬地先有lor!TT

    回覆刪除
    回覆
    1. 我呢邊d野係好齊全 , 可惜價錢總是比其他地區貴,
      天水圍買餸出佐名係..........貴!!!! ::_376

      刪除
  2. "百花蛇舌草"...hehehe~ 我以前係喺山邊及路邊, 自己摘嚟煲架! 而家真方便, 多謝詳細介紹!  {其實我應該係 Blog /定係 G+ 處留言才正確呢?? 我而家兩邊都留! 我係 Blog 處留言收唔到通知 E-mail的??!!!}

    回覆刪除
    回覆
    1. Daisy收到的 , 其實兩邊留言都ok , 隨你自己喜歡 , 不過我好小係 G+ 睇野 !
      多數係blog睇野 , 我追蹤佐你,你有更新我係blog度會睇到,唔洗走去 G+ 架 .
      你明白嗎?

      刪除
  3. 嘩,我飲完妳呢個涼茶即刻 "累" 低都似!!

    回覆刪除
    回覆
    1. 我估係咪太寒的原故?涼茶呢家嘢,真係要睇住飲!

      刪除
    2. 係呀,我唔受得涼嘢,一食即痾,試過飲完洛神花,即刻成個人無哂力量,想跌想跌咁,要瞓一覺先掂!

      百花蛇舌草有人飲嚟醫 cancer,藥性之強,可想而知,咁妳哋話我飲完係咪即刻 "累" 喺度喇!

      刪除
    3. 飲完洛神花都會 ? 麥洛神花茶咁勁架??
      洛神花係涼茶黎架咩? 我真係唔知道.
      呢排街市有新鮮洛神花賣喎, 我想買黎煮果醬呀 .

      刪除
    4. 嘩,小心呀,洛神花超寒涼㗎,早前 Jacky Yu 教整果醬時都提醒大家洛神花好涼,食前要留意個人體質,我個女仔 friend 食完即刻暈,要瞓足全日,完全唔可以工作!!

      刪除
    5. 唔好意思,容許小高搭訕!^o^
      其實我體質都係屬於偏寒,所以煲親花茶、涼茶都唔敢飲太多,因為真係飲多少少,就見頭暈......所以煲瓜湯都會煲耐少少。

      刪除
    6. 係呀,飲老火湯就無問題囉!

      刪除
    7. 哦, 原來身體寒就唔可以飲涼茶, 我真實唔知道自己咩體質架,
      總之飲完無事 , 下次就會繼續飲咁囉 :) 我聽奶奶話 ,
      如果煲湯驚寒就放d果皮落去.

      刪除
    8. 係呀,唔落果皮就落幾片薑都得!

      刪除
    9. thanks Kestrel分享!^^ 我鐘意落薑,有時連炒菜都落!:D

      刪除
    10. 我咁鬼怕涼,實落無走雞呀!! :)

      刪除
  4. 謙盈媽咪,早上好!^^
    你果頭的街市好多嘢買,如果小高去到一定好瘋狂,咔咔 ~
    今芸又學到嘢,呢d草好少見,謝謝!:D

    回覆刪除
    回覆
    1. 小高學到嘢就好喇..... 我之前都係同你一樣唔認識呢d草 .
      我呢邊係有好多野買 , 只是可惜d價錢........貴
      天水圍買餸出佐名係貴.

      刪除
    2. 依家做阿太真係唔容易...咩都貴!真係好明白呢點 ~

      刪除
  5. 謙盈媽,妳好,這是我第一次留言。想問妳會把Yahoo那邊的Blog Post 轉載過來嗎?因為它們是我的烹調參考書呀!我怕Y那邊的文會被刪除,可唔可以把它們Re-post過來呀!

    回覆刪除
    回覆
    1. hello....你好呀! 我試過轉載過來係ok的,
      不過我無心機轉載過來呀, 哈哈....
      我唔怕被刪除的, 因為我下載佐係我自己電腦度, 唔驚!
      等我有時間,我可能會全部搬過黎 :))

      刪除