聖誕@2014…… 挪亞方舟一日遊

一年一度聖誕又到喇，我祝大家聖誕快樂 ♡Y(＾_＾)Y♡  

12月22號我同两個小朋友跟幼稚園去挪亞方舟玩，两姐弟同d同學仔玩得好開心！我全程跟住佢地行，攰到不得了，見到佢地玩開心，我都好開心，攰都值得！哈哈……♡♤＼(^o^)／♤♡

豉椒鳳爪排骨臘腸蒸飯，菜蕊，白切雞

 琴晚ge蒸飯真系一流，好好味，我覺得冬天食呢個飯特別好味，如果用煲仔黎煲就更加有風味^e^…… 鳳爪排骨我系街市買架，哈哈……30蚊1磅，两樣野加埋一齊我買佐1磅，先蒸佐飯先，再加餸放系飯上面蒸10分鐘就食得，d肉汁走落晒去飯入面，真系又香又好味！

蒜泥白肉，冬菇栗子炆排骨，魚片炒娃娃菜

 呢两個餸真系大大話無整成年，早两日老公同我講佢同我姑奶去譚仔食米線，仲叫佐碟蒜泥白肉黎食，我聽完之後心思思去去吃，心諗出面d蒜泥白肉又少又貴，都系自己整好d，味道就返自己，酸d或者辣d都可以，嘻嘻………另外一個餸都系好耐無整ge就系冬菇栗子炆排骨，冬天食呢個餸特別正！再黎求其炒個娃娃菜，搞掟…………＼(^o^)／

一家大細與好友共聚@韓舍

星期五12月5日老公約佐佢d好兄弟去元朗韓舍吃韓燒，原來系去元朗西鐵站燒烤的，但因天氣太凍驚凍到两個小朋友所以改去韓舍燒，嘻嘻………今次系我第二次幫襯佢，d食物不過不失喇(^o^) 燒完之後再等另一好兄弟去B仔食宵夜，食完返到屋企都差唔多凌晨1點鐘，哈哈！最後我要再次多謝西瓜哥哥送俾盈盈同謙謙ge聖誕節禮物，两個好喜歡份禮物^e^

豬潤粉肠皮蛋粥，皮蛋肉片豬紅粥

琴日夜晚時突然想食粥於是今朝早就早d起身煲定d白粥，送完两個小朋友返學就買d豬潤粉肠返屋企加料，哈哈……我系一個好喜歡吃粥ge人黎，自己煲d粥又綿又正，自己煲黎唔洗多講一定足料過街買果d ^_^ ，街買d粥又貴有時唔綿，好似潮州粥，我唔鐘意，唔好食閒閒地都要25蚊一碗，但系唔多料(╯з╰)  想食真系自己煲好d ＼(^o^)／

仲有上星期煲ge皮蛋肉片豬紅粥，諗起都正……^e^

豬潤粉肠皮蛋粥

雪梨乾龍利葉石黄皮竹芋湯

繼續煲止咳化痰潤肺湯，今次系第一次買雪梨乾黎煲湯，估唔到煲出黎d湯都好清甜同好潤，以前一直無買雪梨乾黎煲湯我系驚煲出黎d湯會酸所以一直唔敢買，因為雪梨乾系連埋個蕊及有核的，我平時煲親雪梨湯都系用新鮮雪梨煲的，買龍利葉檔口的阿姐話呢排竹芋當造叫我揀2條放落去一齊煲，阿姐話有清熱去濕的，所以我就買黎試……

金銀蛋上湯浸豆苗，黑椒豬頸肉炒唐芹，蒜香雞扒，菜蕊

呢排豆苗當造，我呢邊菜檔d豆苗唔貴，12蚊一斤，真系抵食，第一次整金銀蛋上湯浸豆苗，真系好好味，老公讚我勁，佢話咁ge菜式你都整到，仲要系色香味有齊，不停話好味，佢一個人吃佐3份2，我同阿仔加埋先食得3份1咋，哈哈…… 老公返夜，中午會系屋企吃飯，午餐就系得我两公婆同謙謙3個人吃飯，因為盈盈返小學系學校吃飯的，夜晚又系3個人食飯，系我同两個小朋友食，夜晚两個小朋友唔喜歡吃唐芹，所以煎西塊雞扒俾佢地！

羅漢果菊花雪梨茶

我地d咳都好番喇，但都會煲返d潤喉止咳化痰當水飲，防止喉嚨再次唔舒，呢個茶味道唔苦大人細佬都岩飲！

鮮蝦木耳蝦子雲吞

前排食得餃子多，食到悶悶地，又轉換下口味---包雲吞，我自己認為包雲吞容易過包餃子，雲吞同餃子一樣都系一次過包多d，當天吃唔晒就放入冰箱保存，要吃隨時可以拎出黎煲熱食，真系好正架！我仲貪得意切佐小小西洋菜加落去包幾隻試味，原來味道一般，都系原味蝦雲吞最好吃！

川貝海底椰燉雪梨湯

唉。。。呢排我同两個小朋友輪流咳，煩死，阿囡好返d又到我，我好返小小，又輪到細佬，真系煩死人，通常我地有人咳我就會煲下川貝湯，雪梨湯等等的……今次先黎雪梨虎乳零芝海底椰燉川貝＼(^o^)／

自家製辣椒油

辣椒油都可以自己整？我真系無諗過，前排謙謙同學仔媽咪整佐好多佢自家製的辣椒油，她俾佐一樽我試，試完真系好正，又香又唔太辣，好岩我，因為我食麵或餃子都喜歡加辣椒油，所以我叫謙謙同學仔媽咪教我，佢教完我之後我就試整，製成品好正！原來整辣椒油一d都唔簡單，要將所有材料攪碎同埋隔走d水份，炒辣椒油果時足足要炒一粒鐘，真系炒到手軟企都腳攰，少d體力都死，哈哈……

韓醬金菇肥牛卷，冬菇粟米肉燥燴玉子豆腐，菜芯

上次果支韓醬已經用晒好耐喇，今次買過另一款韓醬系白雪牌，呢隻味道都oK，我喜歡上次果款多d，今次簡單咁煎香再加d韓醬落去兜一兜就攪搞掟，另一個餸系冬菇粟米肉燥燴玉子豆腐用黎拌飯吃一流，超正！

大閘蟹

上星期日老公叫同事幫手買佐10隻大閘蟹返黎，10隻之中我地要佐3隻，姑奶3隻，老爺奶奶4隻，今次d大閘蟹好靚，又肥又大又多膏，平均每隻大閘蟹有半磅重(6両重)，今年第二次食大閘蟹，嘻嘻………  

另上月尾老公又同我去流浮山吃海鮮，又系食花尾龍躉，真系超正，平時唔多鐘意食魚ge我，竟然吃佐好多魚，哈哈………老公話我好勁 ^e^

南北杏冰糖木瓜雪耳糖水

呢幾涼佐好多，喉嚨又有小小乾，二話不說就買個木瓜煲d糖水潤一潤先，大大隻木瓜有2斤幾重先至7蚊咋，真系平到我唔信，我望一望價錢原來6蚊2斤木瓜，岩岩買的木瓜青青地有些小黄，我唔鐘意佢咁青所以買佐返屋企摆佐2日先煲，果然又黄好甜，我已經當水果咁食佐3份1，其餘就拎佢黎煲糖水，哈哈。。。。(^o^)

蒜茸牛油蝦，蝦米仔蒸滑蛋，炸菜X0火腿炒肠粉

蝦ge煮法有好多，我老公好喜歡我整蒜蓉牛油蝦俾佢吃，佢話好好味，至於两姐弟就好喜歡我蒸滑蛋俾佢地食＼(^o^)／昨晚有飯剩所以求其炒個飯就oK，炒肠粉系炒黎做下午茶時大家一齊食的，老公話好正，但两個小朋友話有d辣，食佐小小就唔食了。。。。嘻嘻！

椰香咖哩雞翼，豆鼓鯪魚炒油麥菜

第一次買呢隻咖哩醬黎煮雞亦，味道都可以，呢着咖哩適合小朋友多d囉，唔辣的，再整一碟豆豉鲮魚炒油麥菜，簡單好味！

足料雪梨清補凉，超大ge豐水梨

秋天吃梨系最好食的，呢d天氣比較乾燥，我都好喜歡買梨吃，有時吃剩就會俾我拎去煲湯或者煲糖水，今次就系煲糖水。。。。嘩……d豐水梨好大隻，又大又甜，超正，四個先30蚊咋，我覺得好抵呀！

雪蓮果雪耳雪梨脊骨湯，豉汁蒸排骨，菜芯

秋天天氣系人都知會乾燥，所以呢d天氣我比較喜歡煲d清潤湯水黎飲，飲完成個人覺得好舒服，今次呢個湯好甜，甜到好似煲糖水咁，真系好好飲！再簡單d整一碟豉汁蒸排骨同埋整碟菜芯就搞掂，呢排d菜心好靚好甜！

香芋椰汁紫米糖水

上星期煲ge香芋椰汁紫米糖水，我自己好喜歡呢款糖水，次次煲親都煲一大煲，煲好放涼放入雪櫃雪凍慢慢食，其實呢款糖水熱食系最正的，熱食真系特別香特別好味，嘻嘻。。。。今次仲煲佐一大煲拎左d俾謙謙好朋友同學仔媽咪，佢地個個都話好好味，話好味過街外面糖水鋪果d喎，我聽到都開心 ^_^ 

韭菜木耳餃

好耐無包餃子，近呢個星期又愛上包餃子，嘻嘻…… 謙謙同學仔媽咪見我包餃子包得靚，於是叫我教佢包，教完佢地包，佢地即刻買材料返屋企試包，仲話好好玩，搞到佢愛不釋手，好似中包餃子毒咁喎，哈哈……笑死我，仲話佢屋企人大讚好味，所以佢就不停包不停包，哈哈……

鮮蝦冬菇木耳雲吞，粟米韭菜木耳餃

呢排懶佐好多，前排成日掛住睇佔中新聞，搞到我都無心機寫blog(^o^)……

今朝包佐呢個三鮮雲吞再加2個生麵做我地ge午餐，其實仲有餃子ge，餃子系琴晚包的，不過我唔得閒煎姐，两姐弟一人包3隻，之後叫我蒸俾佢地食，佢地話自己包果d系特別好味架喎，哈哈……下午老公話佢就放工果時就打電話叫我煎，等佢放工返屋企食喎(¬_¬)……

韓式洋蔥豬扒，日式咖哩雜錦(肥牛，肠仔，魚蛋)

呢樽韓醬味道真系唔錯，我好鐘意用佢黎醃肉，今次系用佢黎醃豬扒，仲用埋韓國洋蔥黎煮，味道更加好，另两姐弟要求我煮咖哩俾佢食，辣咖哩佢地食唔到，所以我喜歡買呢款咖哩磚，佢系唔辣，但都幾香，所以佢地仲意食，盈盈最喜歡叫我煮多薯仔同埋咖哩汁俾，佢好鐘意用汁撈飯，我仲未煮好洋蔥豬扒佢两姐弟已經要我"畢"飯俾佢地食先……^^ 哈哈……

照燒金菇肥牛卷，蒜蓉生菜

簡單的晚餐…… 一盒肥牛加3包金菇再加一包醬汁，照燒汁系用現成一包包的，牌子系李x記，一包煮一餸，真系幾方便，簡單就是美味……嘻嘻……

薑蔥蝦子撈麵，餐肉，荷包蛋，蝦仁炒飯，蒜蓉白菜子

上星期ge午餐和晚餐……嘻嘻……

第一次學人整蝦子撈麵，都幾似樣……簡單得黎好好味，加薑絲蔥絲一齊吃其實系最正ge，但系两姐弟就唔鐘加薑蔥，佢地净系加蝦子同甜豉油，而我就喜歡加薑蔥再加甜豉油撈埋一齊吃，真系好正！

沙參蘋果雪梨雪耳雞腳湯，黑糖檸檬雞翼，蒜蓉西蘭花

呢两日早晚都有d凉，昨晚開始我地都唔需要開冷氣訓覺了，秋天最煩就系乾燥天氣，一乾燥d皮膚就會痕及脱皮，喉嚨亦好易唔舒服，呢d天氣我最鐘意煲雪梨雪耳，煲多d清潤湯水個人就會舒服d，無咁乾燥……無咁易病！

竹蔗茅根馬蹄紅蘿蔔水，過大海(^o^)

打風果日奶奶俾佐d竹蔗我，昨日買佐d茅根馬蹄紅蘿蔔返黎即刻煲，昨日d馬蹄大大粒好靚可惜粒粒都唔甜(╯з╰)……

老公呢個星期放大假，今日湊完两姐弟返學，放學就叫奶奶幫手湊，两姊弟今晚就要系嫲嫲屋企訓一晚，我地就過澳門玩2日，叉叉電……哈哈……自從結婚後去完日本東京旅行，到小朋友出世後我两公婆都無再去玩，因小朋友細我地唔放心佢地，所以一直無去…早幾日我同两姊弟講：媽咪爸爸去澳門玩2日，佢两個即刻話唔得，盈盈話：你地去玩，夜晚邊個睇住我同細佬，我話嫲嫲，佢話唔得，一定要媽咪同佢訓！唉……要我同佢傾佐好耐先肯答應俾我去…… -_-#

花生眉豆木瓜雞腳湯，蠔油菜蕊仔，豬扒飯

奶奶打風果日拎佐d木瓜，竹蔗，菜蕊俾我，個木瓜咁靚更系要快d拎佢黎煲湯喇，木瓜同花生眉豆雞腳系最襯ge，額外最加

多幾隻冬菇落去一齊煲，煲出黎的湯好香，老公昨日放假，2點幾無啦啦買佐2盒好好味ge豉油豬扒飯返黎，叫我食，我1點先吃完野完全吃唔落，唯有留返夜晚食，所以夜晚唔洗煮，哈哈……净系烚d菜就搞定，因為得我同两個小朋友吃，老公約佐同事去打波 ^^

香芋魚餅

太耐無整呢個餸了，煲香芋糖水用剩佐d芋頭，就拎佢黎整魚餅，將两面用慢火煎香，脆脆地真系好好食，系街市買佐d魚肉返屋企，想再好食d就加d胡椒粉及麻油落去攪匀就oK

了……

8號風球唔洗返學，香芋椰汁西米露，自家種蔬果

難得今日掛8號風球，呢两姊弟依然晨咁早起身，一起身就問我拎iPad玩同埋開電視睇卡通片，真系唔得佢两個死，我想訓晏d都唔得，唉……煩死人，你睇盈盈ge姿勢幾搞笑……

香草燒豬肋骨，脆炸薯角，鮮茄肉醬天使麵

首次買新鮮香草整燒排骨，原來用新鮮香草醃肉，真系好香，好好味，炸著角都系第一次整，真系好好味！

多款夏日消暑滾湯，平到笑的學生相

過佐中秋呢幾日依然都系好熱，聽說下星期有台風殺到埋黎喎，如果真系黎都好煩，帶住两個小朋友我最憎打風落雨，但我两個小朋友好鐘意落雨架！

炎熱夏天我老公好鐘意叫我滾湯俾佢飲，以下幾款就系我最常滾ge湯，滾湯材料多數以蔬菜為主，有時唔想食飯煲d粉麵加呢d湯落去又一餐，食飯時加埋d湯落去即刻變泡飯，哈哈！

木耳勝瓜粟米貢丸湯

中秋節@2O14

今年中秋節好似來得好快咁樣，開學一星期就系中秋節了……八月十三我地一家人去婆婆屋企做節，八月十五正日就系奶奶屋做節，人大佐之後真系唔多鐘意做節，系我心目中只要一家人齊齊整整坐埋一齊食餐飯已經好開心，好心滿意足了！

呢两姊弟好搞笑！

9月開學，謙謙幼稚園中秋晚會

两姊弟已經開學两星期了，所有野都開始定下來了，盈盈都要正式上堂及留系學校午膳，唔再返半日！ 開學頭一星期真系搞死我，净系簽通告都簽到我手軟，又要包書，又要交麥費麥費，又要揀興趣班俾佢地，又要教地做功課等等……一句講晒……煩！ 忙完開學又忙中秋…… 唉…… 所以依家先得閒寫下日誌 (^ω^)

新一學年度盈盈升讀小二，謙謙就升讀高班，下星期又要同謙謙填表报讀小一，呢個星期又要聽升小一簡介的講座，煩……

紫薯方包，珍寶肠仔包，芝士肠仔包

暑假最後一日我都唔放過，要整包包，天日早餐有著落……两姊弟天日早餐我就唔洗煩食咩早餐喇，一杯奶再加一個媽咪牌包，够晒飽，哈哈…… 老公話珍寶大肠仔包好好味，叫我唔好食晒，最少留返一個俾佢天朝早餐時食，嘻嘻！两姊弟好鐘意蝴蝶肠仔包，一出爐無耐就俾佢地食佐，我自己食佐一個珍寶大肠仔包，真系好好味！

黑椒洋蔥煎牛柳粒，馬拉戔通菜，青皮哈蜜瓜

今日又黎吃牛，今次系吃牛柳粒，簡單d用黑椒洋蔥爆炒即可以吃……方便快捷有得食，再炒碟馬拉戔通菜，搞掂！咁又一餐喇……夜晚仲有平靚正水果吃添……正～ (=^‥^=)

雜錦海鮮炒拉麵

 悠長暑假就快結束了……想再訓晏d起身都唔得，唉… 忙碌ge日子即將開始lu……諗起都煩…… 成日食飯食到悶悶地一於炒拉麵吃，依包拉麵系759做特價時買的，我覺得好食，但兩姊弟同老公都話一般，佢地食佐半碗就唔食了(╯з╰) 其餘果d就要我一個人食晒，唉～下次特價我都唔會再買呢隻拉麵了……(=^‥^=)

韓式洋蔥豬頸肉，瑞士汁雞翼，蠔油生菜，元朗廣場

琴日下午同两姊弟出元朗行街順便去家政訪買材料整蛋糕同埋買高低粉，點知同學仔媽咪同我講佢朝早去買果時門寫住家政訪逢星期三休息，哈哈…好彩同學媽咪通知我，否則我又要摸門釘，本來今日整日式芝士蛋糕，因琴日買唔到野所以無得整^^今日又用韓醬醃豬頸肉，再用埋韓國洋蔥炒真系好惹味，今次d瑞士汁雞翼有d失色，因為我d蔥同埋乾蔥都岩岩用晒，無蔥頭和乾蔥起鑊d味道硬系争d争d，唔夠香唔夠好味(>_<) 我平時系用小小油爆香薑片蔥頭和乾蔥頭再加雞翼爆炒幾分鐘再加李錦記瑞士汁和小小水大火煮10分鐘就熄火唔開蓋焗佢，焗10幾分鐘就食得，d雞翼真系又滑又香又多汁，好正架！我两個小朋友超鐘意！

鮮奶椰皇燉蛋白

昨日下午同两姊弟去街市時見到有椰皇賣，又唔系話好貴20蚊4個，加上我地一家四口都鐘意飲，一於買返4個返屋企，老公同两姊弟一人飲佐一個，净返我個一個未飲，突然諗起上次同奶奶去飲茶時老公叫佐幾個椰皇燉蛋白俾我地食，仲要唔平喎(>_<)如果我無記錯應該系成30蚊一個，佢都幾大個，系好味…但系唔夠滑，佢可能蒸得耐，d蛋白有好多窿窿！咁我見佢地3個飲晒我就留返我果一果d椰皇水試下整，因為系第一次整，唔識……所以上youtube睇下人地點整，跟住我就試整，最後都好成功，出黎效果好靚，又白又滑又香，好掂，可惜唔够甜，淡佐小小……嘻嘻……(^o^)但系我都好滿意我自己ge作品，真系好滑好香！

台式胡椒餅<附食譜>

前排整ge……系我人生第二次整台式胡椒餅，感覺俾第一次好少少，今次唔用上次食譜，而改用另一食譜黎整，呢個食譜系<為食貓>果度揾ge，做出黎ge效果俾上次好d，但做法就比上次食譜複雜小小，做好之後送佐d俾謙謙同學仔媽咪食，佢地個個都話好好食，有d媽咪話胡椒味再勁d就更加好喎！其實我自己就覺得够晒辣 ……^0^

鮮奶蛋撻

今日無聊之際又去試整蛋撻，是次整鮮奶蛋撻，正常ge鮮奶蛋撻應該系白雪雪的，但經我手焗完出黎好似去佐一轉非洲旅行咁樣，哈哈…… 我自己都覺得好笑＼(^o^)／ 明明系鮮奶撻偏偏俾我搞到葡撻咁ge款，嘻嘻～真系笑死人！今次外貌一般但味道真系好好，撻皮好鬆脆，鮮奶蛋白就好香！

鮮奶南瓜吐司<附食譜>

原本今日系整紫薯吐司的，但諗起之前整過紫薯包，所以今日試整第二樣，咁岩前日買佐舊韓國南瓜未吃，所以拎佢黎整包，我第一次買韓國南瓜吃，蒸熟之後我試佐2舊仔，真系好食過中國南瓜，蒸好無中國南瓜咁多水份！3條吐司之中其中一條我加佐d乾果落去，有合桃、紅梅、提子乾，我自己喜歡加佐乾果ge南瓜吐司，食吐司時有d乾果咬下香d同埋好味d，但两姊弟就唔中意有乾果ge吐司，提子乾和紅梅佢地平時都唔中意吃架！

食譜天日打出黎，因為依家好眼訓，我要去見周公 *^O^*

冬菇粟米肉燥湯年糕，芝士白汁蘑菇烏冬

上星期四(14號)的午餐和晚餐，盈盈同謙謙两姊弟唔多中意我整的湯年糕，佢地話我放得太多肉碎，唔系咁好味，仲叫我下次唔好再煮，真系俾佢两個激死！夜晚果餐得我同两個小朋友吃，所以唔想煮飯，簡單d煮個白汁撈烏冬，两姊弟好鐘意呢個芝士白汁！

韓式洋蔥豬扒，煎釀三寶，蒜香豬柳炒青瓜

今晚繼續用韓醬整餸，今次系用韓醬醃豬扒再煎熟，之後再用洋蔥炒一炒，味道真系好好，我地一家都鐘呢種味道！行百佳見佢d釀冬菇，茄子，豆卜都幾靚，於是買佐一盒，但一盒唔够食，我記得屋企雪櫃仲有之前用剩佐一個青椒同幾條尖椒，所以買多一盒净魚肉返去自己釀埋佢就够晒食喇^^

驚尖椒d辣味搞到其他野都辣，两姊弟食唔到所以炒多一碟青瓜俾佢地食！

牛油曲奇，熱香餅味杯仔蛋糕 <附食譜>

今日下午盈盈同謙謙两姊弟一齊合作整ge曲奇，我負責整麵團同埋焗曲奇俾，佢地两個負責拎d印模來吸印，整曲奇本來用低粉整的，但系我整完杯仔蛋糕就唔够低粉，之後就用高粉代替，出黎效果一樣鬆脆，好掂！

下午無野做，我就整杯仔蛋糕，杯仔蛋糕我用麥記食熱香餅早餐的糖漿加牛油黎整的，食落味道就系已經搽佐牛油+糖漿的熱香餅味蛋糕仔，味道唔錯，真系幾得意！

黑椒洋蔥牛扒 , 豬柳魚旦炒韭菜花

簡簡單單又一餐.........^_^ 我同老公，謙都鐘意食牛，盈盈則一般 (^_^;)  簡單用d生抽糖蠔油麻油黑椒醃下d牛扒，再將牛扒煎至7成熟加埋洋蔥炒幾下就食得，買佐韭菜花唔返到屋企求其系冰箱拎d野就咁炒埋一碟，用蠔油炒幾，簡單又好味……快靚正！

黑椒洋蔥牛扒

韓醬焗雞脾，芝士白汁焗西蘭花，百花蛇舌草涼茶(附食譜)，朗豪坊

今日呢两個餸都系以焗為主，雞脾用一支韓醬加一茶匙鹽醃一晚焗熟就食得，好好味！西蘭花我本來用蒜蓉清炒的，但老公無啦啦走入廚房問我有無芝士，我問佢要芝士黎做麥？佢話如果有芝士不如用芝士焗，見佢話要用芝士焗，我就諗起早两日有一碗白汁用剩留系雪櫃，所以拎佢出黎加再加芝士焗，老公話今日d餸好正喎！

光波焗雙色蕃薯

今日同两個小朋友去婆婆屋企玩，搭車果時突然想食蕃薯，於是系西九落車行去街市買佐d蕃薯，呢度12條，黄肉紫肉各6條都系10蚊咋，我覺得抵喎！焗蕃薯毫無技巧，洗乾淨放落光波爐按制40分鐘就食得，我覺得焗ge蕃薯好味過蒸ge好多，最後我地個個都覺得紫色蕃薯好味d甜d，黄肉蕃薯唔甜(╯з╰)

南北杏木瓜雪耳糖水(附食譜)

琴日買佐一份木瓜，原本當水果黎食的，無奈d木瓜唔系咁甜，唯有拎d木瓜黎煲糖水，當我整好晒所有材料放晒水入湯煲，開制煲的時候…果煲竟然唔著，唉～激死我！搞到我要用煤氣黎煲木瓜糖水，見個煲壞佐我今朝拿拿淋拎2張印花咭去萬寧换返個高速煲同吸塵機先，唉……最快都要8月26號先可以攞，仲要去到元朗拎添，煩！ 去銀座拎就方便d，可惜要等到11月14號先有得拎，(¬_¬)要我等咁耐？我真系唔等得，唯有辛苦d去元朗拎算了(^ω^)

椰汁班蘭蛋糕(附食譜)

今日系廚房执野执出一盒班蘭蛋糕粉出黎，打開原來得返1/4盒，費事再放咁耐於是整佐佢，呢個食譜系靠我以往整蛋糕的經驗自己亂咁整的，一路整一路記底d份量，如果成功就可以keep住個食譜，唔成功就無下次架喇～ 好彩最後都成功，哈哈……製成品樣子一般但味道唔錯，呢個蛋糕食落好似食緊日式輕芝士蛋糕，感覺濕潤軟熟，亂黎都做到咁ge效果真系唔錯！阿囡咬佐一啖就問我系咪芝士蛋糕，我話唔系，佢話食落真系好似芝士蛋糕，細佬都系話似芝士蛋糕，真系好奇怪我地3個人食完都話似芝士蛋糕，嘻嘻～