雪梨雪耳桔餅魚腥草茶

我又黎煲魚腥草茶喇……事關我住緊嘅大廈前排有1個人確疹新冠肺炎，我工作嘅地方一早已講明如果自己住緊的大廈有確診就要我哋停工3日如果再有確診就一定要俾個人檢測報告先可以返，停完3日咁岩第4日我本身系放假嘅，之後到我返工喇，返佐1日工，第二日返到去，就話個商場有人確診佐，即日要成個商場消毒同要暫停營業，當日我地就安排去佐第二間鋪返，但第2日就唔可以返，要去做有報告嘅$240檢測，唉……即系話我又要我放無薪假了，呢個月無啦啦放佐幾日無薪真攞命，為保自己及家人身體健康真系要煲多d清熱潤肺飲品及湯水飲吓先得~ 

長洲一日遊(行山樂)

 琴日放假我哋一家四口同老公同事兩公婆約埋一齊去長洲行山同食吓野，即日來回，夜晚就book佐上環酒店住一晚輕鬆吓~ 因疫情成年無得外出旅行，唯有自己簡簡單單計畫去長洲玩吓住返一晚酒店就當去佐旅行了，哈哈~ ~ 長洲d境色真系好靚，間唔中入去離島呼吸吓清新空氣，真系人都精神d~  

2020聖誕快樂~

 

🎅祝大家聖誕快樂⛄🎄🎉  今年疫情嘅關係令到街上嘅聖誕氣氛好冷淡~ 完全唔覺系聖誕節 😌 睇怕新一年嘅氣氛都系咁上下…… 現時2人限聚令依然生效，無得一家四口出去食野，唯有簡簡單單買d野返屋企一齊就ok了~ 

 

鮮甜咸湯圓

天氣凍凍地，唔知煮麥好，我提議煮咸湯圓食，阿女同阿仔都話好，一煲過唔洗煩，今次用佐半邊雞同半斤鯪魚肉，小小蝦乾同冬菇，最後仲加佐幾條腸仔同魚旦，煲完個湯出黎真系好甜，加埋娃娃同金菇仲更加清甜，煲佐一大煲滿嘅搬出去，兩三吓已無佐3份2，細佬同家姐食完自動再裝，唔洗我叫，真系好食到唔識停，個個都食到個肚漲卜卜，哈哈~~  用雞+魚肉黎煮湯底真系無得輸，超正 ! 喜歡嘅朋友快d試吓~ 

 

2020冬至快樂，花膠螺頭燉烏雞

眨眼間又話做冬了~ 即系話好快過完呢一年，原本今日系過奶奶度食團圓飯的，因應疫情勁佐嘅關係而取消佐，咁為有我地就自己簡簡單單咁燉個湯再訂一個盆菜黎做節一齊食咁就OK了~ 

我又大一歲喇……

 生日簡單買d野返屋企食就算了，呢個疫情真系令人煩惱，我生日想一家四口出去食個飯都困難，希望呢個疫情快d完結 !

鹽焗雙蛋(鵪鶉蛋+雞蛋)

 天氣一凍街頭一定會見到有炒栗子同鹽焗蛋賣，天凍食呢d熱辣辣嘅野真系特別正，突然間想食焗鵪鶉蛋，但又唔想出街買，哈哈…… 我從未試過自己整鹽焗蛋的，早幾日買餸時見到d鵪鶉蛋都抵，13蚊一盒，22蚊2盒，咁抵更系買2盒喇，買定放系屋企，等放假就自己試吓焗，上youtube打鹽焗鵪鶉蛋就有好多人分享影片出黎教人，最簡單就系純用鹽去焗，另外亦有些加佐香料落去的，我喜歡食濃味野當然加埋香料落去焗喇，因為花椒八角呢d野我屋企系長期有存貨的，做法亦超級簡單，就系用白鑊炒香d鹽同香料，炒到d食鹽變色就可以，煲底先加一層厚鹽放蛋之後又再放鹽盖住所有蛋加盖，用中火燒5~10分鐘，放涼就可以拎起d蛋黎食! 自己焗經濟又實惠又乾淨，真系正!

五指毛桃鮮淮山栗子響螺頭湯

昨晚煲呢個五指毛桃湯好好飲，啖湯好濃郁同好鮮甜，我第一次買乾響螺頭煲湯，系街市買雲耳時見佢好靚，阿姐話呢d響螺頭煲湯好正架，你成日幫我買野我認得你我平小小俾d你試，你試佐先，鐘意下次先買多d，我230半斤俾你，未買過就買小小試吓喇，佢詒呢款系美國響螺晒乾嘅，叫我唔好買大大隻果d，好大隻果d系大陸螺晒乾的，得個大字佢煲d湯無咁鮮甜的，見阿姐咁講所以我買佐半斤230蚊試吓，我琴日系天瑞街市見到我買呢d乾響螺要650蚊一斤呀，領展買野真系特別貴過人，琴晚好簡單煲個湯，炒個菜，其他2個餸都系酒樓買嘅，哈哈，快靚正! 因為疫情酒樓生意麻麻所以都推出好多好抵食嘅餸菜出黎做外賣，真系抵食，成盒咕嚕肉58蚊，依家去街市買50蚊豬肉無幾多架咋 ! 

洋蔥木耳榨菜肉絲上海麵

 😋洋蔥木耳炒榨菜肉絲😍好香呀~ 🤤 前一日夜晚炒定第二日起身煮個麵就可以加d落去食😁 我自己鐘意一次過炒多d用玻璃盒裝住放雪櫃可以慢慢食 💯 朝早起身煮個米粉或者麵加小小落去好好味架，我兩個小朋友好喜歡，佢除佐配粉麵一齊食之外仲可以做餸，我間唔中都整嘅，但好似好小記錄低，呢個榨菜肉絲用黎送飯食超級正架，唔洗多小小就可以食到一大碗飯架!

田園燒烤樂 , 親親大自然 !

原本上個月頭計劃好5~6號拎孖day同小朋友去長洲或者大澳玩吓嘅，點知個疫情又突然間勁佐好多，唯有取消，改同朋友去流孚山食海鮮，點知過佐幾日又突然個疫情又黎大爆發，佐政府又黎個2人限聚令，咁……即系叫我地唔好去酒樓食喇，咁朋友建議話不如去菜田果度燒烤，果度系自己地方又够大又空曠，燒完又可以去摘下菜，去菜田度輕鬆吓都唔錯架，咁唔洗諗，一於去菜田燒烤呼吸吓新鮮空氣人都精神d~ 我叫兩姐弟一齊去，佢哋竟然話無興趣，唔去，叫我哋自己同朋去，佢哋唔去，咁我地就幾個人去燒吓野食傾吓計，d時間過得好快~ 燒完烤走去摘佐小小菜，我見朋友種佐好多斑蘭葉，我摘佐d走，老公就摘佐d油麥菜，摘完眨吓眼太陽又要落山，  我哋嗱嗱林清理好現場，执埋d野咁就差唔多要走喇，因為一入夜菜田就會有好多蚊，唔走會俾蚊咬死，所以太陽落山我地就要準備定拎野走人~ 

四川麻辣臘腸炒莴笋

 雙十一系淘寶買既四川麻辣臘場，好正，我自己好喜歡佢陣煙燻味，又香又麻又辣真系好好食，岩晒我口味，又唔會好成，唔拎黎炒野蒸熟就咁食原汁原味特别香，我自已系帶飯返工的，我食飯時同事走黎問我你今日食咩餸好香呀我話食四川麻辣臘腸，你拎用牙籤拮d黎試吓，同事試佐2塊話好好食，又麻又辣好正辣得好過隱喎，哈哈~ ~ 真系好好食，無買錯，食完值得再買，得閒我要試埋四川臘肉先!嘻嘻…… 冬天我自己好喜歡食臘腸臘肉架((*∩_∩*))

 

藍妹啤酒炆豬腳

行街見到佳寶d急凍豬腳好抵，3磅都唔洗30蚊，真系超級抵，我之前買新新鮮豬手豬腳黎煲薑醋一隻豬手都要成50幾蚊，之前煲嘅薑醋吃晒d豬手薑同蛋，净返一大碗醋，諗住急凍咁平就買d返去用剩餘嘅醋煮埋佢，點知俾我上網見到有人介紹用啤酒炆，人地炆好望落個樣好正，於是乎我又跟人試一試，咁岩雪櫃有一罐藍妹啤酒系老公之前飲剩嘅，於是順理成章拎佐罐蓝妹啤酒黎炆蹄😁 一滴水都唔洗加就系純用啤酒黎炆，炆出黎的味道果然唔錯👍好吃😋滿滿骨膠原，好正😍

吞拿魚粟米碎蛋三文治，我嘅新玩具

呢個星期我好喜歡用我系淘寶買返黎嘅新玩具黎整早餐，呢排食多佐三文治，哈哈……呢部機細細部又唔阻地方，我好喜歡佢，佢烘包好快，好有效率，第日得閒再玩埋個格仔餅模同冬甩模，嘻嘻~