菜乾蠔豉燒豬骨粥

 秋天要防肺燥，最好煲些金、銀菜湯或粥，又或清潤湯水飲用等，天天氣涼涼地食碗熱辣辣嘅粥真系好舒服，今日呢款粥下火一流，可以清肺熱，喉嚨唔舒服煲呢款粥食用超級正！

煙肉腸仔蘑菇香蒜芝士白汁意粉

放假煮返個意粉食吓先，我喜歡買金寶呢d罐頭濃縮白汁黎煮嘅，佢有好幾款味道的，整體都唔錯，我最鐘意買芝士白汁，佢簡單方便快捷之餘又好味，真系好正！

醬燒金沙骨，蒜香豆乾炒浦瓜，炒飯

好耐無買金沙骨黎食，見街市d金沙骨幾靚就買d黎整吓燒排骨，太耐無食突然覺得好好味好正，甫瓜平時我見得多，但未買過黎食，今次系我第一次買黎煮，食落個感覺都幾特別，唔錯，再黎個簡單炒飯，搞掟，咁又一餐喇! 

煙肉鮮蘑菇香蒜薏粉

成日食飯食得多都有d悶，今日黎個簡單嘅煙肉鮮蘑菇炒意粉，已經好好食，好正! 

榨菜肉絲煎蛋烏冬

😆今日我同家姐細佬嘅早餐+午餐一齊食🤣 ，😋榨菜肉絲煎蛋烏冬😋 簡單好味👍正…… 

章魚丸子海鮮忌廉芝士白汁螺絲粉

成日煮飯食，食飯食到悶悶地簡簡單單系超市買罐金寶湯意粉醬咁樣整個白汁螺絲粉食，加埋一d自己喜歡嘅材料落去，系咁煮一煮佢，真系好好味，好味過出街買果d白汁意粉，餐廳買果d白汁意粉有時貴得黎系超唔好食，真系好好食果d又好鬼貴喎!

鎐柱滑雞粥

 太耐無煲粥食，見有雞系雪櫃度一於拎半邊雞出黎即時煲粥做早餐食，阿仔同阿女唔食粥，所以今次煲得唔多粥，半煲就够晒我兩公婆食，因突然話煲粥關係所以無買油炸鬼，牛脷酥同炒麵，净系食粥就算，仲要系一人兩大碗，哈哈~ ~ 系咪覺得好誇張呢，真系一d都唔誇張架，我同老公真系一人食佐2大碗，我兩個真系好喜歡食粥架 ! 食完果吓真系好滿足同好飽，去完兩次廁所之後………好快又肚餓，因粥系易消化d !

鎐柱滑雞粥

李子柒柳州螺絲粉(加辣加臭版)

自從系淘寶買過螺絲粉食之後我同一對仔女便愛上了，酸酸辣辣真系好好食，但系我老公極唔喜歡，佢話好臭喎，哈哈~ 淘寶上面嘅螺絲粉有好多牌子，我食了好幾款，最終都系喜歡食李子柒呢個牌子，佢嘅味道好岩我同阿仔阿囡食，同埋佢有好多配料，細佬唔食得太辣，佢食嘅時候就只會小小辣油就算，阿囡同我食得辣d，我成包辣油加晒，好正架! 我之前一直買黄色包裝黎食，但俾我見到有紫色包裝系加辣加臭版我更加要試，不得了，紫色呢款更加正，好好味辣得好過引，哈哈~ 雙11做優惠時我一系唔買一買就買佐幾箱，我一放假就間唔中會煮黎同對仔囡食，食佐一段時間，但無寫出黎，嘻嘻……今日食完又得閒就寫吓，食完下次再買……🤣🤣🤣

韓式泡菜炒飯

用自已醃製嘅泡菜拎黎炒飯真系好正好香，呢個炒飯材料好簡單，用自製泡菜切碎，魚蛋切粒，豆腐乾切粒，雞蛋，韓國辣醬，大火炒至乾身即可，好簡單架咋，呢個韓式泡菜炒飯每一粒飯都沾滿泡菜味，辣辣地好惹味，老公同阿仔囡都大讚話好好味!叫我得閒再炒……

鰻魚炒飯

日式鰻魚炒飯，系我第一次炒呢個飯，味道真系唔錯，本身我對鰻魚真系一般般，但系我老公同阿細佬就好鐘意食嘅， 我見冰箱仲有幾條鰻魚(老公買嘅)， 於是我拎佐1條黎炒飯俾佢哋食，佢哋話個個炒飯好食，我又試佐小小覺得唔錯，俾想像中好，拎鰻魚黎炒飯炒完出來我又覺得d鰻魚幾好味喎 ，可能系我自己親手炒嘅問題呱，哈哈……真系覺得特別好味 ! 如果叫我純粹食鰻魚，我食一啖就算，鰻魚我真系一般!

洋蔥木耳榨菜肉絲上海麵

 😋洋蔥木耳炒榨菜肉絲😍好香呀~ 🤤 前一日夜晚炒定第二日起身煮個麵就可以加d落去食😁 我自己鐘意一次過炒多d用玻璃盒裝住放雪櫃可以慢慢食 💯 朝早起身煮個米粉或者麵加小小落去好好味架，我兩個小朋友好喜歡，佢除佐配粉麵一齊食之外仲可以做餸，我間唔中都整嘅，但好似好小記錄低，呢個榨菜肉絲用黎送飯食超級正架，唔洗多小小就可以食到一大碗飯架!

蔥油拌麵(刀削麵)，自制蔥油

💃 自家製作蔥油，用黎撈麵吃，做法超級簡單，但好好味，蔥油實在太香了 ! 除了撈麵或烏冬之外，亦可以淋上已蒸熟的海鮮，魚肉 ，雞肉上面伴食用 ! 真系超級香 ! 😋

蝦子小蝦米酸豆角火腿蛋炒飯

 今日放假~ 又黎早餐+午餐一齊黎，快靚正~ 哈哈……

🍳蝦子小蝦米酸豆角火腿蛋炒飯😋😋每一粒米飯都沾上蝦子🦐非常香👍非常好味🥰  👫我兩個小朋友好喜歡食呢個炒飯😍 大家喜歡就試吓炒呢個飯黎食吓喇，真系好正架！

花生眉豆蠔豉菜乾紅蘿蔔咸豬骨粥

花生🥜眉豆蠔豉🌱菜乾🥕紅蘿蔔🍖咸豬骨粥🥣

🤨有無人同我一樣鐘意食呢款粥🤔 

🤗今日放假早餐 + 午餐🤫 一齊食~ 😋正 👍

芝士白汁雞扒意粉

持續受疫情影響，香港好多行業都大受打擊，我哋公司都唔例外，2月份仲講緊可自行申請放無薪假，申請條件系要先放佐一半年假才可以申請，我地已有同事申請佐放，但我完全無興趣申請，疫情一直有增無減生意一日不如一日，半個月唔够公司已轉佐決策了，我唔想實行的事情己確定了，公司出通告話為了共渡時艱我哋公司上下已決定實行放無薪假了，一見到個更表真系不得不嘆氣，呢排成日放假放到人都癲，希望呢個疫情快d完結!!! 

唉！講返正題先，成日煮飯食，食得多食到悶悶地，今日煮返個白汁意粉食吓先，一人一碟唔洗煩，煮呢個意粉好簡單，買罐頭白汁，自己加小小材料落去，煮吓佢咁就可以了，味道唔錯㗎!

咸湯丸(附食譜)

今朝早老公訓系床問我一陣煮咩食，我答佢唔知煮咩好，俾我訓多一陣，再諗吓煮咩先轉頭答，訓醒俾我諗起新年前整年糕用仲剩佐一包糯米粉，費事d粉放得耐有"焊'' 味，唔諗咁多今日一於用糯米粉煮咸湯丸食，^^好好食的~ 同埋做法其實都好簡單，湯丸配料亦好隨意，雪櫃有咩放咩就可以，無特定配料的，配料最緊要自己喜歡食! 阿囡一起身問我食嘜，我叫佢自己睇，佢一望就話大雜會呀嘻嘻，媽咪你今日又黎一次過早餐+午餐一齊食呀哈哈，我答佢系呀，我呢排懶呀嘛，唔想煮完早餐晏小小再煮午餐，所以一次過煮多d早餐食完晏d又可以食! 快~靚~正~呀~

菜乾紅蘿蔔排骨粥，粉腸皮蛋豬紅粥

好耐無煲粥食了........ 

遊船河

放假放埋今日呢個暑假就完滿結束了，時間過得真系快，眨吓眼兩姐弟天日又話要返學囉，趁返學前一於要玩盡佢，老公早幾日帶我地同佢d朋友一齊去遊船河，遊船河當日(28號)天氣都一般，因颱風帕卡嘅影響，個日都落佐好耐雨，好在我地落海玩水果時停雨，落海玩都玩佐成2個鐘，玩完上返船隨即又落雨，哈哈! 個天對我地真系唔錯停雨俾我地落海盡情咁玩 ! 兩姐弟第一次遊船河超興奮，整個行程兩姐弟最開心就系落海玩水，哈哈~ 遊船河我地整佐鮮茄肉醬意粉，其他朋友整雞翼，豬扒，糖水，沙律，小食等等……最後d食物都食唔晒，要每人拎d返屋企😄

蝦醬餐肉雜菜蛋炒飯，冬菇昆布蜆肉湯，花生海蒂綠豆沙糖水

琴日掛10號颱風，隻【天鴿】攪到我無得返工，又揾少幾百蚊~ 見得閒無事做就煲吓糖水食打發吓時間，打風更系唔去買餸喇，系無買餸嘅情況下當然系去雪櫃揾野煮，餸就無麥，見冰箱仲有雜菜，下格有一大碟冷飯，唔洗諗一於炒飯食就算，煲糖水時浸多佐昆布，所以拎想一半用黎滾一個簡單嘅昆布湯!

豉油皇炒河粉

一個月話咁快就完，呢個炒河粉系上星期日炒的，老公無啦啦話想食炒河，我話買外賣返屋企食，佢話街買嘅唔系咁好，老公佢話街買果d太多油唔健康唔好食，叫我自已炒，唉！炒河粉真系有點煩…… 事實上自己炒真系無咁油同健康d，算喇，反正我自已都鐘意食，一於炒多d當晚餐，阿女好鬼煩，我話晚餐食炒河粉，佢即問我系咪有韮菜同芽菜，我話系，佢即叫我裝起一碟無芽菜同韮菜嘅俾佢，哈哈!