金銀蛋肉碎節瓜湯，香煎三文魚，荔枝，大節瓜

今晚呢個滾湯好好飲，奶奶昨日拎佐一箱荔枝同埋一個大節瓜俾我，所以今晚就拎佢黎滾湯，今朝買ge三文魚好大塊呀，咁大塊都系5O蚊咋，煎香加小小甜豉油食真系好正！有一大盒荔枝我有排食，爽呀……我好鐘意食荔枝架，哈哈！

欖菜肉碎炒豆角，咸魚蒸肉餅，煎紅肠

炒親豆角我最鐘意用欖菜炒，用佢黎炒特別惹味，雪櫃有小小唐芹用净所以放埋落去炒，加佐唐芹炒香好多，好好味！咸魚肉餅用黎送飯真系一流，唔洗講！紅肠系煎黎俾两個小朋友食的。

回鍋肉，煎釀三寶，海鮮炒西芹

上星期煲蔬菜湯剩佐半個椰菜，系冰箱揾到一舊仔已經熟佐嘅腩肉，諗住用腩肉炒就算，突然諗起回鍋肉呢個餸，所以自己嘗試下炒，點知炒出黎出奇地好味，原來豆板醬炒椰菜系好好味，老公都話碟椰菜炒得好惹味，仲有至愛煎釀三寶，可惜佢唔多鐘意西芹(¬_¬)"

香辣豆豉蒸䱽魚，罐頭鯪魚炒菜芯，原粒辣味豆豉

前幾日朝早系新北江行過見到有個人賣雜貨的，我見佢d乾玫瑰花同埋茉莉花好靚，於是買10蚊，見佢仲有d乾果，佢仲介紹d原粒豆豉俾我，佢話豆味好香叫我試下，我試佐一粒確系好香，佢問我鐘唔鐘意辣，我話鐘意，佢話如果你鐘意辣你買呢種我自己炒過的黑豆豆豉，蒸野炒野撈麵食真系一流，好多師奶幫襯過吃完又再返黎幫襯我，於是我就買佐一包返屋企試，早2日拎佢黎蒸魚，真系好正，有小小辣但小朋友都吃到，真系好好味，阿女系咁揀d豆豉黎吃，哈哈…

甘筍青瓜咖哩肥牛卷，蠔油蝦米蚊節瓜，咖哩肥牛，大節瓜

今晚呢3碟餸都好正，平時金菇肥牛卷就包得多，但今次呢個甘筍青瓜肥牛卷，真系第一次包咋，真系好正，好好味，煎熟佐d肥牛原來入面d甘筍同青瓜咬落去仲系爽口嘅，加埋包即食咖哩做汁就更加好味，見有肥牛用剩我就加小小咖哩汁一齊炒，又系好好味，d節瓜仲好食，系奶奶自己種架，都好大個，我分佐2餐先煮完個節瓜，自己種真系好食d，拎黎煲湯，炆，炒都一樣好食！

日式咖哩肥牛，小唐菜，超抵雪糕

前晚老公唔系屋企吃飯，我就求其煮2碟就算喇，两個小朋話d咖哩好好味喎，阿仔就專揀肥牛黎吃，而阿囡就唔食肥牛專揀西芹紅蘿蔔黎吃，佢两個真系絕配……哈！月頭行百佳見到Haagen Dazs做特價，真系好抵，我即刻買佐返屋企！

魚條韭菜花炒蛋，香煎蒜香雞翼

今次買佐3扎韭菜花好嫩，切小小就可以炒黎食，我試過買d韭菜花好鬼老，切佐一隻手指咁長都老，完全唔好食，好左今次買呢d好好，唔知系咪當造ge關係呢！煎蒜茸雞翼簡單好味，就系用簡單調味料去醃一晚，用蒜粉，鹽，生抽，辣椒仔醃一晚已經好入味，用平底煎pan煎一滴油都唔洗用，用細火煎熟就搞掟食得！

蛋黃咸肉糭 @ 2015

仲有幾日就到端中節喇，原本今年唔諗住包糭的，早幾日阿仔突然問我媽咪你知唔知2O號星期六系咩節日，我話應該系端午節，佢話系呀……端午節老師話系食糭的節日黎架，你會唔會包糭俾我食呀，我話：應該唔包，阿仔話：媽咪你包俾我食喇，我鐘意食你包ge糭，但系要無咸蛋同埋少d豆好嗎？聽完佢講我咪包小小囉，特登包6隻細細隻無咸蛋同少綠豆俾佢两姊弟，昨日包好新鮮熱辣辣俾佐4隻大ge奶奶，阿囡放學返屋企吃一隻大，謙謙臨吃飯前話肚餓，叫我俾佢食一隻無蛋黃BB糭，老公去完街返屋企一次過吃佐2隻有咸蛋糭，佢話好味喎！見佢地吃得咁滋味，就算包得幾辛苦都值得！今次試包呢款形狀真系好難包，包佐好耐，個幾鐘先包果10條，五角糭仲衰試包佐2隻足足包佐半個鐘有多……唉…… 最後果4隻BB糭我都系包返長方形就算！

滷水汁雞脾仔，蒜蓉腐乳通菜，火腿帶子雜菜炒飯

滷水雞脾做法簡單又好味，8隻雞脾先25蚊，又真系幾抵食，两個小朋友話呢d雞脾仲好食過雞翼喎，最主要系得一條大骨，其餘全部啖啖肉！所以佢两個好鐘意(^ω^)

田灌草涼茶，鮮茄蘑菇肉醬天使麵

今日終於得閒煲呢個涼茶，因為d田灌草同竹蔗上星期四奶奶俾的，系奶奶自己種的，所以果扎田灌草放佐咁耐都仲系咁新鮮，放佐系雪櫃幾日都唔願煲，哈哈…… 今日下午問佢两個今晚食飯定食麵，佢两個一齊揀食麵，見仲有包天使麵放佐系度好耐，所以今晚就煮佢！

青紅蘿蔔粟米栗子湯，焗咸豬手，焗雞翼，蒜蓉白菜仔

極小極小買青蘿蔔煲湯，記得阿媽講過青蘿蔔系一種破氣食物，盡量唔好買黎食，如無記錯今次好似系我第二次買，一切開條青蘿蔔見到好多白色野我以為系壞佐，跟住問其他媽咪系咩事，點解有咁多白色野，佢地話系咁樣，唔系壞，所以放心拎佢黎煲湯，煲完d湯好清甜好好飲！今次煲湯完全唔洗落鹽，事關我拎佐隻咸豬手放佐落去煲，所以d咸味落晒去d湯度！咸豬手煲腍之後拎起再拎去焗爐焗3O分鐘就會香口d，好食d，見焗開豬手，順便焗部分雞翼食，哈哈……

金黄炸魚柳，蛋白粟米肉粒，上湯生菜

識我ge人就知我系唔多鐘意食魚，我買襯的魚都系整俾两個小朋友吃的，呢款魚第一次買，質地都算唔錯，好似3O蚊一包，試得過……

蒜香黄金蝦，冬瓜粟米芫茜蛋白肉片湯，蒜茸豆豉蒸豬肉，自家釀梅洒(2O13年浸)

今晚的晚餐，清雪櫃是也，哈哈……呢盒蝦系新年買架，嘻嘻(^_-)…… d肉同埋蔬菜都系早幾日買的，所以今晚清一清個雪櫃！今日净系買佐2隻咸蛋咁大把，2隻咸蛋就可以整2款菜式，咸蛋黃就整蒜香黄金蝦，咸蛋白就滾冬瓜湯，呢d天氣我最鐘意滾瓜菜湯，有啖湯消下暑真系好鬼正架！老公今日放假，所以整返杯冰凍梅洒嘆下……hehe(^e^)

燒豬頸肉雜菜沙律，芝麻醬/冷辣醬烏冬，煎三文魚，風扇仔

昨晚無煮飯，吃冷烏冬，天熱吃呢d凍野，真系好舒服，好凉爽……上星期日謙謙同學仔媽咪北上去東門買野，佢見到d風扇仔好抵，37蚊一把咋，系香港好多地方都有得買，但賣得都唔平，普遍見到5o~70左右，見37蚊把咁平，我就叫佢幫我買2把，俾两姊弟用，因為呢d天氣去接放學真系好鬼死熱，有佐佢就無咁辛苦喇！

牛蒡粟米紅蘿蔔椰子湯，煎封三文魚，火腿扒炒西芹，口水雞

今晚就系3餸1湯，呢排懶無麥點煲湯，所以今朝即刻買黎返屋企煲湯，系冰箱揾雞腳時揾到一袋椰子，於是又放埋落去，依家d三文魚又貴佐，今日叫魚檔切一塊，唔大但都要45蚊，盈盈話我今次煎得靚同好食，d魚肉仲滑，唔鞋，因今次煎ge時間快，系咁煎两面入面仲生即上碟利用餘温整熟，所以唔鞋d肉好嫩，佢两個仲叫我留一半天日放學食！盈盈好勁同我一齊吃口水雞，佢又話辣得好好味，我叫佢唔好食，但佢系都要食，仲要一路食一路飲水，哈哈………