2021年11月26日星期五

川貝陳皮燉檸檬

呢個燉檸檬一年四季都岩飲,可以一次過燉多d慢慢飲,有時喉嚨乾涸又或者有輕輕咳都可以做到舒緩作用嘅,呢個燉檸檬系超濃縮的,就咁不黎食都得,加水沖泡飲用,凍熱水都得,當然想功效好最好系用熱水沖喇!功效 :止咳,化痰,潤肺,理氣,滋潤喉嚨 ,記住我今日介紹呢個燉檸檬并非藥物,純粹是保健飲品 !

2021年11月17日星期三

麥冬蘋果雪梨石斛雪蓮果湯

呢幾日喉嚨有d乾,今日放假煲返個清潤湯水滋潤一下身體先得😊 呢個湯好清甜好滋潤,唔錯,好飲!

2021年11月14日星期日

菜乾蠔豉燒豬骨粥

 秋天要防肺燥,最好煲些金、銀菜湯或粥,又或清潤湯水飲用等,天天氣涼涼地食碗熱辣辣嘅粥真系好舒服,今日呢款粥下火一流,可以清肺熱,喉嚨唔舒服煲呢款粥食用超級正!

2021年10月31日星期日

老公同事屋企打邊爐+蒸氣鍋

 感覺好耐無打邊爐了,琴日老公同幾個好老友嘅同事話打邊爐,我就要返工嘅,放佐工就自己搭車去老公同事葵芳屋企,而老公阿仔阿女同另一同事就去荃灣買海鮮食材同處理海鮮,屋主老婆就買丸類同蔬菜,一路食野一路傾計,玩到12點幾先走,哈哈……返到屋企都1點幾了,嗱嗱林去冲涼訓覺(*^ω^*) 老公同小朋友繼續放假,而我就要返工嘅(*'へ'*)

2021年10月29日星期五

竹芋粉葛紅蘿蔔粟米栗子豬脷湯,蔥油豬脷,蠔油炒西芹

 早幾日見到街市有竹芋賣,於是買佐3條,見d粉葛都好靚,細細條正常系好嫩,突然想食豬脷,一於一齊買埋返,今日放假就留系屋企煲吓湯,訓吓覺休息吓就算,無必要我系唔想落街的,依家好多時一次過買幾日餸,懶得日日去街市…… 

2021年10月26日星期二

肉絲炒紅蘿蔔,火腿炒青瓜,煎豬扒

 簡簡單單嘅家常餸菜,越簡單越好味,例如今日炒呢個炒紅蘿蔔絲,簡單咁用蒜頭爆香肉絲跟住放紅蘿蔔絲落去一齊炒至軟身,最後加小小鹽,麻油同芝麻粒落去炒匀即可,好香好好食!

2021年10月22日星期五

香芋臘味糯米飯

 🍂🍂秋風起又系時候吃臘味喇😬今日整返一煲香芋臘味糯米飯食下先,一開飯煲盖就閒到香噴噴芋頭香味同臘味嘅香味味~ 有味飯真系好好食,臘味其實好隨意的,你喜歡咩臘味都可以放落去,我今次放臘鴨脾,瑶桂臘腸,香芋,粘米與糯米系2比1,糯米唔需要浸嘅,直接煲,同平時煮飯一樣,只系煮佐一半時間就放材料落去繼續煮到飯煲好,最後加小小煲仔飯豉油落去撈勻即可以食!

2021年10月15日星期五

煙肉腸仔蘑菇香蒜芝士白汁意粉

放假煮返個意粉食吓先,我喜歡買金寶呢d罐頭濃縮白汁黎煮嘅,佢有好幾款味道的,整體都唔錯,我最鐘意買芝士白汁,佢簡單方便快捷之餘又好味,真系好

2021年10月14日星期四

藍苺香蕉鬆餅,乳酪朱古力鬆餅

同一星期出現2個颱風🌀🌀⚡🌧🌩颱風【獅子山】完佐之後跟手又黎一個颱風【圓規】,勁呀~ 🤔幾時黎個榴槤颱風呢? 哈哈……

打風唔好周圍去,最好留系屋企整吓野食睇下電視訓下覺,咁就最好喇,😁今次整鬆餅唔洗打蛋器好方便嘅,全部野撈匀就搞掟,就系咁簡單😆預熱焗爐先,再200度焗15~20分鐘(視乎焗爐溫度而定)💥撈粉時記得輕力撈到無乾粉即可以👩‍🍳過度用力撈d粉會起麵筋到時個鬆餅就唔鬆軟架👌,😅今次無特定份量,我憑感覺🤣 亂咁黎,我幾驚失敗…點知又成功佐😅😛份量一包熱香餅粉,2小匙羹泡打粉,2只蛋,小小粟米油,3條香蕉壓成蓉,3份1盒奶,小小黄糖,藍梅乾適量 (其實可以唔加黄糖都可以) 


2021年9月29日星期三

紫薯椰奶西米露

🍠🥥🍼紫薯椰奶西米露😋
💕第一次煲呢個糖水…
呢個顏色好靚😍😍😍 
🤗好睇又好食👍好正!