藍苺香蕉鬆餅，乳酪朱古力鬆餅

同一星期出現2個颱風🌀🌀⚡🌧🌩颱風【獅子山】完佐之後跟手又黎一個颱風【圓規】，勁呀～ 🤔幾時黎個榴槤颱風呢？ 哈哈……

打風唔好周圍去，最好留系屋企整吓野食睇下電視訓下覺，咁就最好喇，😁今次整鬆餅唔洗打蛋器好方便嘅，全部野撈匀就搞掟，就系咁簡單😆預熱焗爐先，再200度焗15~20分鐘(視乎焗爐溫度而定)💥撈粉時記得輕力撈到無乾粉即可以👩‍🍳過度用力撈d粉會起麵筋到時個鬆餅就唔鬆軟架👌，😅今次無特定份量，我憑感覺🤣 亂咁黎，我幾驚失敗…點知又成功佐😅😛份量一包熱香餅粉，2小匙羹泡打粉，2只蛋，小小粟米油，3條香蕉壓成蓉，3份1盒奶，小小黄糖，藍梅乾適量 (其實可以唔加黄糖都可以) 

好鬆軟，有好香嘅香蕉味，正！

13號好彩颱風圓規系4點後先落波姐，咁我就唔洗去返工嚕，我地系8號波系4點前落波系要返工的，系4：01分後落波就唔洗返，哈哈…… 呢個鬆餅系挂8號颱風下的早上而整嘅乳酪朱古力鬆餅，我覺得放得唔够多乳酪，若下次再整嘅話，我唔放奶，要放多d乳酪應該會更好味d，同埋可以放少d糖，因為d朱古力粒都有d甜，我個人認為搞到個鬆餅甜佐小小，但阿仔阿囡就話味道岩岩好，唔會過甜喎! 我個人喜歡用香蕉黎整好味多d，香好多，但小朋友就喜歡我用朱古力粒去整！

依然好鬆軟，好好食！