昨日下午同两姊弟去街市時見到有椰皇賣，又唔系話好貴20蚊4個，加上我地一家四口都鐘意飲，一於買返4個返屋企，老公同两姊弟一人飲佐一個，净返我個一個未飲，突然諗起上次同奶奶去飲茶時老公叫佐幾個椰皇燉蛋白俾我地食，仲要唔平喎(>_<)如果我無記錯應該系成30蚊一個，佢都幾大個，系好味…但系唔夠滑，佢可能蒸得耐，d蛋白有好多窿窿！咁我見佢地3個飲晒我就留返我果一果d椰皇水試下整，因為系第一次整，唔識……所以上youtube睇下人地點整，跟住我就試整，最後都好成功，出黎效果好靚，又白又滑又香，好掂，可惜唔够甜，淡佐小小……嘻嘻……(^o^)但系我都好滿意我自己ge作品，真系好滑好香！
等佐成個星期，終於可以去拎新煲喇，好開心呀！好彩老爺下午揸車車我出去拎煲咋，否則我會身水身汗同埋拎死我，原來個煲都幾重下架！
蒸得真係好靚好滑!
回覆刪除智能煲真係好好用架?見你已用第二個，其實我覺得而家要睇火好鬼煩，雖然用電磁爐可set時間，但有貓都係要坐定睇住，掙扎緊買智能煲定高速煲好，不過無時間做research。
我鐘意用智能煲，煲湯又快又慳電，炆野好快腍，唔洗睇火之餘仲慳到好多電費和煤氣費，同埋天熱時煲湯唔會成個廚房都熱辣辣，我覺得好好用，系大型商場買智能煲或高速煲都貴架，見萬寧咁平就有得换，加上阿仔同學媽咪俾佐d印花我，咁我未换囉！
刪除查實椰青同椰皇有咩分別？
回覆刪除呢個係咪壓力煲呀？
椰青大個好多同埋入面有好多水，椰青水同椰皇水ge味道系有小小唔同架，我自己鐘意飲椰皇水多d呀(^o^)
刪除系……其實呢個系多功能煲，亦系智能高速煲，佢系壓力煲，電飯煲，炆燒煲，湯煲，亦可以焗蛋糕架 ^^
嘩﹗有個大廚媽媽真有口福，看一看Youtube就弄到香滑美味的鮮奶椰皇燉蛋白, 我都要試試, 我喜歡吃燉蛋。
回覆刪除快d試喇……又白又滑又香～真系好正呀！比起出街食平好多同靚好多架 ^^ 甜度可以自己去調教，蒸果時一定要蓋微波爐保鮮紙！
刪除真係又白又滑呢~~
回覆刪除系呀，真系好正哦！你都試下整呀，簡單過整麵包……嘻嘻^^
刪除謙盈媽咪你好,
回覆刪除SeeWide特搜網是一個全新互動生活分享平台，集齊各地遊山玩水好去處及講玩、講食、講扮靚、講生活，讓大家分享不同的生活體驗。
你的網誌十分切合我們網站主題，內容及相片也很有質素，請問可否讓我們轉載網誌內的相片及內容？(會注明出處及不作改動)
我們的目的，是盡力網羅優質的相片及內容，建立一個包含豐富生活資訊的玩樂休閒分享平台，讓一眾志同道合的網友可更輕易獲得寶貴的參考資料。現階段，SeeWide 已擁有超過十萬篇生活攻略，瀏覽量亦超過數十萬。
希望你能成為我們平台的一份子，助我們更有效地集結各樣不同的好玩好食生活資訊！
另外，我們亦設有「稿費」制度，透過發表文章所累積的本地瀏覽量，即可兌換稿費！
而我們亦可以你的名義，將稿費捐到香港宣明會，或你指定的慈善機構
詳情可參閱：http://www.seewide.com/space.php?do=help&essay_id=22#001
如有任何查詢, 歡迎電郵至: info@seewide.com
oK……謝謝！
刪除謝謝你同意讓我們轉載網誌內的文章，我們已替你在SeeWide開設帳戶, 並已經進行轉載了！
刪除如你希望取得有關的帳戶資料以回應留言、編輯文章或處理其他事宜等，歡迎你隨時發電郵到 info@seewide.com 與我們聯絡，謝謝。
又白又滑嘟嘟，睇見都流哂口水~~~
回覆刪除哈哈……小月你都整黎吃呀，真系好正！
刪除我都好耐冇整過btw$20 4個平得太過份啦
回覆刪除今日我系元朗見到好大個椰皇，3個都系賣20蚊咋，真系好平……可惜我下午買ge野太重，無辦法再拎椰皇(╯з╰) 最後放棄無買……哈哈
刪除