鎐柱臘味蘿蔔糕

送馬迎羊，過埋今日就系新一年羊年農曆年初一喇！我系呢度提早同大家拜年，我祝各blog友：新年快樂！身體健康！洋洋得意！萬事勝意！

昨日終於都整好佐蘿蔔糕，整佐6斤蘿蔔，d蘿蔔好靚，系奶奶自己種的，佢賣俾人10蚊斤，見我話要整蘿蔔糕佢就留佐10斤俾我，但我要佐6斤，其實我今年一早同老公講佐今年唔整，點知佢老友突然話初一上黎拜年要食我整的蘿蔔糕，上年整佐芝士蛋糕俾佢d老友食，老公有4個老友呢幾年都系年初一上黎拜年的，我會煮餐飯及整d野小食俾佢地食！今年亦唔例外……

黑糖桂圓紅棗薑汁年糕(附食譜)

年糕我食過好多次，但系自己親手整真系第一次整年糕，年糕其實對我黎講系可有可無的，所以我一直無整年糕，系上星期謙謙同學仔媽咪整佐一個俾我食，佢話好易整做法好簡單，我見佢整得咁過隱咁我又跟佢玩下整年糕，另整佐2杯仔試味，老公話好好食，甜度岩岩好，好正！老公仲話如果再多d薑汁會更加好食！

(如果無黑糖桂紅棗薑糖的話可以自己煲)

我首次整年糕的製成品
成功了！

新年利是封掛飾

上個月尾謙謙叫我用<新年利是封>整一個吊飾俾佢拎返學，我問佢系咪一定要整，謙謙佢話：最好媽咪整喇，你整佐我會好開心，唉……聽到佢咁講，想唔整都唔得！嘻嘻…我真系唔識整，雖有上YouTube學人整，整佐一個簡單d的，須則簡單但都整佐成晚！ 但謙謙同盈盈話好靚喎，嘻嘻……

第49屆工展會，黑糖桂圓紅棗薑母蕃薯糖水

上個月1月3號同謙謙同學仔及媽咪爸爸一齊去工展會行，嘩……實在大多野想買喇，可惜得我自己一個人拎野，依家買佐小小野都已經好重，因唔想拎得太辛苦，所以唔敢買太多，只系買佐小量野走收手了，行佐差唔多6個鐘左右，行完吃完野就走人……下年再行過，哈哈！前排仲用買ge黑糖黎煲蕃薯糖水真系好正！下次要拎黎試下做湯圓湯底，應該更加正(^o^)

香煎魚肉藕餅，肥牛炒白菜仔

上星期病成日都吃清淡餸菜，依家好返即整返d惹味香口餸菜，嘻嘻…… 好耐好耐無整魚肉藕餅，原本舊蓮藕系上星期買黎系星期日用黎整蓮藕肉餅的，但果日用佐炸菜整肉餅，所以又剩系雪櫃，昨日就買佐半斤魚肉黎整，仲加埋小小自己剁ge肉碎整魚餅，質感更好，两個小朋友話好香好好味，好正！一人吃佐4塊，d魚肉藕餅本身已經够晒味，佢两個仲要我俾埋d茄汁佢點，真系頂佢地唔順…… 星期日果碟豉椒肥牛仲吃剩小小，我又發揮慳家本色，哈哈……拎佢黎炒白菜仔，味道依然咁正！

香煎魚肉藕餅

青欖桔餅止咳湯

病佐成個星期，日日吃藥吃到口淡淡，朋友見我咳佐幾日，佢話見到網上有一款止咳湯水聽聞幾好，叫我試試，其實早两日我已經買佐龍利葉石黄皮青欖煲湯，菜檔阿姐話青欖對止咳都幾好，叫我加幾粒落去試下，我都有聽佢講買佐5蚊青欖放埋落去一齊煲，煲佐半煲分2日飲，每次飲1小碗，確系咳小佐，所以今日再買d青欖煲(買佐10蚊青欖有25粒)今次唔加龍利葉石黄皮，青欖煲出黎d湯有些小苦澀味，但我可以接受，希望飲完今次呢d湯會再好d，其實今日已經無咳，只系喉嚨間唔中有小小痕，唔系咁舒服咁囉…

有輕微澀味(^_-)

豉椒味菜洋蔥爆炒肥牛，XO炸菜肉餅蒸嫩豆腐

 病佐成個星期，今日叫好得7788，但仲有小小咳，真系煩……結婚後第一次全家一齊病，真系惨！所以呢两日放假都無出街，全程系屋企休息休息……昨日同今日d餸都系上星期五買定放雪櫃ge，哈哈…… 今晚ge尖椒更加系上個星期用剩的，嘻嘻……上星期買佐2袋尖椒，奇怪ge系無一隻辣，唉……變晒種，尖椒唔辣一d都唔好食(¬_¬)  今晚炸菜肉餅蒸豆腐阿囡話有輕微辣好好味，而阿仔同老公就最鐘意碟肥牛，我两碟都系好鐘意食！

豉椒味菜洋蔥爆炒肥牛