麥冬蘋果雪梨石斛雪蓮果湯

呢幾日喉嚨有d乾，今日放假煲返個清潤湯水滋潤一下身體先得😊 呢個湯好清甜好滋潤，唔錯，好飲！

竹芋粉葛紅蘿蔔粟米栗子豬脷湯，蔥油豬脷，蠔油炒西芹

 早幾日見到街市有竹芋賣，於是買佐3條，見d粉葛都好靚，細細條正常系好嫩，突然想食豬脷，一於一齊買埋返，今日放假就留系屋企煲吓湯，訓吓覺休息吓就算，無必要我系唔想落街的，依家好多時一次過買幾日餸，懶得日日去街市…… 

沙參玉竹響螺頭雪梨雪耳西施骨湯

 入秋很易出現皮膚乾燥喉嚨乾涸等……呢個時最好就煲返d滋潤湯水或糖水滋補一下 🍂今日介紹呢款湯水系秋季必飲湯水之一 🥣 滋潤養顏，潤肺，舒緩皮膚乾燥 ~ 此湯水香甜濃郁，好好飲架， 材料如下：西施骨，乾響螺頭，乾紅螺肉，新鮮雪梨，乾雪梨，沙參，玉竹，雪耳，海玉竹，百合，南北杏，無花果，陳皮 💥中醫有教秋季要食多d白色嘅食物，功效主要是滋潤為主！

花旗參石斛麥冬螺頭湯(附食譜)

 我咁大個囡第一次煲石斛湯，系我印象中我阿媽從未煲過石斛湯俾我飲，結婚咁耐我好似未見過奶奶煲石斛湯，我系藥材鋪好常到有石斛賣，但從未買過，今次系我第一次買同第一次煲，點解我會買呢？事原系咁嘅……某日我系Facebook見到「樓上」做特價，我見到佢介紹石斛嘅功效都唔錯，所以就買黎試一試，從未煲過所以上網搜尋佐石斛湯，好多都系介紹用花旗參麥冬加石斛黎煲，我見屋企有螺頭系度，一於放幾隻落去煲，煲完出黎呢個湯好好飲，好香螺味，加上我放佐d栗子落去，所以更加香甜，好正 ! 

豉油鵝，豬潤瘦肉枸杞湯，香煎牛扒

咁耐以黎第一次買冰鮮鵝黎煮，呢售鵝唔算大隻，但系好肥，肥得好緊要，驚唔系咁好食，所以先煮半隻試下先，煮完出黎味道好好，我覺得隻鵝系老佐d，因為我已特登煮耐一D架喇，但d肉都系好韌唔諗，枸杞亦系我第一次買黎滖湯，幾好飲，唔錯！

藥膳瘦肉烏雞燉鹿尾巴

上個月頭老公無喇喇唔舒服，要入廠維修，系屯門醫院住佐幾日，你知啦醫院依家疫情其間實施嘅政策系謝絕探訪(即系完全唔俾人探訪) 老公話住院果幾日辛苦之餘亦無啖好食，住佐一星期成個人瘦佐差不多10磅，唉~ 見到都心痛，見佢身體依家慢慢復元，咁就安心d，所以有時間就燉d湯俾佢補一補身！

老公生日

🥰老公生日~ 🎂祝老公生日快樂，身體健康！！！ 老公生日簡簡單單一家四口系屋企吃餐飯已經很開心很滿足了，因老公生日前一晚佢嘅老友已請佐老公同我一齊出街食放題慶祝生日了!

 

父親節快樂，章魚節瓜淮山栗子鴨腎豬骨湯

 🥂🧔🧔爸爸節快樂🎉🎉🎉 🤗祝天下所有父親都幸福快樂🥰身體健康💪開開心心💞  👩‍🍳一早煲定靚湯孝敬為家庭默默付出勞苦功高嘅老公👨再次祝天下父親父親節快樂，各位父親辛苦了!

好正嘅海鮮餐~

 🤭我今晚做無飯煮婦~🤣🤣🤣唔煮飯😅净系煮餸同煲湯~

章魚蓮藕豬骨湯

 老公近排飲湯飲上隐～ 老公話我用砂煲煲出來的湯特別好飲，又叫我煲湯…😅唉呀…真系砂煲惹的禍😆😆😆我今日又要煲湯了~

土伏伶粉葛去濕湯，XO帶子炒西蘭花，手撕雞

 近日濕氣比較重……琴日朝早濕度好高有90%，令到整個人的身體容易攰和很易皮膚痕癢今日放假要煲返一煲去濕毒嘅湯水黎飲一飲，要趕走晒身體嘅濕氣同毒素先得，為佐增強去濕效果我額外加佐生熟薏米同花豆，花豆去濕功效好好!

👩‍🍳今次煲湯材料有以下呢d ⇒ 生熟薏米，赤小豆，扁豆，花豆，蜜棗，陳皮，新鮮土伏伶，鑽地老鼠，粉葛，豬踭肉

🫕豬踭肉和土伏伶，鑽地老鼠要拖一拖水，之後將所有材料洗乾淨，加水煲2~3小時，加食鹽調味即可 !

酸辣湯，迷你馬蹄魚肉炒韭菜花，榨菜蒸脢頭豬肉

 🥣第一次煮👉酸辣湯😋………味道還可以😜 但系…🤫吃佐一半先至發現我唔記得佐放雞蛋落去😅~   😂即刻搬返入去加返隻🥚蛋先~~🤣 無得唔認自己年紀大，真系越來越無記性， 想唔認老都唔得喇~ 😄

2021牛年快樂

🥂2021🎉Happy🐮year🍻🎊 

🎉恭喜發財🥰 大年初一 ✴  

👩我在此恭㊗️大家及我嘅親朋好友系新一年👉身體健康，事事順利，笑口常開，心想事成，萬事如意，財源廣進，豐衣足食，百毒不侵，恭喜恭喜！！！💓💓💓😁😁😁💖💖💖🤗🤗🤗💞💞💞  一如以往每年一聚，老公d兄弟話要上黎拜年，同埋要食飯，所以我大年初一我又要煮大餐喇~ 早上煮多d，夜晚繼續食，年年有餘，哈哈…😊

結婚14週年快樂，海港盆菜，章魚蓮藕湯

 時間過得真系好快，眨眼間謙盈媽結婚14年喇，祝我哋結婚14週年快樂💏 ，👨‍👩‍👧‍👦一家四口繼續互相體諒，互相支持，互相包容，合作無間地🤝一齊手拖手咁幸福走下去……🥰

蒜香豆苗，七味三文魚扒，尖椒蓎芹炒四川臘味，西洋菜鴨腎湯

 放假又黎煲湯喇，今次煲西洋菜鴨腎湯，因為太耐太耐無煲西洋菜了，一於煲佢黎飲吓至得，呢個冬天我第一次買西洋菜咋，嘻嘻……同埋從未試過買呢款d豆苗黎食，佢嘅質感好似綠豆芽，但就多佐陣草青味，我地覺得一般，應該無下次～

青紅蘿蔔粟米淮山栗子響螺頭豬骨湯

早兩日放假煲佐青紅蘿蔔粟米淮山栗子響螺頭豬骨湯，用乾響螺頭黎煲湯真系好香，呢個湯真系好正又香又鮮甜，真系好好飲， 響螺頭塊奄千奇唔好掉佐佢，功效好好架， 想知功效自己上綱查吓0K ，事先清洗乾淨個響螺頭同塊奄，之後拎去浸水，浸完響螺頭d水都唔好掉，用返佢黎煲湯 ，好鮮味架，我發覺近呢幾次用砂煲煲湯都特別好飲，我認為系個砂煲的功效，用砂煲煲湯時間長d要2小時，但系佢煲出黎嘅湯系特別香濃，而平時我常用嘅鵝姐煲Primada智能煲煲湯時間系短d，煲40分鐘等於明火3個鐘，而佢煲出黎嘅湯系特別清嘅，真系各有各好處 !

2020冬至快樂，花膠螺頭燉烏雞

眨眼間又話做冬了~ 即系話好快過完呢一年，原本今日系過奶奶度食團圓飯的，因應疫情勁佐嘅關係而取消佐，咁為有我地就自己簡簡單單咁燉個湯再訂一個盆菜黎做節一齊食咁就OK了~ 

五指毛桃鮮淮山栗子響螺頭湯

昨晚煲呢個五指毛桃湯好好飲，啖湯好濃郁同好鮮甜，我第一次買乾響螺頭煲湯，系街市買雲耳時見佢好靚，阿姐話呢d響螺頭煲湯好正架，你成日幫我買野我認得你我平小小俾d你試，你試佐先，鐘意下次先買多d，我230半斤俾你，未買過就買小小試吓喇，佢詒呢款系美國響螺晒乾嘅，叫我唔好買大大隻果d，好大隻果d系大陸螺晒乾的，得個大字佢煲d湯無咁鮮甜的，見阿姐咁講所以我買佐半斤230蚊試吓，我琴日系天瑞街市見到我買呢d乾響螺要650蚊一斤呀，領展買野真系特別貴過人，琴晚好簡單煲個湯，炒個菜，其他2個餸都系酒樓買嘅，哈哈，快靚正! 因為疫情酒樓生意麻麻所以都推出好多好抵食嘅餸菜出黎做外賣，真系抵食，成盒咕嚕肉58蚊，依家去街市買50蚊豬肉無幾多架咋 ! 

蟲草圓肉花膠湯，我的新玩具-砂煲

 近日疫情確疹人數又上升返了，第四波一出現就來勢洶洶~ 大家真系要小心，不能掉以輕身，為佐要加强身體抵抗力，琴日放假即刻煲返一煲蟲草圓肉花膠湯黎飲一飲，增強吓抵抗力之餘又補一補身先得，前排雙11系淘寶買佐個8.5 L砂煲，前日收到貨，琴日即刻拎佢黎用，但淘寶買的8.5L俾我想像中細，琴日試用佐黎煲湯煲完出來的湯唔錯，用砂煲煲湯出黎嘅湯系唔同d，還好佢的容量够我一家四口飲用，隻11我已好隱手但都買佐唔少野，買得最多系李子柒螺絲粉，因為之前買過覺得好好食，我同兩個小朋友都好鐘意食，我老公則一般，所以今次一買就買佐好多，有排食，哈哈……仲買佐部小型攪肉機，格仔餅機，四川同湖南嘅麻辣臘，臘肉，嘻嘻… 等放假就拎佢哋出黎玩 ， 同埋整d臘腸臘肉黎食~ 

颱風下的晚餐~

 🌀 颱風下的晚餐~  🍚🥢🥣  熱帶風暴浪卡襲港 🌀  我放假先黎挂8號風球🙈 一D風都無3號風球都不如🤫  我呢邊完全唔似打風😆 風平浪靜我樓下d樹郁都唔郁🙃 鮑魚西生菜 🥬 韓式辣醬焗雞鎚🐥  蒜蓉焗雞脾菇 🍄 台式肉燥🥩 淮山杞子茨實燉花膠🥣