我咁大個囡第一次煲石斛湯，系我印象中我阿媽從未煲過石斛湯俾我飲，結婚咁耐我好似未見過奶奶煲石斛湯，我系藥材鋪好常到有石斛賣，但從未買過，今次系我第一次買同第一次煲，點解我會買呢？事原系咁嘅……某日我系Facebook見到「樓上」做特價，我見到佢介紹石斛嘅功效都唔錯，所以就買黎試一試，從未煲過所以上網搜尋佐石斛湯，好多都系介紹用花旗參麥冬加石斛黎煲，我見屋企有螺頭系度，一於放幾隻落去煲，煲完出黎呢個湯好好飲，好香螺味，加上我放佐d栗子落去，所以更加香甜，好正 !
你地系咪覺得下面d湯顏色深d呢，因為下面嘅湯系第一日飲唔晒，留剩一半第二日再飲，經過一晚沉澱第二日再煲返熱，所以個湯更加濃郁更加香，超好飲！
 |
| 1人得1碗…… |
材料：西施骨，乾螺頭，淮山，栗子，石斛，花旗參，麥冬，陳皮，無花果，桂圓肉，蜜棗，海玉竹
做法：西施骨要出水，粟子和淮山要去皮，陳皮浸軟刮囊，其餘所有材料洗乾淨，除佐花旗參，其餘材料凍水落，煲2.5小時，煲好前5分鐘落花旗參，煲多5分鐘，落食鹽調味即可 !
功效 ：清熱潤肺生津，健脾益精，秋燥時飲用很好石斛對經常捱夜嘅人飲用最好
註：寒性體質的孕婦不宜飲用；體質屬濕熱、寒性、陽虛者亦不宜飲用，感冒患者暫停服用或先向中醫查詢。
沒有留言 :
發佈留言