我的新玩具⇒鋳鐵鍋，煎雞扒，蠔油蝦米炆節瓜

我嘅新玩具 ⇒ 鋳鐵鑊同煎扒坑紋鍋，睇佐好耐亦考慮佐好耐先買嘅，哈哈……呢d鋳鐵好鬼重架同埋要每次用完都要做返個保養，否則就好易生銹的，我上個月系淘寶買嘅，價錢合理唔貴，用了一段時間發覺佢哋非常之好用，完全唔痴底㗎，真系好重，重得好有份量，炒野好有鑊氣，佢哋系純生鐵黎嘅無涂層的，越用越鐘佢哋地，哈哈~ 

老豆生日

上年疫情嚴重無同老豆同媽媽慶祝生日，今年疫情好返d我地就約埋一齊去同老豆食飯慶祝，一家人坐埋一齊食飯有講有笑好開心好幸福！祝老豆生日快樂，身體健康，日日都開開心心，希望疫情快d結束!

榨菜肉絲煎蛋烏冬

😆今日我同家姐細佬嘅早餐+午餐一齊食🤣 ，😋榨菜肉絲煎蛋烏冬😋 簡單好味👍正…… 

黄薑雞，蒜香豆苗

 簡簡單單，買佐一隻冰鮮雞用佢整黃薑雞飯食，呢款雞嘅肉質好結實，唔講真系以為佢系新鲜走地雞，質感好靚唔肥好好食，d皮又簿，真心正!  值得再買黎食……

土伏伶粉葛去濕湯，XO帶子炒西蘭花，手撕雞

 近日濕氣比較重……琴日朝早濕度好高有90%，令到整個人的身體容易攰和很易皮膚痕癢今日放假要煲返一煲去濕毒嘅湯水黎飲一飲，要趕走晒身體嘅濕氣同毒素先得，為佐增強去濕效果我額外加佐生熟薏米同花豆，花豆去濕功效好好!

👩‍🍳今次煲湯材料有以下呢d ⇒ 生熟薏米，赤小豆，扁豆，花豆，蜜棗，陳皮，新鮮土伏伶，鑽地老鼠，粉葛，豬踭肉

🫕豬踭肉和土伏伶，鑽地老鼠要拖一拖水，之後將所有材料洗乾淨，加水煲2~3小時，加食鹽調味即可 !

鎐柱滑雞粥

 太耐無煲粥食，見有雞系雪櫃度一於拎半邊雞出黎即時煲粥做早餐食，阿仔同阿女唔食粥，所以今次煲得唔多粥，半煲就够晒我兩公婆食，因突然話煲粥關係所以無買油炸鬼，牛脷酥同炒麵，净系食粥就算，仲要系一人兩大碗，哈哈~ ~ 系咪覺得好誇張呢，真系一d都唔誇張架，我同老公真系一人食佐2大碗，我兩個真系好喜歡食粥架 ! 食完果吓真系好滿足同好飽，去完兩次廁所之後………好快又肚餓，因粥系易消化d !

鎐柱滑雞粥

雙菇雲耳蒸滑雞(附食譜)

我大大話有年幾2年無用雲耳蒸過雞喇，前排系新北江買佐隻冰鮮黄油雞， 呢款黄油雞嘅肉質好好食，佢d肉唔系腍啤啤架，食落口好有咬口，系走地雞嘅質感，食落口完全系新鮮雞嘅質感好有雞味同甜味，推廣價55蚊一隻好抵食 ，果度嘅老闆話貨量唔多，賣晒就無，我有一次去買好早已經話賣晒，我今次系第二次去幫襯佢，今次一買就去買，仲買佐2隻添，一隻系老闆推介嘅黄油雞，已買過黎食好食再買，另一隻系麻香雞(老闆話呢款肉質更好)，今次系用黄油雞，用佐半邊黎蒸，已經有一大碟喇，老公話好好食，其實上次買黎煮咖哩同煮雞酒，試過質地好好，所以今次用佢黎蒸，哈哈 ~ ~ 好好食 ! 

2021牛年快樂

🥂2021🎉Happy🐮year🍻🎊 

🎉恭喜發財🥰 大年初一 ✴  

👩我在此恭㊗️大家及我嘅親朋好友系新一年👉身體健康，事事順利，笑口常開，心想事成，萬事如意，財源廣進，豐衣足食，百毒不侵，恭喜恭喜！！！💓💓💓😁😁😁💖💖💖🤗🤗🤗💞💞💞  一如以往每年一聚，老公d兄弟話要上黎拜年，同埋要食飯，所以我大年初一我又要煮大餐喇~ 早上煮多d，夜晚繼續食，年年有餘，哈哈…😊

香辣咖哩雞

朋友介紹話我知有隻田師傅咖哩醬好食，我印象中有買過，不過系好耐之前嘅事，朋友拎佢黎炆薯仔牛肋條佢仲拎佐d制成品俾我試，確實系好正，於是我又去買返一包黎煮吓先，一包煮一餸岩岩好，煮好嘅咖哩好靚，咖哩味仲好香濃同埋辣辣地好鬼正👏 我喜歡濃味d😁所以我會加埋一細包椰汁煮多2分鐘……更香更惹味～超好味……突然諗起雪櫃仲有包雞脾未食，又拎埋佢出黎炒2炒加埋落去煮多陣即可以，製成品味道真系好好食😋

鮮甜咸湯圓

天氣凍凍地，唔知煮麥好，我提議煮咸湯圓食，阿女同阿仔都話好，一煲過唔洗煩，今次用佐半邊雞同半斤鯪魚肉，小小蝦乾同冬菇，最後仲加佐幾條腸仔同魚旦，煲完個湯出黎真系好甜，加埋娃娃同金菇仲更加清甜，煲佐一大煲滿嘅搬出去，兩三吓已無佐3份2，細佬同家姐食完自動再裝，唔洗我叫，真系好食到唔識停，個個都食到個肚漲卜卜，哈哈~~  用雞+魚肉黎煮湯底真系無得輸，超正 ! 喜歡嘅朋友快d試吓~ 

 

家庭版海南雞飯，麻辣牛肉炒雜菌，上湯浸豆苗

 簡易家庭版海南雞飯 ，d黄薑飯超級正 ， 我哋一家四口都好喜歡呢個黄薑飯，佢真系好香好好食，跟住用麻辣紅油醃牛肉，拎黎炒雜菌 ，麻麻地辣辣地幾好味，兩姐弟好喜歡，再黎整多碟上湯浸豆苗，簡單便是最美味!

畺醋【豬腳薑】 (附食譜)

 🍂 秋冬系進補最好嘅季節~ 女人唔補好易老 ! 今日黎返煲【豬腳薑】🤩 滋補强身一吓先💪💪💪 🐷豬腳薑唔一定要生完坐月先食嘅😝 之前食豬腳薑全部都人地整俾我食嘅🤪我生完兩個小朋友坐月都系我奶奶整俾我食嘅😊上年我大嫂都有整，我都有份食，其實我系好鐘意食豬腳薑入面嘅豬腳同蛋，薑我一般架咋，好彩我老公同我唔一樣，佢好鐘意食薑同蛋，哈哈~ ~ 自己從未整過，今次自己試吓整先得，真系第一次咋😅對我黎講應該唔困難嘅……咁樣補一補，我今個秋冬唔知又要會重幾多磅，嘻嘻~ 為佐身體好唔理得咁多，一於補佐先算，我要儲定d能量過冬至得，因為我系一個好怕凍嘅人 (,,•́ . •̀,,) 

蠔油雙菇栗子炆清遠雞

現時栗子當造，街市好多菜檔都有賣栗子，價格亦很便宜，已去一半硬壳的栗子2磅只是20蚊，我喜歡買已去一半壳仲有衣包住嘅栗子返屋企自己去皮，我個人認為咁樣嘅栗子味道香d，已去全去壳的栗子我亦有買過，感覺無咁好食，唔知人地去壳時會唔會加佐化學野落去，買有半壳栗子返屋企自己去衣其實好簡單的，就系煲好一煲滾水熄火將d半壳栗子倒落去，等d水無咁熱時就拎起栗子，細細力一啐就可以去佐d栗子衣同去埋另外d硬壳，真系好簡單!

颱風下的晚餐~

 🌀 颱風下的晚餐~  🍚🥢🥣  熱帶風暴浪卡襲港 🌀  我放假先黎挂8號風球🙈 一D風都無3號風球都不如🤫  我呢邊完全唔似打風😆 風平浪靜我樓下d樹郁都唔郁🙃 鮑魚西生菜 🥬 韓式辣醬焗雞鎚🐥  蒜蓉焗雞脾菇 🍄 台式肉燥🥩 淮山杞子茨實燉花膠🥣

惹味大排檔雞煲

 😜想食雞煲自己動動手就可以食到架😋買隻雞加1包醬再加小小配菜，炒佢幾炒，話咁易就有惹味雞煲食😍自己整要幾辣有幾辣，乾淨衛生，經濟又實惠👍 如果喜歡打邊爐的話可以原煲夜上枱食 ，食完加上湯或滾水就可以繼續打邊爐架喇!

我家小寶寶姐姐生日^^ ，燒烤板

🥳琴日我家🐷🐷生日~🎂 😌原本出街食飯同阿囡慶祝生日的😊 🦠🦠但……因近日疫情嚴重佐好多🤦‍♀️ 😑為免受感染~我哋唯有唔出街食🤫 最後決定👨‍👩‍👧‍👦一家四口在家食韓燒🥳正~ 👍在家食烤肉安心又舒服又好味又過引~🤗 依家真系要齊心抗疫，如無必要盡量少出街😌 希望香港疫情快d消失，祝大家身體健康百毒不侵!

我的小寶貝生日

🕰時間過得真快🧑細佬要拎兒童身份證了，即系11歲喇，家姐13歲🙈佢哋每大一歲即系代表我又老了，唉~真系歲月崔人老~ 我d白頭髮越生越多喇，唔到我唔認老又或者系我未老先衰，哈哈~ 細佬生日簡單系屋企食餐飯同買2個細細個嘅蛋糕一齊食慶祝吓咁就算了，疫情仲未停真系唔敢同佢哋出街食野，其實一家人齊齊整坐埋一齊食餐飯已經系好幸福嘅事了~ 🥰

🎉祝細佬 : 生日快樂~身體健康~學業進步~

黑糯米雞酒，自家釀制黑糯米酒(附做法) , 氣炸小春雞

今日介紹吓補身野……佢就系雞酒喇，事原系我琴日系廚櫃揾檸檬醋裝d俾我同事試的時候我見到隔離放佐黑糯米酒，我又忍唔住裝佐d黑糯米酒同渣俾我同事試，哈哈，我喜歡同人分享我的製成品! 講返正題先，其實之前天凍果時我煮過好幾次雞酒飲，原來系我無系呢度記錄低同埋無同大家分享……

豉椒爆炒雞，肉碎茄子

買親雞我平時多數會拎黎炆或者豉油煮，今日整返一碟惹味小小嘅餸菜，就系用蒜頭豆豉尖椒唐芹爆炒佢，我平時買親嘅尖椒大多數唔辣的，但今次出奇地辣喎，我食得辣就覺得好正，因為都幾辣吓所以兩姐弟就唔敢食咁多尖椒净系食雞多~ 至於茄子呢…我已有成大半年無買過黎食，今次買佐黎炒肉碎，我今次用豆板醬蒜頭肉碎黎炒，炒完出黎阿囡月阿仔都話唔好食喎😑俾佢哋激死，其實佢兩個系唔喜歡食茄子的🤭哈哈!!! 我話唔喜歡都要食，唔可以話唔喜歡就唔食，我要佢地每人至少食15條，阿囡一路食一路話我，話我咁多蔬菜唔揀系要揀茄子黎買， 哈哈，仲叫我下次唔好買😅

海南雞黄薑飯，豉椒炒血丸子，香蒜炒紅莧菜

好耐好耐之前我好似有整過海南雞飯，但今次整系用新鮮雞黎整，味道真系一流唔錯唔錯，雞同飯d顏色都好靚仔，d雞我一早用d粗鹽醃佐幾個鐘，d雞肉充滿咸香味，唔洗點醬都好好食，净食黃薑飯都好正好香，再加上大嫂俾的湖南特產「血肉丸子豆乾」用尖椒炒小小辣超惹味，真系正到爆! 但系呢個特產唔系個個喜歡食，因為佢嘅燻味勁重的，我老公唔鐘意果陣煙燻味，所以佢唔喜歡食的，但我同對仔囡就好鐘意食!