今日介紹吓補身野……佢就系雞酒喇，事原系我琴日系廚櫃揾檸檬醋裝d俾我同事試的時候我見到隔離放佐黑糯米酒，我又忍唔住裝佐d黑糯米酒同渣俾我同事試，哈哈，我喜歡同人分享我的製成品! 講返正題先，其實之前天凍果時我煮過好幾次雞酒飲，原來系我無系呢度記錄低同埋無同大家分享……
今日我就黎同大家分享吓~ 雞酒系好補身好補身的，黑糯米酒系我自己親手釀製的，全真材實料的，有好幾種藥材放落去一齊浸泡的，所以都好補身架，我生完2個小朋友坐月時日日都系煮呢個雞酒黎飲架，前2年我見到同學生完坐月佢又系飲呢d ，我突然想飲，嘻嘻…好有衝動想去買糯米酒黎煮，但諗深一層買返黎嘅酒系無藥材味的，煮出黎味道同效果肯定唔系我想飲嘅味道，就系咁我就打消了念頭，過佐一排同學又post出雞洒嘅相，我再次被吸引住了，頂唔順我打電話問阿媽點樣浸我坐月時飲果d黑糯米酒，阿媽問我搞嘜無啦啦要浸黑糯米酒，問我發生咩事，哈哈~ 我話無事只系你個女見到人地煮雞酒我覺得好正又想飲咪問吓你點整囉，哈哈~同阿媽傾佐一輪閒計跟住我媽就教我，我當然要用筆記錄低喇，等阿囡或者我個新抱仔第時有佐我可以整俾佢哋補身呀嘛，哈哈哈哈哈~ 笑鬼死~~~ 我諗得太長遠了，哈哈~真系頂唔順我自己，真系笑鬼死人~
*歡迎生過小朋友嘅媽媽同我分享坐月或生小朋友過程嘅事，哈哈~ 我返工時無聊都系傾生仔經同湊仔經架，我間公司有好多媽媽㗎，我哋好常交流心得同互相學習架，正所謂活到老學到老呀嘛係咪 ^^
(突然間念起我坐月時的日子，真系好開心，但系我有d朋友同我講坐月系好辛苦之餘又訓的唔好又點點之類嘅野，我坐月系唔辛苦，我反而覺得坐月系好開心同好享受!)
 |
| 香味撲鼻 , 超級正! |
糯米酒及酒渣各大半碗
( 如果無自家讓製嘅酒大家可以系街買糯米酒或米酒代替 )
材料:雞件，瘦肉，薑片，紅棗，木耳，雞蛋
蛋要事先煎佐荷包蛋樣子，蛋黄位置我放佐小小薑粒落去的，大家認真望下就會見到，唔喜歡可以唔放的!
做法:白鑊先將薑片炒一炒香先，其次放雞件及瘦肉落鑊炒香，之後放埋酒渣，木耳，紅棗落鑊炒香，再次加所需水量和已煎好的蛋中火煮至雞出味，約煮20~30分鐘，最後加埋自製黑糯米酒煮1~2分鐘即可以 ! (酒不能太早加落煮和不適宜煮太耐，煮太耐酒味會揮發晒)
炒好所有材料，我就喜歡轉用煲仔黎煲，保溫效果會好d，同特別有風味，哈哈!
煮好前2分鐘加入黑糯米酒煮1分鐘即可享用
超正嘅黑糯米雞酒又香又甜又補身，冬天飲特別正!
( 女性生理週期不能飲用哦! )
補身雞酒
2018年自家浸釀的黑糯米酒
黑糯米2斤洗乾淨煮熟，放置微涼(若30度左右)加入2粒酒餅碎拌匀，放入玻璃樽，
用布蓋住樽口，等佢自己發酵一星期，之後加藥材同2斤雙蒸酒
藥材 : 紅棗，烏棗，當歸，党參，首烏，枸杞子
(份量大約) 藥材要洗一洗，抹乾水份，水滾中火蒸15分鐘
藥材蒸完放涼可以放落樽，2斤米就加返加2斤雙蒸酒，加蓋浸最少3個日才可以用，浸耐d都無問題。
浸好佐的黑糯米酒可以就咁飲架，有甜味之餘仲有好香嘅藥材味道 ，功效系行氣活血.....仲有好多功效的~ 我唔寫咁多..........總之就係補 ! 哈哈! ! ! !
***想補補身嘅朋友們快d動動手去整，
依家3月份了現在整定今年冬天就可以享用喇***
以下系5斤米5斤酒，上年(2019年)浸嘅^O^
今晚晚餐@17-3-2020
😁今日涼涼地煮佐個黑糯米雞酒飲🥰
😅我仲氣炸佐隻🐣小春雞🐥好味😋😋
沒有留言 :
發佈留言