魚腥草蘋果雪梨茶

呢個疫情真系好得人驚，呢排確疹人數不停上升，唉！確令人煩惱~ 我地自己唯一可以做嘅就系無必要唔出街，同埋間唔中要煲d清熱潤肺嘅湯水飲吓，幫助增强抵抗力，我今日煲佐呢款都系清熱潤肺飲品，味道唔錯的!

魚腥草大家有無煲過呢？ 我印象中好似有介紹過，實際有無我真系唔記得了，哈哈~ 魚腥草一睇佢個名你都估到佢系咩味~ 就系一大陣魚腥味，唔系講笑佢真系好鬼腥，對於唔鐘意食魚嘅我，我覺得佢腥到爆，但佢又好奇怪的，未煲時真系好鬼腥，煲完一d腥味都無架，超奇怪的，佢嘅功效好好的，佢系天然的消炎抗菌食物，電視曾經介紹過佢係可以用來涼拌食用嘅，涼拌我一d興趣都無囉，涼拌我怕自己食完會嘔死……哈哈!

 材料 : 魚腥草半斤，蘋果3個，雪梨乾適量，無花果5粒，南北杏適量，陳皮一塊

 做法 : 魚腥草洗淨，蘋果洗淨去蕊切件，其他材浸洗一下便可以

快速智能煲煲30分鐘 ，若用明火的話即要煲1小時

煲好加2塊片糖調味即可(不加亦可，因蘋果雪梨已有甜味)

清潤微甜，仲有淡淡嘅水果味，好飲!


呢排成日放假，多佐好多時間休息~ 要好好珍惜呢d日子~ 休息足夠，身體自然會好，要有好身體才能照顧好家人及能走更長遠的路~ ^^