甜酸排骨，元茜咸蛋肉片冬瓜湯，鮮菠蘿

疫情開始在到依家我地無出過街食飯，日日系屋企煮，一系我煮一系我老爺煮，我老公好小煮的，佢煮親多數系煮麵，嘻嘻… 如果我同老公都返工就系我老爺過我屋企幫手睇住我兩個小朋友同埋幫手煮餐飯咁樣，但我d仔囡由細到大都系我自己一手一腳湊大的，食慣我煮嘅餸菜，依家我要返工，變佐佢地要食爺爺焣嘅餸菜，兩姐弟同我講爺爺煮d餸有d唔岩佢地口味，因為咁樣，我依家好多時返工前都早d起身整定d餸放雪櫃，等爺爺拎出黎蒸一蒸，煮一煮，叮一叮返熱佢，叫爺爺净系灼d菜或者炒碟瓜再煲個百飯咁就可以食，咁樣做我需然系辛苦佐，但爺爺就舒服d唔洗做咁多野，同埋阿仔阿囡都開心d繼續可以食到我嘅餸!

今日整呢個系細佬最鐘意嘅餸叫甜酸排骨，我地出親街食飯，細佬多數會點甜酸排骨或咕嚕肉的，細佬系食肉獸來的，哈哈......今次整甜酸排骨我系買現成包裝醬汁的，我系第一次買呢款甜酸排骨醬，原來佢嘅味道都唔錯，下次可以再買!

呢個武漢肺炎由1月到依家3月了，個疫情依然系有增無減，確系令人擔心，疫情其間無必要我都唔出門口，就系因為咁我呢2個月都買多佐同食多佐雪藏野，因為我一出元朗買餸就會買定幾日嘅肉，因為元朗買餸俾天水圍平好多架，我天水圍呢邊d街市多數系領展管理的，佢哋d租金貴所以d餸唔會平得去邊，為佐可以慳返d我唯有一放假就拉車仔出元朗買餸，慳得一蚊得一蚊，慳埋慳埋d錢又可以去旅行，哈哈~ 

急凍排骨買返黎用鹽水浸一浸佢

浸完洗乾淨之前拎起d排骨隔走d血水備用，

之後用d簡單簡醃料醃排骨(用豉油，糖，胡椒粉，雞粉，生粉)醃半個鐘，拎去氣炸 ，# 無氣炸鍋可以用油去炸佢

配料: 洋蔥，尖椒，蕃茄，菠蘿，

仲有蒜蓉(忘記放出黎)

用油起鑊，先將洋蔥炒香，之後加入尖椒，蒜蓉炒香，再將蕃茄同菠蘿炒幾炒，放入排骨落鑊，最後加埋包醬汁炒匀就可以了 ! 

大功告成，五顏六色，好靚 !

芫茜咸蛋肉片冬瓜湯

系元朗買餸俾我見到d新鮮菠蘿好平，15一個咋，仲要系好大個，其實我想買兩個的, 但我又怕唔好食所以買一個試吓先，點知出乎意料地好食，同埋好香好甜，佢系連個蕊都好食好甜無渣，我仲要系無用鹽水去浸就咁食，我用佐小小黎整甜酸排骨，其餘果d菠蘿兩三下就食完了 ^^

15蚊一個菠蘿，咁大個好抵食!

自己批菠蘿
批菠蘿呢個刀真系超級好用，好方便
批一個菠蘿都系10分鐘咋

自己批，批得乾淨之餘又靚仔，正呀!

呢把刀年幾前我系旺角買菠蘿地方買嘅

好平架咋，唔記得幾錢了，好似10蚊左右咁上下