琴日放假我哋一家四口同老公同事兩公婆約埋一齊去長洲行山同食吓野，即日來回，夜晚就book佐上環酒店住一晚輕鬆吓~ 因疫情成年無得外出旅行，唯有自己簡簡單單計畫去長洲玩吓住返一晚酒店就當去佐旅行了，哈哈~ ~ 長洲d境色真系好靚，間唔中入去離島呼吸吓清新空氣，真系人都精神d~
天氣一凍街頭一定會見到有炒栗子同鹽焗蛋賣，天凍食呢d熱辣辣嘅野真系特別正，突然間想食焗鵪鶉蛋，但又唔想出街買，哈哈…… 我從未試過自己整鹽焗蛋的，早幾日買餸時見到d鵪鶉蛋都抵，13蚊一盒，22蚊2盒，咁抵更系買2盒喇，買定放系屋企，等放假就自己試吓焗，上youtube打鹽焗鵪鶉蛋就有好多人分享影片出黎教人，最簡單就系純用鹽去焗，另外亦有些加佐香料落去的，我喜歡食濃味野當然加埋香料落去焗喇，因為花椒八角呢d野我屋企系長期有存貨的，做法亦超級簡單，就系用白鑊炒香d鹽同香料，炒到d食鹽變色就可以，煲底先加一層厚鹽放蛋之後又再放鹽盖住所有蛋加盖，用中火燒5~10分鐘，放涼就可以拎起d蛋黎食! 自己焗經濟又實惠又乾淨，真系正!
😋洋蔥木耳炒榨菜肉絲😍好香呀~ 🤤 前一日夜晚炒定第二日起身煮個麵就可以加d落去食😁 我自己鐘意一次過炒多d用玻璃盒裝住放雪櫃可以慢慢食 💯 朝早起身煮個米粉或者麵加小小落去好好味架，我兩個小朋友好喜歡，佢除佐配粉麵一齊食之外仲可以做餸，我間唔中都整嘅，但好似好小記錄低，呢個榨菜肉絲用黎送飯食超級正架，唔洗多小小就可以食到一大碗飯架!
今日放假得閒又黎煲吓魚腥草先…… 🥴魚腥草未煲嘅時候真系好鬼死腥🙈 但系煲好之後就完全無腥味架😍呢個茶功效好好架👍 間唔中煲呢d黎飲吓，😷病痛都小d，大家得閒都煲d黎飲吓喇…… 💢怕寒嘅就加片陳皮落去煲，煲好之後放d片糖落去調味，就可以飲 ! 我今次用佐冰糖😅事關我屋企d片糖用晒未我唔記補貨😆😆 🌱魚腥草功效好好架，圖片3，4都有得，想知更多有關魚腥草資料嘅話大家自己上網查😊 呢個茶有止咳消炎抗菌，增強抵抗力 ，清熱解毒嘅功效架!味道清甜幾好飲架，有之前都有煲過^^ ……
近日疫情確疹人數又上升返了，第四波一出現就來勢洶洶~ 大家真系要小心，不能掉以輕身，為佐要加强身體抵抗力，琴日放假即刻煲返一煲蟲草圓肉花膠湯黎飲一飲，增強吓抵抗力之餘又補一補身先得，前排雙11系淘寶買佐個8.5 L砂煲，前日收到貨，琴日即刻拎佢黎用，但淘寶買的8.5L俾我想像中細，琴日試用佐黎煲湯煲完出來的湯唔錯，用砂煲煲湯出黎嘅湯系唔同d，還好佢的容量够我一家四口飲用，隻11我已好隱手但都買佐唔少野，買得最多系李子柒螺絲粉，因為之前買過覺得好好食，我同兩個小朋友都好鐘意食，我老公則一般，所以今次一買就買佐好多，有排食，哈哈……仲買佐部小型攪肉機，格仔餅機，四川同湖南嘅麻辣臘，臘肉，嘻嘻… 等放假就拎佢哋出黎玩 ， 同埋整d臘腸臘肉黎食~
🍂 秋冬系進補最好嘅季節~ 女人唔補好易老 ! 今日黎返煲【豬腳薑】🤩 滋補强身一吓先💪💪💪 🐷豬腳薑唔一定要生完坐月先食嘅😝 之前食豬腳薑全部都人地整俾我食嘅🤪我生完兩個小朋友坐月都系我奶奶整俾我食嘅😊上年我大嫂都有整，我都有份食，其實我系好鐘意食豬腳薑入面嘅豬腳同蛋，薑我一般架咋，好彩我老公同我唔一樣，佢好鐘意食薑同蛋，哈哈~ ~ 自己從未整過，今次自己試吓整先得，真系第一次咋😅對我黎講應該唔困難嘅……咁樣補一補，我今個秋冬唔知又要會重幾多磅，嘻嘻~ 為佐身體好唔理得咁多，一於補佐先算，我要儲定d能量過冬至得，因為我系一個好怕凍嘅人 (,,•́ . •̀,,)
😬繼續用自製泡菜整好野食，今次整泡菜鍋，簡單易整又好味，簡單d講系一鑊熟🤣 快~ 靚~正~👍 👫兩姐弟超級喜歡食呢個泡菜鍋😍 💥呢個泡菜鍋其實有好多變化的🤫唔想配飯食的話，可以自己加烏冬或麵或餃子或年糕落去都一樣咁好味，🤤想再好味d可以加埋2片芝士🧀落去🤩嘩~ 諗起都留口水~ 🤣🤣🤣太邪惡了……
琴晚用自己醃制的泡菜黎炒豬腩肉，炒完出黎酸酸辣辣，超級好送飯，我自己覺得比起街上的韓國餐廳還要好吃，非常之好味👍屋企人個個大讚好吃，兩三吓清晒碟泡菜，阿囡連汁都唔放過，碟餸剩返小小汁佢叫我用個細碟裝起俾天第二日用黎撈食食，哈哈……阿囡話媽咪你醃d泡菜酸度岩岩好，又唔會好咸，辣辣地真系好好食 ! 我話最緊要你喜歡食，食完下次再整過^^ 嘻嘻~ 阿囡同阿仔好鐘意食泡菜，有時我地去韓國餐廳食飯時，老公都有點泡菜俾阿囡食，但阿囡話香港d韓國餐廳d泡菜味道甜味重d無咁好食，所以我就算系超市買宗家府返屋企食都系食小小先等佢自己發酵多1~2日有返d酸味出黎再食的 !
早兩日放孖day，出佐元朗買餸，俾我見到d大白菜好大棵好靚，二不說買佐一棵，其實無諗住整泡菜的，突然醒起我之前整過泡白蘿蔔，酸辣的黎好爽脆我自己就鐘意食，但阿囡同阿仔就話泡白蘿蔔佢哋唔系咁鐘意，唔岩佢胃口，佢話無咁好食，不如你下次試整韓國泡菜，好喇反正我之前買佐d辣椒粉同魚露都仲有，雪櫃又有蘋果同南水梨，一於整個泡菜俾你倆姐弟食喇~ 我老公唔多好食泡菜的，哈哈，但我同對仔囡就好喜歡，我間唔中都有買「宗家府」泡莱返屋企食的，宗家府呢個牌子泡菜好味d，但佢買返屋企第一時間食系得個辣同咸味的，因為佢地包裝入面有脱氧劑阻止佢發酵，我地通常買返去開佐袋食小小先，之後放雪櫃等多2日再食會更好味，俾佢發酵多2日再食多佐陣酸味更加好食!
🌞醒晨早餐🤪 🧂🧅🐟🥩🥚🌮 🌮黑椒洋蔥吞拿魚火腿蛋包🌮 👩🍳自己做簡單足料又好味，💯每一啖都系吞拿魚，可以一次過整多小小用玻璃盒裝好，放雪櫃，食一星期都無問題的😊 💟呢個吞拿魚醬可以整三文治 其實用途都廣泛 😋仲可以做自制麭包饀料，配多士食，配梳打餅食，或者做吞拿魚撻，酥皮吞拿魚卷等等…… 💥街買果d吞拿魚好小，醬就超多，唔好食🥴
👇👇以下系我個人飲食專頁🥳 專系同大家分享吓我的自家製作😋家庭小菜，湯水，小食，甜品。。。。等等~ 對煮食有興趣嘅人可以搵我傾吓煮食心得🥰 或者有野要問我嘅，亦隨時歡迎提問，我識嘅一定解答你😊 我一有時間就會更新的，我得閒會拍吓短片放上去的，blog友們你哋可以去我Facebook個人專頁探我架 !
琴晚嘅晚餐~ 🍛🥣 琴晚用金銀蒜蓉勝瓜粉絲蒸蜆👍味道好正，d粉絲吸佐d硯同勝瓜嘅甜味特別好食😋第一次買聖子返屋企整，用豆鼓蒜蓉尖椒黎炒聖子😍好惹味😍，呢排仲系好熱，得閒就煲返一煲冬瓜湯消吓署，見雪櫃仲有小小栗子，於是放埋落去煲，呢個冬瓜栗子粟米豬骨湯真系好清甜，阿囡話好好飲喎 !
今日放假~ 又黎早餐+午餐一齊黎，快靚正~ 哈哈……
🍳蝦子小蝦米酸豆角火腿蛋炒飯😋😋每一粒米飯都沾上蝦子🦐非常香👍非常好味🥰 👫我兩個小朋友好喜歡食呢個炒飯😍 大家喜歡就試吓炒呢個飯黎食吓喇，真系好正架！
