🍂 秋冬系進補最好嘅季節~ 女人唔補好易老 ! 今日黎返煲【豬腳薑】🤩 滋補强身一吓先💪💪💪 🐷豬腳薑唔一定要生完坐月先食嘅😝 之前食豬腳薑全部都人地整俾我食嘅🤪我生完兩個小朋友坐月都系我奶奶整俾我食嘅😊上年我大嫂都有整，我都有份食，其實我系好鐘意食豬腳薑入面嘅豬腳同蛋，薑我一般架咋，好彩我老公同我唔一樣，佢好鐘意食薑同蛋，哈哈~ ~ 自己從未整過，今次自己試吓整先得，真系第一次咋😅對我黎講應該唔困難嘅……咁樣補一補，我今個秋冬唔知又要會重幾多磅，嘻嘻~ 為佐身體好唔理得咁多，一於補佐先算，我要儲定d能量過冬至得，因為我系一個好怕凍嘅人 (,,•́ . •̀,,)
豬腳薑食譜
材料：
豬手或豬腳 1隻
老薑 2斤
雞蛋 10幾隻
八珍甜醋 5斤
八珍黑糯米醋 1斤
(👆忘記放出黎影相😅)
做法：
1.豬手或豬腳叫肉檔切件，將已切件嘅豬手放入滾水內汆水，煲出血水雜質，即可拎起清洗乾淨，用白鑊炒香，備用2.老薑清洗乾淨，去皮拍扁，太大件可切件，白鑊炒香，備用
3.雞蛋煲熟，剝殼，備用
4. 將已炒好嘅豬手豬腳及薑放入煲內，倒入適量八珍甜醋和黑糯米醋，醋蓋過材料即可，煮至滾起，轉細火煲30分鐘左右至入味上色，最後放入雞蛋浸煮10分鐘熄火即可!
※溫馨提示※
1.八珍黑糯米醋净系得個黑糯米香味和酸味，只要系中和甜醋嘅甜，可加可不加，我唔喜歡太甜所以要加d落去!
2.雞蛋方面，如果唔喜歡太硬嘅蛋，咁d蛋就唔好浸咁耐，醋會令蛋越浸越細隻同越浸越硬，浸的太耐會變鐵蛋!
3.每次''不"野食時一定要乾淨無水嘅餐具去不，如果食得唔快嘅可放回雪櫃食時加熱或者原煲室温放置2~3日要煲返滾佢，薑浸得越耐越好食!
同事介紹話加咸蛋會更加好食，我又不防一試，果然無介紹錯，真系好食，咸蛋d蛋白唔咸同唔會實啲啲，同埋唔會點縮水，咸蛋放入去俾雞蛋時間短，但佢系俾雞蛋更入味，真系正!
沒有留言 :
發佈留言