2017年4月21日星期五
海鮮pizza(附食譜)
今朝見到fb回顧4年前嘅今日，兩姐弟食pizza，好得意呀！兩姐弟大個佐好多……今晚晚餐一於整返個同樣嘅pizza食吓先，可能太耐無整黎食，所以覺得特别好味! pizza yummy ~ yummy……
2016年11月29日星期二
2016年11月28日星期一
湯種鮮奶排包，芝士蟹柳包，脆皮芝士腸仔包 (附食譜)
上個月尾整嘅包，依家先得閒post出黎，嘻嘻……今次好滿意自己整嘅排包，同一款麵團整佐3款包，第一款系排包，第二款系芝士蟹柳包，第三款系脆皮芝士腸仔包，第二三款d包好快就清晒，第三款包就無人想食，兩姐弟話排包無餡唔鐘意，之後我又要諗方法黎消滅d排包，系排包上加d芝士紫菜肉鬆放系排包上面再焗，焗完出黎2姐弟食到拇指大動……佢地話好好味喎！加佐湯種整出黎d包確系軟熟！
2016年10月23日星期日
乾果仁方包 (紅苺，提子，芝麻，瓜子仁，合桃)【附食譜】
風球下的方包……因為上星期五系8號球，教育局宣布所有學校停課，我兩個小朋友亦唔洗返學，早幾日已經知道星期五可能打風，咁我星期四己經買了好幾日餸，外面横風横雨，無得落街，悶悶地搵佐部麵包機出黎整下包……我估我自己應該有大半年無整過包，我再唔拎部機出黎用一用，我諗我部麵包機就快變化石了，哈哈……
2016年7月9日星期六
千島海鮮pizza，雜菜沙律
潛佐水一排無上黎寫野，今日終於現身了……太耐無整pizza食，昨日突然想食所以買齊d材料琴晚整，一系唔整一整就整佐2個大大個嘅，一個10吋一個12吋，哈哈……2個咁大當然吃唔晒喇，有剩果幾塊就系我地今日嘅早餐喇，阿囡話媽咪你整嘅pizza好好食，好過系出面pizzahut買果d，我話我有無咁勁呀！阿囡佢話：有呀，因為出去吃果d有些材料我唔鐘食(特別系洋蔥)，但你整嘅pizza材料我全部都鐘意食，所以我覺得你好勁，仲整得越黎越靚添呀！而老公就話好正，仲話我整得越黎好，好有水準喎…
#上星期系陳枝記果度買佐一塊我好想買嘅搓麵粉墊，真系好好用，系墊上面搓粉系完全唔痴的，用完冲吓水就得……我系元朗天水圍見到呢d墊好貴，所以一直無買，上星期同大嫂去陳果度買野見到都咁大張都系60蚊，我覺得好抵，所以同大嫂一人買佐一張(^_-)
2016年2月19日星期五
粟米火腿包，吞拿魚包，茄汁腸仔包(1爐焗3款味道包)
一爐3款味嘅包，一次過滿足3個人嘅口味，確系過隱，哈哈……阿囡鐘意吞拿魚，阿仔鐘意腸仔，我就鐘意粟米火腿，老公樣樣都食嘅，今次麵粉方面加佐小量全麵粉，感覺健康小小，嘻嘻……
2015年12月17日星期四
粒粒芝士鮮奶方包，豬膶粉腸皮蛋粥
呢款方包食譜系FB入面d人分享出黎得，我見人地整得好靚，我又跟人地食譜去試做一次，睇下效果如何，總得來講呢款方包味道唔錯的，如果即日食晒就無問題，但隔日吃呢……佢就會硬，我個人覺得始終都唔及低溫發酵好！
2015年12月13日星期日
2015年12月2日星期三
2015年11月27日星期五
芝士火腿吐司，吞拿魚粟米包
昨日一次過焗佐2樣包，反正都系要吃，咁我就試下一次過整多d放系度，起碼可以吃4日，唔洗日日整，早餐我地主要系吃麵包多架，哈哈……簡單d一款麵團做2款包，一款系芝士火腿吐司而另一款就系吞拿魚栗米包，我發覺整包系會整上隱，其實我整包黎黎去去都系整果幾款包，花款唔多，加上我兩個小朋友指定系吃果幾款包，就算出街買都系買黎買去果幾款包，例如芝士火腿，吞拿魚，肠仔，蒜蓉包，芝士條……多數系呢幾款！有得揀嘅情況下甜包佢地系唔多鐘意架，嘻嘻……
2015年11月21日星期六
2015年11月20日星期五
火腿蛋包 / 芝士火腿包(低温發酵)
大大話有成年無整麵包了，部麵包機買佐返黎放系屋企整佐無幾多次就收埋佐部機無整，老公上星期話我，你部麵包機買返黎用佐無耐就唔用，都唔知你買黎做乜，你成日都系街買麵包俾我同對仔女早餐食，其實街買嘅麵包一d都唔平，連簡單豬仔包都要5蚊一個，你自己識整包，不如每日整包俾我地吃喇，自己整點都會平d同健康d呀嘛，返正你買完餸都系返屋企無野做……就系咁俾老公話完之後，呢幾日下午都系屋企玩整麵包……
2014年8月31日星期日
紫薯方包，珍寶肠仔包，芝士肠仔包
暑假最後一日我都唔放過，要整包包，天日早餐有著落……两姊弟天日早餐我就唔洗煩食咩早餐喇，一杯奶再加一個媽咪牌包，够晒飽，哈哈…… 老公話珍寶大肠仔包好好味，叫我唔好食晒，最少留返一個俾佢天朝早餐時食，嘻嘻！两姊弟好鐘意蝴蝶肠仔包，一出爐無耐就俾佢地食佐，我自己食佐一個珍寶大肠仔包，真系好好味！
2014年8月22日星期五
鮮奶南瓜吐司<附食譜>
原本今日系整紫薯吐司的，但諗起之前整過紫薯包，所以今日試整第二樣，咁岩前日買佐舊韓國南瓜未吃，所以拎佢黎整包，我第一次買韓國南瓜吃，蒸熟之後我試佐2舊仔，真系好食過中國南瓜，蒸好無中國南瓜咁多水份！3條吐司之中其中一條我加佐d乾果落去，有合桃、紅梅、提子乾，我自己喜歡加佐乾果ge南瓜吐司，食吐司時有d乾果咬下香d同埋好味d，但两姊弟就唔中意有乾果ge吐司，提子乾和紅梅佢地平時都唔中意吃架！
食譜天日打出黎，因為依家好眼訓，我要去見周公 *^O^*
2014年8月2日星期六
吞拿魚包，迷你椰賓(附食譜)
琴日整ge包太好味，所以今日繼續整，其實整包系會整上隱架，哈哈……
今日唔整香蔥火腿轉整吞拿魚包，琴日整ge包唔够食，所以今次要整多d，整書入面的雙倍份量， 發酵完見舊麵團咁大，我一於cut小小出黎整我好鐘意食ge椰賓先，我自己好鐘意系街買椰賓黎食架，嘻嘻……… 嘩……
今次整咁多肯定够食，两姐弟話吞拿魚好好味！而我自己更系鐘意食椰賓喇，真系好正～
 |
| 吞拿魚包 ，迷你椰賓 |
2014年8月1日星期五
香蔥火腿卷(附食譜)
吃過番尋味ge包包就系呢個香蔥火腿包，第二次整喇……真系好好味，今次其中四個加佐芝士，盈盈話加佐芝士更加好味喎，我地一家四口每人两個，但系我吃佐一個咋，我ge另一個俾盈盈吃佐(^_-) 佢話食2個唔够喎，所以我咪俾多一個佢食囉 ^^
2014年7月29日星期二
中式包～炸菜牛肉包，芝士肠子卷，原味卷 ( 附食譜 )
今朝晨咁早6點俾老公嘈醒佐，想再訓又訓唔著，唯有走去廚房搞搞震，哈哈哈……
今次大膽試整中式包，製成品又幾好喎，味道都唔錯，
唯一唔好就系包表面唔皮光肉滑 (╯▽╰)
我最中意炸菜牛肉包，辣辣地好好味 ^^
 |
| 炸菜牛肉包，芝士肠子卷 |
2014年7月22日星期二
牛油練奶杏仁包，芝麻香葱火腿包(附食譜)
今日我整佐d自家製無添加包包俾两姐弟下午茶時吃，我一心諗住佢两個會好中意食練奶包，因為練奶包甜甜都幾香，我估佢地中意食，最終佢两個一人拎一個練奶包吃佐小小就放低唔食，叫我俾火腿包佢地食，食完一個仲話要食多一個，我話：練奶包唔好食咩？佢两個話：練奶包唔系咁好食，火腿包好食好多，好似葱油餅，好好味！
哈哈……好似葱油餅，唉……俾佢地激死！
講真我都系覺得火腿包好味好多^O^
2014年4月26日星期六
清補凉雞蛋糖水，山形吐司<附食譜> ，千島醬芝士Pizza，菜乾雞腳鴨腎湯，蒜蓉牛油厚多士
前日晨咁早醒佐之後又訓唔返，於是去廚房揾野黎搞，
學茹初見話齊無野搞野黎搞……哈哈，
突然想飲糖水，就簡簡單單煲小小清補凉糖水，
系煲糖水的同時，
我手痕痕想整下方包，我真系好耐無整方包，
整完方包順手整多一舊麵團整pizza吃，哈哈………
見時間尚早我仲煲埋湯添(^ω^)
玩佐成日好滿足好開心但系好攰……(╯з╰)
清補凉雞蛋糖水
 |
| 清補凉糖水 |
2014年4月17日星期四
厚切餐包，千島獅子狗包, 首次見blog友小灰灰
呢個厚切餐包系整黎做見面禮的，因為我首次見blog友大人人，小灰灰，肥頭表哥，大人人中意食餐肉包，所以我自製佐d包包俾佢地吃……小灰灰同肥頭表哥好鬼死得意！
訂閱：
文章
(
Atom
)