乾果仁方包 (紅苺，提子，芝麻，瓜子仁，合桃)【附食譜】

風球下的方包……因為上星期五系8號球，教育局宣布所有學校停課，我兩個小朋友亦唔洗返學，早幾日已經知道星期五可能打風，咁我星期四己經買了好幾日餸，外面横風横雨，無得落街，悶悶地搵佐部麵包機出黎整下包……我估我自己應該有大半年無整過包，我再唔拎部機出黎用一用，我諗我部麵包機就快變化石了，哈哈……

今次我都懶得玩造型包，簡簡單單做方包就算，全程麵包機代勞，純白方包好單調，屋企有吃剩佐d乾果仁我拎佐部分放埋落去，可能我太早放乾果仁關係，d果仁全部搞到爛晒，其實咁樣仲好，因為我2個小朋友唔食乾果仁的，平時系街買嘅提子方包佢地會繼粒搣出黎俾我食的！呢個方包我系跟麵包機入面嘅食譜黎做的，系湯種包，感覺都幾好，第二日食唔需要加熱就咁食都系軟的，唔錯，第二日兩姐弟擦佐d芝士醬落去一齊食，佢地話好好喎！