做家庭煮婦最煩就系日日要諗買咩餸煮咩餸，真系煩死人…… 我自己好喜歡買定d急凍餸同罐頭放系屋企以避不時之需，我姑奶黎過我屋企見到我冰箱都嚇一跳，佢話我一星期唔落街都餓唔死我地一家口，哈哈……確實如此，今次煮呢個肉燥d肉都系我平時用剩小小肉就放上冰霜，儲儲埋埋唔少早幾我執冰箱就執出好多，用冰鮮肉煮呢個肉燥最好，因為滷肉味道重所以用佢黎煮系最好的，煮完出黎味道效果同新鮮肉系無分別的，煮滷肉燥同時加埋d已熟去壳蛋一齊煮d蛋真系好好味的，吃剩的肉燥如短期內吃唔晒最好放返冰箱，又或者食麵時加d肉燥落去吃好正同好好食的！
 |
| 辣肉燥上海麵，超正！可惜爭2條青菜……哈哈… |
我都係咁話，日日要諗買咩餸真係好煩，我一個禮拜都只係會煮三日餸，每樣材料買多少少，一次過煮夠兩餐份量，另一日就有隔夜餸食，唔使煩足咁多日，同埋唔使買餸煮飯嗰日真係可以慳到唔少時間呀！！
回覆刪除我覺得大人食隔夜餸無所謂，但我唔想小朋友吃隔夜餸……
刪除我唔係叫妳俾隔夜餸細路食，我只係分享我自己飲食方式，妳係全職家庭主婦，要細路食隔夜餸都講唔過去啦！我自己又要返工，仲好多晚要十點幾十一點先返到屋企，根本無時間再慢慢洗、切、煮，咁攪法半夜十二點都未有飯食囉！
刪除嘩……你咁夜先收工嘅，你做邊行？ 如果系得我同老公2個人食，我都會同你一樣，哈哈……一次過煮多d分幾餐食，費是日日煮^^ 日日煮真系好攰(╯з╰)
刪除我係教鋼琴呀！我哋呢行起碼都四、五點先開工，因為要等學生放學返到屋企先上到堂嘛，如果係成人學生就仲夜，要等埋佢哋放工先得！
刪除係囉，唔使煮飯真係舒服好多，尤其相比起我份工，真係返工仲舒服過放假喺屋企要做家務㗎！我某程度上都係迫住要煮多餐份量，因為一個人份量嘅食材真係無人肯賣俾你！