早幾日9月30日老公叫我同佢一齊陪老爺揸部車出去長沙灣放低俾人驗車，於是一早7點幾我同老公送完兩個小朋友返學之後就揸車出長沙灣，去到放低部車我地3個人去佐深水埗維記咖啡粉麵吃豬潤牛肉麵，我自己好喜歡吃呢間d豬潤牛肉麵，超足料，好正！吃飽之後去星巴克飲咖啡打發時間，11點左右已經收到電話話部車驗好，我地返去拎車再揸返部車返元朗菜田，我對上一次去奶奶菜田好似系1年前嘅事了，哈哈……今次菜田少佐好多菜，奶奶話之前打風搞到好多菜都唔要得，好幾塊田都再種過，我見有好多木瓜所以摘佐一個大嘅，老公話想食甘蔗，老爺就斬佐一條好大好粗嘅俾老公，條蔗好長好重仲好甜，但系佢d皮超硬，用牙咬唔到，一定要用刀批走d皮先食得我仲摘佐d指天椒同秋葵返屋企，奶奶仲俾佐一扎菜蕊我，收穫豐富，哈哈！
有自家新鮮蔬菜食，好幸福呀！！
回覆刪除嗯……我就幸福，但老爺奶奶佢地就好辛苦囉……佢種嘅菜系用有機肥種的，種出黎d菜特別好食，菜味濃d同甜d！我奶奶一扎菜未夠1斤要1O幾蚊1扎，好多師奶幫襯佢買，食過知道好食，常日揾我奶奶買菜架，哈哈……
刪除如果你想食好d嘅菜一定要買本地菜或者有機菜，貴就系貴d，但真系好食好多架！
我咪就係話妳幸福囉！！ ^^
刪除其實依家街市都有有機蔬菜賣，但根本都唔知係真定假，價錢就賣到好貴呀！！
係呢，妳老爺奶奶嘅有機菜係咪要親自去佢度買呀？
系呀，奶奶依家無固定鋪，暫時做小販咋
刪除因為我老友一直都想買信得過嘅有機蔬菜，但佢住港島區！
刪除好開心，D菜真係好新鮮好靚！
回覆刪除系，佢地每日朝早摘好d菜整好一扎扎，下午就拎去賣，真系好新鮮好靚！
刪除